أضف سؤال أو موضوع جديد          

هل تركب مكينة لكزس ls400 على كابرس 89

up 4 down 2
بو صصقر 6
قبل 11 سنه



 ← ي اخوان عندي استفسار بسيط معي كابرس 89 وابغا ارهم عليه مكينه قويه و ابغا اسال هل تركب احد االمكينتين التاليتين او ﻻ :-1- لكزس ls 400 2- كابرس جديد من 2009 ونت طالع مع العلم ان الكابرس مكينته 305 و قير 700 و دفرنس مربع انا ماني حق مطارحات بس اعشق السرعه و الكابرس القديم وابغا اجمع بينهما *اتمنى تفيدوني ي اهل الخبره* .







إبلاغ إبلاغ



الردود


ما فيه شي ما يركب بس انت خلك على مكينة الكابرس افضلك . وعدلها بس من الان اقولك راح يتعبك اشوي بالورشة عشان الترهيم . والله يوفقك بالتعديل المميز


والله يالغالي من خلال ملاحظاتي على عالم الترهيم ماتركب إلا على القير العادي مثل الباترول النيسان أو الهايلوكس مع وضع التحويله

بين القير والدفرنس ولم أسمع عن ترهيمها على قير أوتوماتيك مثل الكابرس والجمس وغيره

لكن إذا كان تبي تركبها مع قير اللكزس الأصلي والإستغناء عن قير الكابرس ممكن تركب 


up 1 down 1



اخوي وش لك بالترهيم وجع الراس بدل مكينتك ب 350 ولا 454 بس اذا بتحط 454 خذ بالك ان خشم الموتر بيطيح ويبيلك مساعدات رياضيه وبنسبه للعزم454 مايحتاج اقولك مجنووووووونه


up 1 down 1
هآوي الشمآل 107
قبل 11 سنه



انا شفت كابريس نفس اللي عندك مركب عليه جير ومكينة ودفرنس كابريس اس اس الموديلات الجديدة كان معروض للبيع هنا في الموقع 


up 1 down 1
al_hayek2001 175
قبل 11 سنه



يامرحبا ف الزمن هذا كل شي يركب لو تبي تركب مكينة طياره بس اهم شي شف لك ورشة تعديل ممتازة وانتبه لا يرفعون السعرر عليك


up 1 down 1
ســامــر 1057
قبل 11 سنه



مكينة اللكزس قوية على سيارة صغيرة او باترول في خط
بس على سيارتك ماهي مسويه شي وعساها تقومه

ااذا معزم على الترهيم ركب LS1 كابرس او لومينا 8 سلندر مديلات 2000 - 2006
او LQ4 تجي على السكاليد وعلى الجمس الحوض 2500HD من مديلات 2000 - 2006

بالنسبة للقير تركب عادي بتعديل بالتحويله وإحتمال القير يتغير
لكن الافضل تسأل اللي بيرهم لك واكيد بيدلك على الافضل والمجرب وايش تحتاج والتكلفة كاملة


up 4 down 2
abo kayan-55 652
قبل 11 سنه



بامكانك تغير المكينه بس الشغله مكلفه ولازم تغير القير والدفرنس 
وافضل شي تركب مكاين LS1 مثل ماقال الاخ abo kayan-55
او مكاين LS3
لان هذه المكاين رخيصه وقطعها رخيصه وحقت ترهيم  



up 1 down 2
majed112345 855
قبل 11 سنه



ياعمي ركب لها مكينه كورفت وقير كورفت  تحصلها بمزدات امريكيه اشتري من بالانترنت او من امارات 


up 0 down 0
سكودر 14929
قبل 11 سنه



ركب عمود كام استعمال يومي وهدرز وفلتر وكلبريتر ايدول بروك رياضي

.. اداء وقوة وارخص بكثير .. واذا مرة تبيه يكون مجنون حق حلبات ركب سوبر تشارج بس يبيلك تفتح فتحة في الكبوت .. اما مكينة اللكزس انا من المعجبين فيها لكن اداءها على الكابريس القديم اتوقع بتكون ثقيلة جداً


up 0 down 0
saudi banker 163
قبل 11 سنه



ريح نفسك من المشاكل وزود الماكينة الي عليه وما رح يكلفك شيء كثير ورح يعطيك العزم المطلوب 


up 0 down 0
أبو عبادة 4853
قبل 11 سنه



مكينة كابرس ls1 تركب بس يبغالك تركبها بالظفيرة والكمبيوتر ...
وبالنسبة للقير نفس الداير يركب وفيه ناس ركبت قير 400 بس 3 غيارات
يستهلك بنزين ...لكن قير 700 حقها او 200 فور ار يركب بدون توصيلة 
ظفيرة القير الكهرب حقت قير  المكينة تلغيها وتركب جير عادي 700او 200


up 0 down 0
bansq 193
قبل 11 سنه



انت بتغير مكينة لكزس و موديلها قديم و ما تدري بحالة مكينتها  و زي ما تعرف الكابرس ثقيل  و من واقع تجربه اشتريت لكزس 400 LS  في البدايه احسبها تجيب طبلونها  بعد ما استلمتها من المعرض طلعت خط اجربها طلعت غصب توصل سرعتها 170  علشان كذا انصحك لا ترهم 


up 0 down 0
bkry 66
قبل 11 سنه



كل شي يركب 
بس المشكله الداراهم
اذا عندك فلوس يمديك تركب الي تبي
اعرف واحد عند فكتوريا م90 ركب قير ومكينه موستنق



up 0 down 0



منجدكككك انت ؟؟
يبووي ركب مكينه LS1 كلها امريكي * امريكي
يتوالفون على بعض بسرعه هههههه
وغير العزم الي بتشوفه صدقني
وش تبي بمكينه الياباني الاقتصادي ؟؟


up 0 down 0
aazz1989 -22
قبل 11 سنه



مشكورين كلكم استفدت اكثثر مما كنت ابغى 


up 0 down 0
بو صصقر 6
قبل 10 سنه و 11 شهر



ياخوان عندي استفسار وهو هل اقدر اركب مكينة وقير لكزس او مكينة وقير مرسيدس
على الكابريس الجديد من 2008 الى 2015


up 0 down 0
العادل عبدالرحمن -2
قبل 10 سنه و 2 شهر