تجربتي لسياره محركاتها من صناعة فيراري

33 20

لايمكنك التصويت حتى الحصول على 20 نقطة على الأقل
إضغط هنا للإخفاء

شويخ من أرض مكناس 2822
قبل 10 سنه و 3 شهر

السلام عليكم
اليوم موضوع اليوم غير شكل 
سيارة اليوم غريبه عجيبه
شفت نفسي فاضي قلت خلني اخذ تجربه

نبداء اولا
السيارة ايطالية شركة ( ألفا روميو )
حسب كلام المندوب القير والمكينه من صناعة فيراري
القير كلتشاته نظامها هيدروليك اول مره اسمع فيه
السياره فيها 7 ايرباقات
تصميم المراتب والداخلية قريب جدا من الفيراري
الطبلون نفس طريقة طبلون الفيراري الامبيرات نازله على اسفل في وضع الوقوف

السياره مزوده بانظمه عجيبه كلها تتعلق بالقيادة الرياضية فقط يعني مالها علاقه في الفخامه والراحه
المكينه 1.4 سي سي 170 حصان على تيربو
نظام الفرامل فيها اقوا منه ماعمري وجدت فاي سياره جربتها من قبل
على لاسرعات العاليه تفلت الطاره وتكبس فرامل لاتفحط ولا تلف عليك حتى لو الاسفلت ناعم
الانطلاق !!  تحس السياره متقررررطه فالارض 

للاسف القومه ضعيفه من الصفر لان التيربو مايعطيك عزم الا بعد 40 تقريبا
لكن رغم ضعف القومه الا ان التراكشن يشتغل من البطره اللي فيها

المكان اللي سوينا فيه التجربه ماتقدر تاخذ راحتك لتجربتها حتى التفجير
لكن ماقد مر علي سياره من ناحية الانظمه الرياضيه والامان مثل هالسياره

الشاشه تعرضلك انظمة تعليق متعدده تلعب فالمساعدات ونوع القيادة ويظهرلك كل شي حتى عن التيربو
تقدر تتحكم بطبيعة السياره بشكل قوي من كثرة الانظمه وفيه شغلات شرحها لي مو طبيعية

جنب القير فيه زر كبير بمماتغير الوضعيه الطاره تثقل المساعدات تقسى الدعسه تصير لمسه خفيفه تعطيك ار بي ام عالي  شي عجيييب

كان ودي اجربها من سرعة 80 وطلبت اني اطلع فالمزاحمية لكنه رفض
الانطباع اللي اخذته من السياره بعد التجربه

تشعر بكل ثقه وانت تسوق مهما كانت ظروف الطريق وماتقدر تسوق بركاده بسبب صوت التيربو والعزم 

قيمتها 81500
بكل تاكيد لو فحسابي دراهم غير معدوده راح اشتري وحده واخليها للاستمتاع بالقيادة الرياضيه واول مكان راح اجربها فيه ( طريق الهدا )
طلوع ونزول



هذي سياره نصف اجزائها من صناعة فيراري
اجل كيف اللي جرب الفيراري وكيف قيادة الفيراري  !!

يالبييييه يالفيراري
رغم قباحة شكلها الخارجي والداخلي الا ان قيادتها تنسيك الشكل
اترك لكم بعض الصور ومقاطع الفيديو

https://www.youtube.com/watch?v=_sHMA3s90_o&list=UUuf9wGMSQn1mEFcdVDxT7bg

https://www.youtube.com/watch?v=F_YGRVSVZT0&list=UUuf9wGMSQn1mEFcdVDxT7bg&index=1

إبلاغ

الردود