أضف سؤال أو موضوع جديد          

موضوعين للنقاش حياكم احبتي

up 2 down 1
bandara 1134
قبل 7 سنه و 2 شهر



السلام عليكم ورحمة الله وبركاته 

كيف الحال ياشباب 

اول شي عندي سؤال بكل صراحة بقولكم
فيه فورد حمرا واقفه قريب من بيتنا في برحه و الموتر نظيييف مافيه شي ولا حوادث 

وانا احسها مسروقه 100% 

لو بلغت عليها بيقولون لي تعال و اتمشور و ادخل في اشياء مالي فيها 

وانا ماني متعود على مراكز الشرطه و ما احب اتدخل في امور الناس

يعني السؤال لو ببلغ بيقولون لي تعال اشهد ومدري كيف ولا بيطلبون اللوحه 
وبس خلاص ماعاد عندي شي ولا يطلبون مني شي؟


السؤال الثاني

انا متردد بين وظيفتين اقدم عليها الاستخبارات او الدفاع المدني 
او اني اقدم على الجامعة الترم الثاني 

وهل عندي فرصه اقدم في جامعة الترم الثاني بيفتح تقديم 
ولا لازم اصبر للسنه الجايه؟ 



اسسسف يمكن الموضوعين مالهم علاقه بالسيارات لكن اعذروني مالي الا الله ثم انتم 

وهذي صور لرياضنا الجميلة ..








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبة للتبليغ عن السيارة، إتصل من كبينة إتصالات وعلمهم مكانها ولونها ولوحتها سجلها عشان ماتنساها عشان لا تدخل نفسك في سين وجيم،
الواحد يخاف يسوي خير مايفكونه بعدها، الله المستعان

بالنسبة للسؤال الثاني ماعندي خلفية عن الاستخبارات والدفاع المدني، 

وبـ النسبة للتقديم بالفصل الثاني، على حسب الجامعة في فيها دراسة معيدين ممكن تحصل، وجرب روح إذا ماتبي تضيع فصل عليك مانت خسران شي 


up 1 down 0
محمد عبدالله عمر 635
قبل 7 سنه و 2 شهر



ههههههههههههه 

حبيبي اتصل على 999 و قول انا ساكن في الحي الفلاني
وفيه سياره واقفه لها فتره ولانعلم عنها او عن صاحبها مين

ياليت ترسل دوريه تتاكد من وضعها




وتجي الدوريه يشيكون عليها ويشيلونها اذا عليها تعميم
واذا ماعليها شي بيتركونها تحت المراقبه

انا ساكن ع شارع عام وتفحيط وازعاج وحوادث 
وسياره منطوله ف مواقفنا بالبرحه جنب البيت 
واصكها ببلاغ ماحد نشدني اواتصل علي يطلبوني للتحقيق
لان اذا فيها او عليها قضيه جنائيه
ترفع البصمات واذا انت لمست السياره او فتحتها 
يلقون بصماتك وتكون في دايره الاشتباه


اما اذا ماقربتها بلغ ولا عليك شي 
ياما بلغت عن سيارات مسروقه ومنطوله
و ياما ياما 

طالما انك ماتعبثت بالسياره بلغ عادي ووضح لمركز البلاغات
ان موقع السياره جنب البيت واثارت الشبهات
لانها غريبه ولاحد يعرفها من اهل الحي


up 2 down 0
xpoldx 1432
قبل 7 سنه و 2 شهر



اخواني لمسوها و انا مالمستها خلني بعيد احسن لي ههههههههههههههه

مشكورين على الردود 


up 0 down 0
bandara 1134
قبل 7 سنه و 2 شهر



هههههههه
ليش خايف من التبليغ
تطمن ماراح يلحقك شيء ان شاء الله

خويي نفس الشيء بعد مارجع من ديرته للرياض لقى سيارة واقفة قريب من شقته وخمس ايام ماتحركت
ودق على المرور مرتين بلغهم وماجوا وفي الثالثة قال لهم انا متضرر من وجود السيارة ياتسحبونها والا انا بتصرف
في الاخير ارسلوا لها سطحة سحبتها
بدون مسائلة ولاهم يحزنون


up 0 down 0
سلطان4040 1237
قبل 7 سنه و 2 شهر



قدم على كل شي ماتظمن وين اللي تجيك اما اإذا كنت ضامن الوظايف خلك على الاستخبارات يكفيك

اسمها رزه >>> بس ترى مدري وشهي 


up 1 down 0
نجم سهيل9090 61
قبل 7 سنه و 2 شهر



بالنسبة للسيارة بلغ عادي جدا ولا بيكلمونك ولا تحقيق ولا شي اهم شي خلك وراهم
وبالنسبة للتقديم فالاستخبارات كويسة وفيها بدلات يمكن دبل الراتب بس فيها انظباط وعمل والدفاع المدني بعد كويسه بس عملهم ملل اكثر وقتك جالس لا شغله ولا مشغله وخلك على الوظيفة والدراسة يمديك عليها 


up 1 down 0
ابوخلوودي1 5070
قبل 7 سنه و 2 شهر



شااكككر لكم تجاوبكم الله لايحرمنا من هالوجيه الطيبه لايك للجميع


up 1 down 0
bandara 1134
قبل 7 سنه و 2 شهر



بلنسبه للسياره حط نفسك مكان صاحبها تحصله ماخلي مكان يدورها مسكين فخلها لوجه الله وبلغ الاستخبارات احلي والشهاده احلي منها بس برضه ممكن توضف ويفكونك بلختبارات تختبر


up 1 down 0
ابو البتول 54
قبل 7 سنه و 2 شهر



مشكور ابو البتول جزاك الله خير
ابشركم شفت المرور عندها اليوم يمكن في احد بلغ : )



up 0 down 0
bandara 1134
قبل 7 سنه و 2 شهر