الصيانه الدوريه - مناقشه -
17
8
إضغط هنا للإخفاء
السلام عليكم ورحمة الله وبركاته
صباح الخير ع الجميع
في حاجه اشوفها في الوكالات وفي المواقع وخاصة في المنتدى هنا يتكلمون عنها ويهتمون فيها اللي هي
الصيانه الدوريه اللي محدده بعدد الكيلوات تسويها الوكالات جداول وفيها مبالغ خياليه وتغيير قطع على غير
سنع
الصراحه انا اشوفها اكبر كذبه اخترعتها الوكالات والمصيبه ان غالبية الشعب مصدقها ؟؟؟؟
الحين لو تطلع على ادنى جدول صيانه دوريه لأي سيارة كانت تجد
تغيير البواجي في وقت قريب
تغيير فلاتر
تغيير فحمات في عدد معين من الكيلوات طيب الوكاله اش دراها انها انتهت ؟؟
ياناس كل واحد وله سواقه تختلف عن الثاني
زي واحد يمسك فرامل بقوة هذا بتنتهي الفحمات عنده اسرع من اللي يهدي ويمسك فرامل برواقه
زي البواجي شفت في جدول صيانه لأحد السيارات انها تتغير على 20 الف بالله هذا شي معقول
امداها تنتهي ؟؟
انا اشوف انه اللي يغير القطعه وهي ماهي خربانه ولا طلعت اي بوادر لخرابها زي شكلها او صوتها هذا عبث
وتضييع فلوس
يجيك واحد في المنتدى يقول انا مشيت 60000 ابغى اسوي صيانه وش اغير
عاد شوف الشباب وش يقولون اللي يقول غير بواجي واللي يقول فحمات واللي يقول كويلات
وبعضهم يتهور ويقول غير صحن كلتش للقير العادي ؟؟ الله المستعان انت وش دراك انها خربت
ياخي خذها قاعده شي ماخرب ولا تبين اي شي انه خربان من صوت او شكل لاتغيره ليش تغيره وهو
باقي يعمل ومافيه مشاكل ؟؟
زي الفحمات ماطلع صوت حطحطه او احتكاك ليش تغيره اصبر الين يخرب وبعدين غيره
الفلاتر شوفها قدامك وسخانه ومسدوده المسامات وماعاد تنظف بالهواء غيرهاا
الكويلات مافي تفتفه والسيارة صافيه وعزمها تمام خلاص لا تقربها
السيور ماشفت تشققات فيها او صوت صرصره لا تغير
المكينه اذا كان صوتها صافي وهادي وعزمها تمام كنها تقولك انا تمام واموري زينه لا تغير شي
تروح انت تتلقف وتسوي صيانه دوريه مزعومه وتضيع فلوس انت واهلك اولى بها
انا سيارتي اليوم توي مغير لها فحمات وهي ماشيه 170000 للمره الثانيه من وكالتها والحمد لله بعد ماسمعت
انواع الاصوات منها غيرتها بدون خرط ولا شي ورجعت من احسن مايكون والحمد لله
الفلاتر غيرتها مرة وحده والحين اشوف انه توه حان وقت تغييرها لانها ماعاد تنظف بالهواء
البواجي غيرتها مره واحده وماشاء الله صافيه وعزمها تمام
الحين لو تروح ورشه وخرب عندك مثلا كويل تلقاه يجيب لك كويل مستعمل من عنده بالله فكر منين جاب
هذا الكويل جابه من واحد ( ذكي ) غيره وهو باقي شغال ومافيه مشكله بحجه الصيانه الدوريه الكذابه
خلاصه الكلام يا أخواني
السيارة شي جامد ومايحس اي شي يبين عطله وخرابه غيره مو تقول بغير القطعه الفلانيه عشان اريحها
وافضل لها ومدري ايش
لاتخاف هي مابترحمك لو خرب فيها شي بتبين لك لاتستعجل على رزقك ههههه
والله يوفقكم جميعا واعذروني على كلامي اذا كان ملخبط شوي بس والله اني ماكتبته الا عشان اني اشوف الوكالات
تربح والورش الكلاب يربحون من ظهور الناس بحجه الصيانه الدوريه الكذابه وهذا شي يقهررر
شكرا لكم ....
إبلاغ
قبل 9 سنه و 8 شهر