تجربتي لميتسوبيشي لانسر GLX 2014

8 1

لايمكنك التصويت حتى الحصول على 20 نقطة على الأقل
إضغط هنا للإخفاء

mgnonk_702 603
قبل 11 سنه

بسم الله الرحمن الرحيم

السلام عليكم ورحمة الله وبركاته كيف الحال عساكم طيبين 

طبعا انا قد سألت هنا عن استأجار سيارتين بأسم واحد وقالوا الشباب تقدر
والحمد لله قدرت استأجر سيارة لي باسم خالي ومن غير رخصة
وهو استأجر اكسنت 2014 طبعا من ذيب فرع مطار الرياض

وأنا استأجرت لانسر ميتسوبيشي GLX 2014 
يوميتها ب100 ريال أدري غاليه لكن من فرع المطار + موديل السنة
اخذتها 6 أيام طلعت ب600 ريال

ببدأ بطرح تجربتي لها

اللانسر اللي اخذتها GLX مدري وش فئتها لكن شكلها ستاندر
القير اوتو + القزاز كله كهرب + طيس
ممشاها كان 32037 كيلو

نبدأ
العزم ممتاز جدا مكينتها 1.6 لتر والقير توبترونيك
الرساوة ممتازة على سرعة 130 وأقل
* العزل يعتبر ممتاز لمثيلاتها من السيارات لكن العزل الأرضي لك عليه شوي
الراحة جيدة جدا المراتب الأمامية مريحة وما تتعب كثير لكن باقي شوية ويدق راسي بالسقف بعكس الصني
المساحة الداخلية ضيقة نوعا ما
التصميم  فيه تكاية صغيره وفيها درج يعني يادوب تتكي يدك وحقت الأكواب بعد التكاية
المكيف جيد جدا ممكن عشان حر الرياض ودرجة الحرارة فوق الأربعين
المسجل نوعيته ممتازة باناسونيك وصوته عالي وصافي
السيارة اخذتها وفيها شرطتين وعبيت ب 15 خلال 6 أيام يابلاش
وسلمتها وفيها اربع شرطات بنزين ومشيتها حول 350 كيلو
ومافيها انمبير حرارة في الطبلون
وللأسف مافيه غير ايرباق واحد في الدركسون 
والفرامل فاشلة بمعنى الكلمة تزحلق كثير ما اتوقع ان فيها نظام ABS
ومساحة الشنطه متوسطه 

وفي النهايه انا اقول اذا سعر السيارة وكالة فوق 40 ألف فما تستاهلها
واللي يعرف كم قيمتها ياليت يفيدنا
و ان شاء الله في الإجازة الجايه بستأجر اكسنت 2015 وبنزل تجربة بإذن الله

و أي أستفسار أنا حاضر وسلامتكم .

إبلاغ

الردود