أضف سؤال أو موضوع جديد          

صدمني واحد من ورى وعندي تامين شامل وش الحل ؟؟

up 1 down 1
edgam 609
قبل 7 سنه و 3 شهر



سلااام عليكم ورحمة الله وبركااااته

صدمني واحد من ورى وبزحمة وعندي تامين شامل 

واامشكلة واحد اعرفه وابي طريقة تفكني وتفكه 


وتاميني الراجحي وهو ما عنده تامين بالله ابي حل سرييييييع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحل انك تروح لاقرب جدار وتصدمه اشوي من الخلف وتقد على التامين ... وانتهينا


up 0 down 5
ابو ريانـ 65
قبل 7 سنه و 3 شهر



اتصل على نجم يجيك خله يسوي كاروكي الحادث ويسجل نسبة الخطا وكل واحد يصلح سيارته 
على حساب التامين 

الحمد لله على السلامة والله يعينك على هجولة المرور والتامين


up 1 down 0
berlin 23
قبل 7 سنه و 3 شهر



اخوي نسبة الخطأ 100% على اللي وراي وبتكلف الصدمة حول 5000 ريال 
انا ابي احسن حل هل اقدر اخلي النسبة علي 60 او 70 عشان يعطوني فلوسها 
وهو 30 % مع احتمال ان ما بيصير 

هذا اولا 

ثانيا هل التامين الشامل يصلح سيارتي وسيارته وهو الخطأ عليه بنسبة 100% 
بدون ماياخذون منه شي

او ان التامين يصلحه على حسابهم 



up 0 down 0
edgam 609
قبل 7 سنه و 3 شهر



السلام عليكم صباح الخير أخوي انا صار لي مثلك بس السيارة كانت واقفه عند البيت ودقيت علي نجم وقلت له طلعت ولقيت السيارة كيذا وصلحتها على حساب التأمين 13 الف يعني انت روح عند البيت ودق على نجم وقوله انا طلعت ولقيت السيارة مصدومه ومعي تأمين شامل


up 0 down 0
تركي بن خلف -58
قبل 7 سنه و 3 شهر



التامين الشامل يصلح كل سياراتكم بس دامه هو داعمك من ورا مستحيل يحط نجم الخطا الا عليه اهو 100%
واذا بتسوي طريقة الي ردو عليك فوق انك توقف السيارة عند البيت وتدق على نجم بيجي نجم ويحط ان الي داعمك هرب وبيصلح التامين سيارتك بس ممكن تدفع نسبة تحمل مكتوبه بوثيقة التامين حول 500 ريال تقريبا



بس ياخوي اذا تبي نصيحتي دامه دعمك والخطا عليه وهو ماعندة تامين فهاذي مشكلتة ومحد قاله امش بدون تامين ولاتتجمل بالناس وتكسب ذنوب على حسابهم لانك لو سويت الطريقة بتكون حرام وربك بيحاسبك عليها وهي دامها 5000 خله يدفعها لك لو اقساط وحاول تبعد عن طريقة انك تلعب عالتامين لان يمكن ربي يبلاك بحادث ولا شي بسبت هالشي وانا لاني مطوع ولا شي بس شفت ناس سوو الحركة وربي بلاهم ...... تقبل مروري


up 5 down 1
abdullah966 7
قبل 7 سنه و 3 شهر



انا اشوف انه يروح يامن وبعدين ترجعون نفس المكان وتوقفون نفس الوقفه وكلمو نجم ووبكذا موضوع ينحل وخلاص ! 


up 0 down 1
mohammed.62 506
قبل 7 سنه و 3 شهر



أنت تبغى خويك يرتاح

ولكن الموضوع بالكامل رح يدخل ذمتك

ووالله لن ينفعك أحد يوم القيامة

خويك أخطأ خله يصلح لك سيارتك وأنت افزع معه بألف ريال ودور قطع من التشليح حتى توفر عليه

لكن أنتبه يدخل ذمتك شيء رح تدفعه في يوم لا ينفع فيه الندم


up 0 down 0
أبو عبادة 4852
قبل 7 سنه و 3 شهر



التأمين ما يخاف الله بالعالم وبالذات التامين الطبي. حنا عندهم مثل المنشار  ياكلون فينا بالطالع والنازل . ندري انه حرام الواحد يضحك على التامين . بس هم المفروض يخافوا الله فينا  . 


