قصتي مع سفره وتعمل خيرا شرا تلقى

30 15

لايمكنك التصويت حتى الحصول على 20 نقطة على الأقل
إضغط هنا للإخفاء

صوت العزاوي 523
قبل 10 سنه و 11 شهر

السلام عليكم ورحمه الله وبركاته 
ان شاء الله انكم بتمام الصحة والعافية جميعا 
طبعا ما كتبت الموضوع ياخوان الا ماابي  اشوف احد متضايق ياخوان ومغبون ومنقهر
حبيت بس اشكر كل من ساهم بمواضيعي وجعل لها قيمة وذات معنى  
وبلاخص ابو سند وشاقح وابراهيم   وابو يزيد وابو طلال الخالدي لو يمر على الموضوع اسبوع الا ينزل وتعليق وملاحضكم ترى 
 طبعا  صارلي فترة افكر انزل قصتي ومن ايام رمضان بس  كل مااشوف  التعليقات والشتايم ارجع
اقفل المنتدى واطلع  

اليوم جايب لكم قصة وتمنى ان لواحد يستفيد ويعتبر  ويتعلم والحياة دروس 
 والحمد لله على كل الحال والحين صرنا بزمن الواحد يعطي ولا ينتظر شيء ويساعد ويطلب الاجر 
قبل  كم شهر  جتني اجازة من الكلية اسبوع تقريبا وانبسطت وفرحت   وقلت ابي استغلها وصارلي 
ست شهور ما سافرت اخذت سيارة اخوي  ورحت على الشمال  
مسكت طريق الشمال وطبعا مريت الكدادين الموقف نشوف فيه احد منا منا نطلع المصروف بس كلهم مشرقين
وانا رايح ادور البراد المهم
 مسكت طريق الشمال   ويوم قربت من الديرة 200 كيلو وقفت اعبي بنزين   عطيت الهندي 
8 ريالات صرف و5 خمسة ورقة وحدة ونزلت لللبقالة يوم رجعت حصلته معبي 12 ريال 
قلت ليه كذا يا صديق والمشكلة ادورة ادورة ما حصلته حصلت وراء الجدار مختفي 
المهم قلت عطيتك كذا وسكت هو ورايح للتانكي وجلست اكلمه ساكت ما يرد وقلت مالي خلق له والحمد
لله انها بسيطة بس حبيت انه ما يكررهاا 
المهم واحل واحد خلنا نقول اسمه  عــــــــــادل (ماراح اذكر الجنسية علشان ما ينقلب الموضوع)
وجاني قال وين رايح قلت شمال  قال سيارتي متعطلة وراي بكرة دوام ومستعجل خذني معك 
انا وراي دراسة وقدامي الديرة خفت به بلاء  ويطيح براسي بعدين 10 سنين قدام محد بيزوجني ههههههه
المهم قلت له اركب  وسئلته وش فيك  قال سيارتي تعطلت السير ونزلتها عند صاحبي ووقف عند بقالة هو 
ونزل يكلم الهندي وجاب لي بايسن وكت كات وانبسطت ما دريت انه بيطلعها من عيوني بعدين هههههه
المهم اخذته وما طلبت اي مقابل مادي استحيت منه  وقعدت اهايط عليه شوي واقولة عندنا خير  ولله الحمد 
وحسيت انه فتح حلقة شوي وقالي انا خالي عايش ببريطانيا و عنده هناك مصنع  اجهزة ومن هل الكلام 
عاد انا عطيته وضيعه الضفدع هههههه
المهم ياخوان وصلته الى زاوية بيته عند  بقالة  مع انه اخذ من وقتي الكثير   بس الله يسامحه 
المهم بعدها بشهر  دق علي  وقالي وينك كيف الحال وقالي الحقني الحقني 
قلت افا وش فيك سلامات   قاليي صدمت واحد وانا حاجزين اوراقي ويبون الفلوس 
قلت  ما عندك احد طيب؟ قال مديري مقفل جوالة وانا وراي سفر للرياض  و و و و
والله ياخوان لو اذكر لكم التفاصيل الي صارت يمكن الواحد ينزعج من الكلام الي اسمعه 
انا رفضت اول شيء وما صدقته وجلس يحلف بالله العلي العظيم ويقولي شف لي اي واحد من الشارع كلمة
ويصيح صياح الطفل ل المولود خلاني مااقدر افكر بعقلي   الى ان طلبت منه  اقابله واعطيه فلوس 
طبعا  هو قايلي انه قريب  فيه قرية عندنا تبعد 30 كيلو قالي انا فيها وطلبت اني اقابلة رفض يقول حولي بس 
بس حولي  وفكرت بعقلي  مااقتنعت بكلامه  والله ياخوان ما عطيته الا تعظيم لوجه الكريم سبحانه وتعالى 
قلت بقلبي لوجه لله انه حلف وانا ماني مقتنع بس احيانا العاطفة تتغلب على العقل 
المهم حولت له الفلوس  بعد ما صفرت اذني من صياحه   وازعاجه وحسيت اني بزوع من 
كثر كلامه وبالنهاية تبخر  استحيت لا ادق عليه بفترة قصيرة وتركته وقعدت اسبوع 
ادق ما يرد ادق  ما يرد ادق ما يرد ادق من جوالي اخوي يرد ههههههههه
واكلمة اية اية اية اية   كل ماا اقول كلمة اية
المشكلة دايم افتخر اني ذكي واعرف النصاب واكشفة  واني عندي خبرة تعامل مع البائعين 
بس الظاهر طلعت  خرطي ما عندي ما عند جدتي هههههههه 
طبعا الحمد لله المبلغ قليل بس الواحد يتعلم 500 ريال حولته له تقريبا والحمد لله الله عوضني بشيء 
والنعم بالله 

