عط فرصة للغيره

11 3

لايمكنك التصويت حتى الحصول على 20 نقطة على الأقل
إضغط هنا للإخفاء

صوت العزاوي 523
قبل 10 سنه و 4 شهر

السلام عليكم ورحمه الله وبركاته 

كيف حالكم اخواني عساكم مرتاحين ومبسوطين وبافضل حال 

  كثير منا يتعامل   مع   محل معين او محدد ويفضضل انه ما غيرة ويقعد يمكن سنين بعد
والسبب يانه ثقة او ما  منت من النوع الي كل شوي يغير 
الي حبيت اقولة ياخوان  عطو فرصة للمحلات اخرى   والجديدة
انا ماكتبت موضوع الاو تذكرت مواقف وقصصص وقريت قصص من
الاعضاء هنا بالمنتدى   وراح اسردها لكم باختصار شديد وخير االكلام ما قل ودل 
لاني توني جاي من حفلة زواج ودايخ من الطق 

قبل فترة ياخوان رحت للكهربائي متعامل معه هو زين وطيب   
بس الظاهر جيته على وقت رواتب والشعب مدهر وهو ماهو يمي  ومنشغل حيل الصفة على طول نظري 
المهم طلبت منه يكشف على سيارتي فيوز وما فيوز وشغل كتاوت قالي مشغول
قلت افا كيف ياصديق  كم سنة وانا اجيك وانت كلام كذا   هز راسه وابتسم  قال بكرة او الي بعده
المهم وانا طالع من عنده واشوف محل كهربائي بالزاوية جديد  ورحت يمه لان نور سيارتي
العالي طططفى ما يشتغل المهم واجيبها له وسبحان الله  الواحد تعرفه من وجهه 
ومن كلامه استقبلي بابتسامة ومصافحة وقالي امر بس   قلت اكشف على سيارتي كهرب قالي ابشر
وكشف عليها  وعلى طول ما شاء الله  عرف المشكلة وقطع قطع من الاسلاك ولصق واشتغلت 
واستانست عليه انا  قلت كم حسابك قال جيب اي شيء ما في مشكلة 
 وعطيته 10 ريال وفعلا ياخوان تحس الواحد اذا اشتهى الشغل يسسوية  وجاد ويقوليي جيب زبائن لي 
وو و و و ومن هل الكلام حتى قالي ما في فلوس لا يعطي ما فية مشكلة  وكان عندي المكيف منكسرة الماصورة
من تحت  وطلبت منه انه يكشف عليها  وكشف قالي ابشر فريون اصلي 100 ريال وتلحيم يمكن 30 ريال
او 40 كل الشغل تقريبا 150 ريال واشوفة مناسب وقالي انا سوي لحام وسوي كل شيء  
وللاسف ما سويته عندة خليتها تولي  

والقصة الثانية راعي محل زيت   ابوي واخوي يغير عنده   والمحطة هذه ما بها  غسيل سيارة 
رحت مرة بغير الزيت واغسل السيارة ومريت محطة  عند بيتنا   قريب
طبعا عنده انواع الزيوت وامورة طيبة ومكان اقعد فيه  وغير زيت سيارتي  اربع علب 
الترا سفن خفيف 15 ريال  وهو يغير الزيت مسح الدرايش ونضف فلترر الهواء  وحتى نزل 
يشوف فيه تهريب شيء تحت وصراحة اعجبني شغلة  وسحبت على خوينا ابو سنة وشوي 

وبس ياخوان الي حبيت اقولة واصولة والمطلوب بالنهاية الكلام 
عط فرصة للغير الي تتعامل معه فلوسك بجيبك وعقلك معك وعارف  كل شيء
تسعر وشف .. بعضكم وانا منكم يقعد 3 سنين  4 سنين يتعامل مع واحد بس وبالنهاية بالعربي يا يقلب عليه
او  لا شبع من الفلوس قام يلعب بذيلة وتصرفاته ما تعجبك 

وعندي ملاحضة بخصوص المنتدى الجديد وكلام بخاطري 
اول شيء احب اشكر كل من ساهم بالمنتدى  الجديد   

بس الواحد لا ينسى انه ما تم افتتاح الجديد الا لما سمعنا خبر انه بيتقفل المنتدى هذا 
وهو الى الان فاتح وبعدين  يمكن ما فية  زوار مثل موقع حراج ولا اعتقد بيوم راح ينافسه 
وبعدين ما يستحق كل هذا  الدعاية له   
واخيرا اذا الواحد كتب مشكلة بسيارته اوقل ما يطلع له الحل بالشيخ قوقل موقعنا موقع حراج 
يمكن  المنتدى الجديد ب4  او 3 صفحة يجي 
وبخصوص الظلم وما ظلم ما هو كل الناس  انظلمو   واعتقد القوانين هنا واضحة للكل 
ومفهوم 
وشكرا لكم واسف على الاطالة والسلام عليكم 
اخوكم محمد  العنزي 

إبلاغ

الردود