100.000 الف ريال وابي مشروع يدخل الفين ريال كويسة ...

مغسلة سيارات
او 
بيع بطاقات سوا
او
تشتري ليموزين وتشتغل عليه
او 
تشتري دبابين او ثلاث ابو صندوق وتاجرها للبكستانيين 
موفق ياغالي 
خذها نصيحة اخ لاتدخل شريك معك لزيادة راس المال 

من وجهة نظري بعطيك كذا مشروع بإذن الله نسبة المغامرة فيها بسيطة 
مغسلة ملابس
بقالة
التقسيط ويبغالها شوية شرح
تقسيط بطاقات سوا عن طريقك اذا كان لديك معارف وتثق فيهم وطبعا لازم تاخذ كل الاحتياطات 
حتى لو تبيع على اخوك خل ابوك يكفله هههههههه
اللي اقصده ان التجارة شي والمعرفة والمجاملة شي ثاني 
او تقسط عن طريق مكتب لكن لازم يكون صاحب المكتب ثقة ويخاف الله
وترى التقسيط فيه خير كثير بإذن الله وأي استفسار بهذا الخصوص انا بالخدمة
وعندك محل اكسسوارات
ومحل جوالات
لكن فيه اشياء مهمة من ضمنها الموقع والبداية القوية
والله يوفقك ويسهل دربك 

تسلم ابوي ابو عبد الله
انا ما افكر بالشريك ابد ابد ابد ( قد انلدغت قبل وعرفت )
والله مغسلة السيارات عاجبتني خاصة ان في مغسلة كانت مزحووووومة جمبنا وقفلت بسبب تصيحيح اوضاع العمالة

وعيني كل يوم عليها ومحتار ...

وش قصة الدبابات ؟؟ قصدك بالبر ؟

مشكور ابو نواف
ابي شي ملموس التقسيط ما احبه وفيه وجعة راس

مغسلة الملابس والله احسها ما تطلع همها .. تقريبا هل تطلع لي الفين ريال صافي لي انا ؟
وهل عندك خلفية كم تكلفتها ؟

حبيبي احسب الدخل باليوم كم تتضح لك اذا يجيب همه او لا
٢٠٠٠ ريال بالشهر / ٣٠ يوم للشهر = ٦٦ ريال باليوم الواحد

اذا تبغا مشروع شوف المشاريع القائمة امامك  ودخلها باليوم كم

وكمان شغلة مهمة انت يناسب مشروعة معين وماشي مع شخصيتك
 وتقدر تديره وتطوره،،، وغيرك مايناسبة

فالمشروع من الاخر يعتمد ع الشخص القائم علية،،
هو الي ينجحة او يخسره ، طبعا بعد الله سبحانة
بالتوفيق

شوف محل تلميع وتلبيس مراتب وارضيات فيها خير واستخير والله ييسر امرك

اخوي رامي اقصد دبابات ديهاتسو او سوزوكي ابو صندوق للتحميل
انت اشتري مستعملة نظيفة وموديلات حديثة 2010 وفوق 
وتاجرها لكم واحد تكون واثق منهم انت اهم شي .وتاخذ على كل واحد منهم وثيقة ان اي مشكلة تصير معه هو المسؤول
ولاتاخذ الا اللي مكتوب في مهنتهم سايق او عامل مستودع للنقل وتاخذ اجرتك سواء باليومية او بالشهري 
والافضل بالشهري وكله يتم بالاتفاق ترا يطلعون ذهب اللي يشتغلوا بالدبابات ابو حوض
وفقك الله

مشكورين جميع الاخوة .... المغسلة في امل تكون مناسبة بس متخوف من العمالة ...

الله يوفقك
انا كان براسي مشروع حلاق
لكن طلع لازم تقولي للعامل اجي اخذ منك ٥ الاف مثلا والباقي لك
_
يعني لو العامل طلع بالشهر ١٥ الف << مثلا
انت تاخذ ٥ وهو له ال١٠ الاف

ليش تتخوف ، مشروعك قائم علىجهد بشري
 رعي الله فيهم وهذا الامر مايتم بانك تقول اكيد بناخف من الله
وبس ،  اجعل المنافسة بينهم بالنسبة ، والمكافأة اليومية 
غير الراتب 
واذا اعتبرتهم شركااااااااااءك بالمشروع بجد .
ثق بالله انك بتعين خير كبير وهم بعد 
واذا اعتبرتهم عمال فقط بدون رحمة ولا عطف النتيجة عكسية
لان التعامل مع الالات غير التعامل مع البشر

باذن الله ببدا من بكرا بموضوع المغسله وعسا ربي يوفقني وبصلي استخارة

والحلاق قصدك اني استاجرالمحل واجهزه كامل واجيب الموظف ( الحلاق ) واقوله ابي 5 الاف صافي
طيب والاجار كيف ؟؟ مين بيدفعه ؟

والله ياخوي يامغسلة ملابس او سيارات ومغسلة السيارات فيها دخل موب صاحي 

قول غسلوا عندك 10 سيارات باليوم تقريبا غير خميس وجمعه ممكن 20 

السياره ب25 والجمس ب30 يعني اليوم ب250 ريال يطلع لك 7500 قول ثلاث عمال يشتغلون كل واحد 900 ريال 

يطلع صافي تقريبا 4800 ريال بالشهر وذا انا عطيتك بالميييييت 10 سيارات وربي يافي مغاسل سبحان الله 
وربي عليهم سيارات وززززحمة 

ومغسلة الملابس والله فيها خير كمان 

جزاك الله خير اخوي do8sh

صحيح فيها ان شا الله دخل جيد وانا احب هالمشاريع لان فيها تطوير ومميزات وليست ثابته

الغنم ام الغنايم بس خذلك عامل اميين وانتبه 

اخوي فيه مشروع بإذن جدا مكسب اقل شئ في ال 100000 ثلاث الاف
المكسب شهريا وفي ال  200000 سته الاف المكسب شهريا طبعا حسب المكسب ممكن توصل 6الاف في ال  100000
المشروع يبغالك مبلغ جامد يعني اقل شي 500000الف طبعا شوف لك شركاء او حاول تدبر المبلغ 
للتواصل :0544609168 او واتس اب 

طبعا انا مالي اي شغل في الموضوع انت اتصل وانا أعلمك كيف تبدا مشروعك وبأذن الله فيها مكسب