تغير ربلة العكس

على حسب السيارة وفيه ورشة تقطاع الملك عبدالله مع الملك عبدالعزيز في محطة بنزين فيه ورشة جيده 
بس الاسعار تعتمد على حسب الشغل اللي في السيارة 

فيه مركز العضيب على طريق الملك عبدالله
الافضل انك توضح نوع السيارة والا صناعية الخليج في الشرق ماهي بعيدة كثير

فيه مركز  ( أستاذ الصيانة ) شرق الرياض بشارع الأمير بندر بين إشارة الجبيل وابن الهيثم مركز متخصص وشغل مضمون

فيه محل ورشة على طريق الملك عبدالعزيز مقابل صحارى مول اشتغل في سيارتي عكوس واذرعة وشغله تمام

العضيب اذا انت قريب من طريق الملك عبدالله والا الورشة اللي ذكروها الاخوان

السلام عليكم ورحمه الله وبركاته 
بعد اذنك يا صاحب الموضوع عندي سؤال ؟
بغيت ربلة عكس خارجي من جهه كفر السايق سيارة سوناتا 2008
حصلتها بالوكالة المجدوعي 260 ريال قبل الخصم وبعد الخصم 200ريال
 وش دعوه كلها ربله عكس 
اذا ممكن يا اخوان في لها بديل من اي سيارة ثانية وتكون اصلية أو اطلبها من مواقع 
عالمية ارخص 

اخوي ابو نواف انصحك تروح محلات تصليح العكوس عشان ينظف العكس ويشحمه 
ويركب الربلة وتكون تركيبها صح اختصاصهم يعني 
انا سيارتي طلب مني مهندس ميكانيكي 100 ريال شغل يد  بالدمام بدون مخرطة 
وهذا الافضل يعني يركبها بنفسه 
اما اغلب المهندسين  يقول لك افكها وتوديها المخرطة عشان يركب الجلدة 

شمال الرياض ما اخبر فيه كويسين متخصصين في العكوس اذا كان مقصدك ترهيم يعني ما حصلت جلدة العكس وتبي أحد يرهم لك نفس حقت الوكالة فيه ورشة متخصصة في اصلاح العكوس في الصناعية القديمة اسمها القحطاني


انا معي اوبريس 2009 والجلدة حقت العكس ما تنباع لحالها تجي كاملة مع العكس وسعره حدود 2000 وشوي وكانت الجلدة تهرب شحم عندي بنسبة بسيطة ورحت لهم وركب لي نفس جلدة الوكالة ترهيم غيرت 2 يمين ويسار ب 400 ريال مع شغل اليد مع حق المخرطة

اخوي اللي ركبتها الجلد ممكن تكون تجاري يعني قيمتها ما تتعدي 25ريال الحبة 
وبسرعه تخرب انتبه على سيارتك كل فتره شيك على العكس 
ابغي جلده عكس اشتريها من محلات قطع الغيار وتكون اصلية 

ربلة استخدم اصلية لان السوق كله صيني او ربلة كورية جيدة