الفوائد بالسعوديه وبالدول المجاوره بالنسبه لأقساط السيارات

قيمه الدينار الكويتي مايقراب
12 ريال سعودي يعني مقدار 
الفايده 9600 ريال اتوقع متراكمه
سياسه البنوك مختلفه كل بنك له
حاسبه معينه وله طرق ملتويه 
سؤاء بالعقود المبهمه او بالنسب
والسسب يقولك مقدار تضخم 
العمله على فارق الوقت 

المفروض انت تقسط قيمه السياره
مع نسبه المرابحه فقط والتامين
يكون عليك اجباري قبل انتهاء فتره
التامين يجدد باسبوع 
البنوك ﻻ قيمه السياره والتامين
والربح وفوق هذا كله يتم خصم
الدفعه اﻻولي من المجموع العام

لاتلوم الشركات والبنوك 
انا لو مكانهم بحط الفائده 60 الف والشروط ميسره

تدري ليه
لان في عالم غير واعيه وغير متطلعه لاتفقه شي
فقط توقع وتمشي

عمرك شفت سعودي يقرا العقد بند بند
عمرك شفت واحد يسئل عن النسبه وكم الفائده كل سنه !!

مافيه
اغلبهم يسئل عن اشياء محدوده ومعروفه لدى البنوك
شروط التاجير
وكم القسط الشهري فقط

فلذلك تجد بعض الممولين يحطلك شروط ميسره وسهله بدون كفيل وبدون دفعه اولى و و و و الى اخره لكن فالنهاي يحط عليك نسبه تصل ال 50 الف واكثر

فليه هو حط هذي النسبه وسهل الشروط

لان العميل لايسئل عن النسبه ولاتهمه
فقط يسئل عن شروط التمويل وقيمة القسط

ابسط مثال عندك ابو جميل
حتى لو انك في سمه وعليك التزامات وراتبك مايغطي
يجيك ابو جميل يقولك تعال يالحلو اعطيك الموتر اللي تبي وشروط ميسره
لكن يملخك بالفائده الربحيه اللي ماتخش المزاج

خويي مطلع سبور تاج 2014 قيمته تقريبا 91  وطالع عليه بعد 5 سنوات 146 الف


هذي هي المشكله
لو الناس تدقق فالحسابات وترفض هذي النسب
تاكد ان الممولين راح يخفضون نسب الفائده

بس بالعقل
عندك ناس مايفكرون ولا يدرون عن شي

فاكيد راح ارفع نسبة الفائده واسهل الشروط وطزززز فيهم هم اللي راضين بهالشي

فالحل ليس من الجهات المسؤهل عن التمويل وغيره
ولكن الحل الاول والاخير هو من العميل   فقط

والله من دلاخة المواطن البنوك والوكالات ماراح تجد افضل من السعودي مايقراء العقد
مايناقش ولايسئل كمخه فقط يوقع
يتوظف ومن اول يوم يستلم الراتب تحصله بالبنك يأخذ قرض حتى لو مافيه ضروره
يقسط سياره خمس سنوات وبعد الخمس باع الموتر
والسعودي مايعرف يقاطع اي شيء تحس انه خلق ليشتري ويقسط
ومصاريف مالها ضروره فشخره على الفاضي
وصارت نظرة الاجنبي لنا سعودي فلوس زياده
واذا دمر نفسه واكل تبن قال كلمته الشهيره......... 

والله ما ظنتي الاسعار بتفرق واجد

احتمال مدة التقسيط حقته قليلة واحتمال التامين عليه يبحث عن شركة تامين ويامن عندها بينه وبينها ؛ 

ماندري وش شروط العقد فما نقدر نحكم او نقارن 

^^^^

يا اخوان
حتى لو قرأ العقد هل بيردعه شي عن التمويل او السيارة المنتهية بالتمليك ؟؟؟ اكيد لا
ليه لا ؟؟ لإنك مسير لست مخير مهب بكيفك تبي بهذا الكلام والا طق براسك الجدار لا سيارة ولا غيرة
99% من عقود التمويل والتقسيط والاجارة مبهمه حتى اهل الاختصاص كثير من نقاط العقود ما يفهمونها ومايدرون مين وافق عليها وعلى اي اساس اصلاً
البنك مايدفع ولا هلله وماله دخل في مبلغ التمويل ولا شي البنوك فقط وسيط بينك وبين مؤوسسة النقد ويآخذ نسبة معينة من الفائدة لا اكثر

الشروط والتعقيد من مسؤولين فالدولة هم اللي اصدروا مثل هالشروط والتضييق على المسلمين لو دققت كل الشروط حمايه للتاجر وضياع للمستهلك
حتى اجبرونا على ما يريدون هم وكل شي مثل ما ذكرت مبهم لدرجه لو تطالب بحق ماتدري من خصمك وكل جهه تخلي مسؤوليتها

المفروض مثل هالامور المالية والتعاقدات تكون مفروضة وموحدة 
شروط الاقتراض والتمويل والفوائد تكون موحده وواضحه للكل البنوك والوكالات حتى شركات التقسيط تمشي بها 

يخوي لو تقرأ ربع الصفحه الاولى احوليت وانغبنت تطفش توقع غصب عليك
كل شي يلتزم الطرف الثاني ويلتزم الطرف الثاني اللي هو انت الطرف الاول ما يلتزم بأي شي ولا تطالبه بأي شي 
الله المستعان

لو تلحظون ان العقود تكتب بخط صغير جد

وهذا نوع من سرقة المواطن 
الكل يتهم المواطن بالغباء والتخلف والجهل 
لكن ليس للمواطن اي يد بل هو التعليم الذي لايساير واقع الحياة فما الضير لو وضع االمسؤلون عن التعليم منهج يهتم ويتحد عن التعا
ملات الاقتصادية من اقساط و وقروض وقوانين جوازات وشرطة ومرور
لاصبح المواطن اكثر وعيا وادراكا لما حوله

حتى لو قراء العقد وش بيفيد ما عنده خيار اخر ويعرف ان فيه ايدي خفيه وراء الوكاله ما احد يقدر عليها +1 لايك للجميع