أضف سؤال أو موضوع جديد          

محلات الفحص للسيارات المستعملة

up 2 down 0
samialagmi 61
قبل 8 سنه و 9 شهر



الموضوع الذي طالب المشاركة فيه هو محلات الفحص على السيارات اثناء البيع والشرى
هل هم ثقه ويقولون الحقيقة ام خداع وسلب أموال الناس بالباطل 
ومتعاونين مع الشريطيه ، ولذلك لخبرتي وتجربتي عدة مرات ! فكانت التجارب بالمره الاولى أيقنت ان ما يقومون فيه هذا هو الصحيح
لكني في المره الثانيه والثالثة اكتشفت الحقيقة المره ، فمثلا اذا كنت بايع والمشتري بكل تأكيد شريطي فهو راح يذكر أشياء تافهه ولا لها اي تأثير من اجل تكون صيده سهله لزميله الشريطي 
واذا كنت مشتري فكل تأكيد البائع هو نفسه الشريطي وزميل الفاحص فهو بهذه الحاله لن يظهر عيوب الا الأشياء الواضحة والمكشوفه فهو يقول السياره سليمه 
ولا تحتاج شي فأرجو الحذر فإذا كنت مشتري فكن قريب من الفاحص واسأله عن كل كبيره وصغيره فإذا رآك فاهم ومتفتح ما يقدر يخفي شي واذا رآك جالس وساكت فالطبخه منتهيه لصالحهم 
واذا كنت بايع كذلك خلك قريب منه واعترض على اي شي يقوله وقله مو صحيح وأين العيب وشاهده بنفسك فإذا اطمأنت له كان بها وان لم تطمئن فاعترض عليه حتى لاتكون فريسه سهله ويخدع نك 
ان سيارتك تعبانه ويبخسون لك السعر بحركات مدروسه الا اذا انت تعرف سيارتك او لك ملاحظات عليها فيجب عند البيع تخبر المشتري ، والله من وراء القصد 







إبلاغ إبلاغ



سيارات للبيع

الردود


صارت معي واحد الشريطية اتفق معي على ان يشتري موتري بسعر وكان نازل شوي بس قلت يالله الرجال بترزق الله المهم قال انا ما اثق
الا بفحص الورشة الفلانية قلت ماشي راح لها سأل عالسوداني قالوله طلع قالي انا ما اثق الا بالسوداني قلت اوكي ننتظر جا السوداني وبخمس دقايق قال الاعطال (ماكينة تدخن وكير فيه فضاوة وونة كرونة وجنب كامل مرشوش وتحتاج مساعدات وووووالخ) قال الشاري ماعندي مشكلة باخذها لوتنزلي شوي من المبلغ....قلتله موتر فيه كل هالبلاوي وترضى تاخذه انقص شوي؟؟ قال ماعليك بفكك منه(يحسبني غشيم) قلتله لعبتك مكشوفة انت والسوداني وهذي نتيجة فحص قبل يومين ورشة على نفس الصف فحص زبون قبلك ومافيها اي عطل مالي ذكرهم السوداني وتحديته وقلتله شيل كل الاعطال على جنب وقلتله هاذ موتري تاخده مجاني لو طلع الجنب مرشوش والا تدفعلي الف ريال لو طلع العكس قدام كل اللي فالورشة مارضي قلتله ايش بقول الواحد غير حسبي الله ونعم الوكيل .....ارجو الحذر يا اخوة مشكور صاحب الموضوع بارك الله بك ومع فائق احترامي لهلنا واخوتنا اهل السودان العيب فشخص ابن جلدتكم ولايعمم على اهل الطيب



up 3 down 0
ابومعتز505 119
قبل 8 سنه و 9 شهر



اخوي والله شوف انا مرتين صارت معي . شريت السيارة وفحصتها بسهم الي بالدمام قالي المورت وكالة وكالة . بعدها بيومين بعته جاني مربح والرجال يقول لازم افحصخ بسهم قلت توكلنا على الله . طلع بالفحص اللاجناب مرشوشة و الميكنة مبوشة غير وغير وغير . وبعدها بالهمر رحت لهم مع الهمر يوم بعته الرجال كلمني قال نتقابل بالمعرض الفلاني . المهم رحنا لمعرض والمعرض يقول لمشتري روح افحصها عند سهم قاله انا مشتريها عن ثقة وانا مجربة والموتر كفو . قال ماني كاتب العقد الى ان تفحصها وبدا يقوله النصب و الاحتيال . وانا طالع من المكتب رايحين الفحص راعي المعرض يقوله عندي لك اخوه واحلى منه وعندي اف جي يعجبك . المشكلة سامعه . رحنا لفحص تونا داخلين على سهم الى السوداني مقفل التليفون يقول ايه وصلو . رحب فينا السوداني . المهم بالفحص الميكنة مبوشة و الدفرنش ونه و القير خربان . الرجال قال طلع السيارة من الورشة وعلى المعرض نتكاتب . قالي شكلهم متفقين يبوني اشتري الي بالمعرض . مع العلم ان الهمر مكينة صاحية ومسكت خطوط الى ان قالت بس . حتى الرجال دعش عليها حول 100 كيلو على 160 . لاني قلت له امسك خط ونرجع ما عندي مشكلة لو انت جاد لاني حبيت اخليه يشوف الميكف و الحرارة والرجال ارتاح معها . الورش الي هناك ما احد حولك . حتى الي بسهم يقولي واحد ان كل اسبوع جايبين واحد غير لان العمال يطردونهم اذا اشتكوهم الناس بالشرطة . انصحك تروح تفحصها كميكانيكا بالوكالة . و البودي عند المعارض . والتكلفة تطلع حول 500 ريال بس تضمن المكينة و القير انك مشيكهم بالوكالة . معلومه يجهلها الكثير ( فحص المكينة الي بالمعارض تراه وهمي يعطي نبة تخيولية ) الفحص المكينة ياخذ على كل بستم حول نص ساعه واتللكفة قد تصل حول 1000 ريال لفحص المكينة فقط . واسئلو اهل المعرفة بالميكانيكا


up 2 down 1
خ ا ل د ا ل ز ه ر ا ن ي 225
قبل 8 سنه و 9 شهر



اذا كنت شاك في الموتر تقدر توديه اكثر من فحص يعني مثلا تفحص مرتين وتقارن بين كلام هاذا وهاذا


وبعض السيارات ماشاء الله تبارك الله بدون ما تفحصها عارف انه بينجح في الفحص وبيكون مافيه الا شغلات بسيطة مساعد ولا جلد وهاذي طبيعية ضريبة المستخدم

وايضا تقدر لين خلصت من فحص الكمبيوتر تمر على ميزان يشيك على العضلات يشوف مافيه تلحيم مافيه توليف واذا كان من كل النواحي هاذي سليم وحرارته طبيعية ومويت رديتره كويسة ومراوحة شغالة 100%

واشتغل مكينته ممتاز وناعم وعزمها كويس توكل على الله واشتر

مايبي لها واحد اثنين


up 0 down 0
a.ibrahem 3169
قبل 8 سنه و 9 شهر



الي اعطاني دس لايك شكلة شريطي متعامل مع سهم ( النصابين )


up 2 down 1
خ ا ل د ا ل ز ه ر ا ن ي 225
قبل 8 سنه و 9 شهر