كم اسعار قطع الغيار في الخارج

يا رجال تبغاها على بلاطة ، والله كل القطع بالخارج ارخص من هنا ضعف الضعف .... هنا النظام السائد ( القوي يأكل الضعيف ) ماعرفنا كيف نرقع ححححياتنا اقسم بالله معاناة صارت .... هيا من متى شعب يشيل هم قطع الغيار هالككثر حقك ضائع ماتعرف تروح لمين !!! محلين جمب بعض ونفس القطعة اللي انت تبيها عندهم واحد يبيع بالسعر الفلاني والثاني يبيع بالسعر الفلاني .. لا رقابة ولا حماية مستهلك ولا احد حولك .. مادري وضعنا الا متى بيستمر كذا ؟؟؟؟؟ شعب مو عارف يتزوج ولا عارف يكون نفسه وان جا وفكر انه يكون نفسه حصل نفسه بدوامة ساهر والآن البوابات الالكترونية وأنواع البطالة أشكال وألوان ... ونهاية البطالة ايش هيااا الفسسسسسسسسسسسسسساد ، كأننا بغابة قسم بآيات الله ما كأننا مسلمممممين ... لكن ينطبق فيهم حديث الرسول صلى الله عليه وسلم ( اذا ضيعت الأمانة فانتظر الساعة ) .

سعر قطع الغيار تتوقف على الوكاله عندنا وكلاء مغليين اسعار القطع كأنها مطليه ذهب و تلاحظ سيارات منتشره برا و عندنا مالها شعبيه و السبب وكيل الشركه لكن اللي ميقدر يشتري الاصلي فيه بعض القطع تجاريه طيبه و اسألو اصحاب القطع يفيدوكم  

اذا تبي الصدق

المقارنة بالفيديو اللي طلعت قبل فترة مقارنة بين الاصلي عندنا و التجاري عندهم

ثاني شي الاسعار لو قارنت الاصلي بالاصلي راح تقارن الاصلي من عند محل مع متجر الكتروني و المتجر الالكرتوني ارخص عادة ولا ليش فتحوا !

لو تروح وكالة تويوتا عندهم بامريكا تغيير قماش فرامل جهة وحدة يكلف 1000 ريال !!

عموما القطع اللي عندنا ارخص
المساعدات الفلاتر المقصات و الاذردعة الصغيرة و اغلب الجلود

الي عندهم ارخص ايرباقات كمويتر السيارة و طرمبة بنزين حساسات

عن تجربة واقعية منطقية بدون شغل التاليف و التهويل من الموضوع كاغلب الردود

مشكلة شراء قطع غيار السيارات من الخارج ارتفاع قيمة الشحن

أنا حاولت اشتري لكن تخليت عن الفكرة السبب الشحن

مقص فري ستار عندنا ب 940 ريال طبعا موتوركرافت

من الخارج حصلت تجاري امريكي ب 450 ريال والشحن ب 340 ريال=790ريال للجميع

يعني الفرق قليل مع كون القطعة من الداخل أصلي

دورت على موتور زجاج السائق حصلته هنا ب 300 ريال وفي موقع البيع الامريكي يكلف مع الشحن ب 280 ريال- الشراء من الخارج يجدي في الاوزان الخفيفة فقط-جولات -ساعات- ملابس وغيرها لكن اوزان ثقيلة الله يعينك على قيمة الشحن!!!!