ارجو المساعدة في شراء سياره من امريكا

مر على شارع التحليه بالرياض فيه شركات متخصصه تستورد لك وتضمن لك

مشكور اخوي لكن السيارات بامركا رخيصه وصالات مغلينها بزيادة

العفو

لا يالغالي هاذي موب صالات هاذي شركات تجيب لك السياره بسعرها وتاخذ عموله واذا انت انت تعرف احد يبيع بامريكا يجيبونها لك

اذا تعرف احد ثقه يجيب لك افضل 

اذا انت شايف سيارة وتبيها روح لأي مكتب معتمد واطلب منهم الشراء
عمولتهم في الغالب بين 2000 و3000 واحيانا يعرضون خدمة التخليص مقابل اتعاب

انا استوردت كذا سيارة بنفسي بدون وسيط 
والاجراءات مب سهلة

لكنها في نفس الوقت سريعة

اذا انت بتشتريها من معرض بامريكا بيطلب منك وكالة الكترونية لنقل الملكية والتصدير (اذا عنده خدمة تصدير)
وبيطلب رقم وصورة جواز السفر (أحيانا الرخصة)
وبتدفع رسوم تخليص جمركي (تصدير) اذا ما صدرها لك المعرض أو البائع


رسوم الشحن الكونتينر ما يقل عن 9000 ريال
الناقلة بين 6000 و8000 حسب الشركة

وحط في بالك رسوم التريلا الي بتنقل السيارة من المكان الي واقفه فيه
والله يعينك لو كانت المدينة في الوسط أو بعيده عن اقرب ميناء

رسوم النقل الداخلي من كولورادو على سبيل المثال الى هيوستن تكساس 600 دولار


هل عندك استعداد لكل هذا العنا ؟؟

كان عندي موضوع كامل عن الخطوات سامح الله المشرف الي حذفه وحذف نقاطي بسبته

^^^الله يسلمك ويجزاك خير