up 0 down 0
مستريح البال 1 1780
قبل 7 سنه و 3 شهر



يعني تعالج الخطا بالخطا

خلهم يحاسبهم ربهم
بس لاتحط شي بذمتك والله مابتنفعك


up 1 down 0
abdullah966 7
قبل 7 سنه و 3 شهر



اخووي في حل انك تقول الي صدمني هرب ولا اعرف رقم لوحته في الحاله هذي يصلحوان السياره على التأمين بس تدفع مبلغ التحمل


up 0 down 0
mohagjer606 555
قبل 7 سنه و 3 شهر



صارت لي نفس مشكلتك، مع واحد أعرفــــه برضو "غير مأمن على سيارته"

المهم، جاني وقآل تبي أسوي تأمين حاضر تبي أجيب لك ورقة مرور هروب حاضر تبي وتبي وتبي 

وكلمت واحد أعرفه بـ نجم، موظف عندهم صديق لي

قلت الموضوع صدمني وسيارتي واقفه وإعترف لي بعدها بيومين، قال شف إذا بتتلاعب بالتأمين تخليه يأمن مثلا بعد الحادث
صدقني كثير سووها وجاتهم بلية ثانية لسيارتهم

قلت طيب أخليها هروب؟ قال إنت عارف اللي صدمك، وبرضوا يعتبر تلاعب 

وبعد كذا صلحتها بالصناعية وماكلفتني وكلمت اللي صادمني ترى سويت كذا وكذا، والصيانة سعرها كذا وكذا 

قال ابشر وللحين اطارد وراه؟ يماطل لكنها بذمته لين مايدفع (مشكلة تعرف شخص واخرتها مايدفع ويماطل)

يعني أنا كذا من الإتجاهين ما إستفدت شي صووح !! 

لكن يعلم الله من ناحيتي حمد لله ما تلاعبت بالموضوع، ومع ذلك خسرت فلوس من جيبي، لكني مرتاح نفسياً ... 

بالنسببة للي ما دفعلي للحين آخ بس لكن ما أقول إلا

بعض البشـــــــــر ودك تحطه صدام لسيارتك وتحكككككه بظهر وايت موية ههههه قسم شي يقهر لكن منه العوض .. وسلامتكم 


up 0 down 0
محمد عبدالله عمر 635
قبل 7 سنه و 3 شهر



يا خوي كان دقيت على نجم من وقتها يجي يحط النسب و شوف بعدها اذا رح يدفع شي اللي صدمك ولالا لان النسب
مارح تضر بشي

ثاني شي تقدر تدق على نجم الان اتصل على اللي صدمك بما انه "معرفه" و عيد تمثيل الحادث و اتصل على نجم يجي
يصور و يقيم النسب و بعدها روح للتأمين مع اللي صدمك و شوف الشروط اذا عجبتك قدم لهم المعامله اذا
ما ناسبتك خلها معك ولا ارميها ..

ثالث شي بخصوص الشباب اللي فوق ماادري من اللي معطيكم معلومة ان اذا احد صدمك من ورا هو الغلطان
انا صادم جمس من ورا على 160 سقط على بسرعة 80 او 70 من مسافة جدا قريبه اظنه ماشافني هندي
الزبد الغلط جا عليه 100% مع اني صادمه من ورا


up 0 down 0
shadowz33 1098
قبل 7 سنه و 3 شهر



رح عند بيتك وخلي خويك يلحقك وانتم لثنين لبقو ورا بعض 
سيارتك ذي _ وذي سيارته
 =====      =====
وكلم نجم وقلهم كنت راجع بريوس وخبطت فيه 


up 0 down 0
bmw x6 235
قبل 7 سنه و 3 شهر



روح اقرب طلعه انت وهو وسوي كن سيارتك دحدرت على سيارته 
والختام بس وانا اخوك حرااام 


up 0 down 0
abu_azzam 107
قبل 7 سنه و 2 شهر



استغفرالله العظيم واتوب اليه


up 0 down 0
الأنيق-محمد -1
قبل 6 سنه و 8 شهر



ياشباب انا تامين شامل وصدمت ف  عمود وكلمت التأمين قال لازم الصدمة فوق الخمسة الالف نصلحها هذا اتفاق شركة تاجير 


up 0 down 0