وبعدها بكم شهر كنت مسافر بعد  وقربت من نقطة تفتيش ووقفني العسكري وقلت الله يستر
 يسلم علي وقالي فيه واحد  تقدر توصلة ؟. تااخذة معك   وسئلت العسكري ما عليه خوف ضحك وقال لا ما عليك
قلت زين خله يركب وركب واخذته معي  وسئلته وين تبي  قال ابي   ديرة سماها لي 120 كيلو تقريبا 
ولابس شتوي وحالته حالة  ويدخن   وواضح من وجه وجه الخبيث  المهم  يوم قربت من الديرة الي يبيها 
قال  قدام قدام قلت وين قال قدام طلعت الديرة الي ابيها وسكت 
يعني ياخوان انا وانت نكره الي يكذب علينا او يخدعنا وحسيت بوقتها انه يمشيني على كيفة وسكتت 
نهاية اللقصة  وصلته للديرته عند المحطة 290 كيلو طلعت وهو يقولي هنا قريبة 
لا وبعد رجعت 5 كيلو علشان قلت يمكن تعدينا ديرته لا الجو عجاج وقتها ورجعت 
والحمد لله اني سلمت منه بعد ونزلته  وخثني بعد والمشكلة نه رجال كبير عمره فوق الــ30 سنة 

ونهاية الموضوع ياخوان نصيحة (( يوجد دائما متسع من الوقت للنوم)) انجز امورك وخلص شغلك 
اليوم واحد يقول صارلي سنة ما جددت استمارتي ومالي خلق !!!

وبعضكم ياخوان بيقول ليه ما تبي توصل احد او مسكين او انت تحرض لا انا مااحرض 
بس بعضهم دشير سرابيت وما يهتم بالسيارة وما يعرف قيمتها  ومعقولة اخوك  ما عنده سييارة يعني؟؟
خوالك عمانك ذراعك دبر نفسك   واذكر خويي ابوة اشترى له سوناتا 2010  وكالة اصفار بـ57 الف ريال
ما قعدت سنتين الا ما بها مكيف وصدم عليها ثلاث مرات واعدمها والسبب ياكل من الزانكس ويضيع
ا الطاسه ولو تشوفة الحين قدامك بترحمه 

وشكرا لكم جميعا 
اخوكم محمد العنزي 

الصورة الاخيرة رجل غني يعطي فقير امام الكاميرا ورفض شف عزه النفس 

إبلاغ

الردود