العمالة في بلدي وصلت فيهم الى ان يدعوك تكذب لجل 100 ريال ؟
21
7
إضغط هنا للإخفاء
السلام عليكم ورحمة الله وبركاته
اخواني مادري يعني وين بيصلون العمالة في بلدي من النصب والاحتيال وبيع الذمة والضمير !
للاسف قبل يومين كنت ابحث عن محل يسوي لي ترصيص ارضي لسيارتي في الدمام ,,, جيت للمحل الاول وقلت يالله خلنا نتوكل على الله وندخل المحل واتفقت معه على السعر مع اني اشوفه غالي بس قلت يلا وطلب مني 200 ريال
بدا يشتغل بالسياره وكان قدامي شخص معاه تاهو يغير كفرات عند نفس المحل
المهم العماله اقنعوه انه يرصص ارضي وانه افضل ووووو والى اخره المهم سيارتي خلصت وانا توني بحاسب واعطيهم فلوسهم جاني العامل يمني الجنسية من خلف الكفرات ويتكلم كانه سارق له شي
يقولي اذا سالك الرجال بكم رصصنا لك الكفرات قله 300 !!! وقلت له ليه ؟ وانا متعجب ومنذهل لهذي الدرجة وصلت الدنائه فيهم !! قالي عشان حنا خصمنا له من الكفرات ونبي نطلعها منه في الترصيص !! قلت ياساتر !! لين هنا وصلتم وجاي تقولي عيني عينك قلت اروح اقوله للرجال ؟ قالي لا حنا عشان نطلع الخصم ومدري ايش ! المهم نرفزني الا بجيت الرجال راعي السياره واقوله بكم قالو لك الترصيص ! قالي 350 ريال
يعني عشان لا جال سالني واكذب مثل مايبون بقول 300 وبيخصمون له ال50 عساس انها خصم منهم ! هنا انهديت على الرجال وقلت له السالفة كلها ! الرجال كان منصدم جدا جدا منهم ! اليمني يقولي قطعت رزقي ! قلت رزقك هذا الي تقوله جالس تاخذه رزق مو محلل فيه لانك تكذب فيه وتبي غيرك يكذب واخوياك يساندوك وتاخذو من الناس قروش على غير حق !
وسفلت فيه وطلعت فيه الي بقلبي من هل العمالة الي مالقت من يحاسبها او يادبها !
المصيبه اني يوم قريت لوحة المحل تذكرت قبل 3 سنوات تعرض ولد عمي لعملية نصب في بيع كفرات هانكوك على انها كوريه وبعد التركيب والاستخدام طلعت الكفرات مغشوشه وصينية الصنع ! وتلفت في اقل من سنة تلف كامل !
للاسف للاسف للاسف العمالة جالسه تشك خيط في ابره وتلعب في الناس وتنصب عليهم ولا حسيب ولارقيب عليهم
إبلاغ
سيارات للبيع
الردود
0
0
٨٠٠١٢٤١٦١٦
ولهم تطبيق على الجوالات
ياشباب لاتاخذكم فيهم رحمه العماله ذولي
وبالعكس اي شئ تشوفونه خطا بلغو لان المواطن هو رجل الامن الاول وانت كذا تحمي اخوك من غش هالعماله
قبل 8 سنه و 9 شهر