الي يخبر لنا معهد يعطي راتب الي يعرف لايبخل-بعيد عن السيارات

وكم تبي الراتب طال عمرك 
ما في شروط ثانية

تبي بدل نقل بعد ياطويل العمر 
ماودك بعد بدل سكن الله يحييك 

ههههههههه
انت تدفع موب هو يدفع 

الله يبيض وجيهكم على الفله وصرحه ضحكنا كلنا
وبعدين يابن الاجواد انت ماتدري وش ضروف الناس انا يوم جيت هنا وكتتب اني خابر رجال شرواك يخبرون لهم معاهد هو يستفيد وانا استفيد 

والله يبيض وجهك وانا اخوك وحاول انك تفهم وش نظام المعاهد وشكرا

معاهد الحاسب والانجليزي ياخذون مايعطون ..

مافي الا المعاهد التقنيه الدبلوم ( الحكوميه )

او حافز

نشكرك على سعة صدرك 

وصدقت في معاهد بهذي الطريقه 
لكن قليله :) 

بالتوفيق

بيع البنتلي وعطني الكاش
اعطيك كل اخر شهر 5 الالف ومالك شغل بالباقي ..

صحيح اذكر فيه معهد بمخرج ٧ الظاهر ماني متأكد تدرس عندهم ويعطونك دبلوم + مكافئه شهريه ٢٢٠٠ بس يسجلون اسمك بالموارد البشرية 

مافيه معاهد خاصة تعطي مكافئة او راتب الا المدعومه من الحكومه او الي توقع معهم عقد ملزم بالتوظيف
ماكدونالدز عندهم برنامج تدريبي + مكافئة 
وهايبر بنده وكارفور ايضا لكن كلهم يشترطون التوظيف ولهم شروط خاصة 

عندك معاهد ارامكو وفيه برامج تبع الوزارات والمنشآت الحكومية 
وفيه برنامج تبع شركة الكهرباء فيه واحد اعرفه يعطونه 3 الاف لكن شرطهم الثانوية وتوظيف بعد الدراسة
والتوظيف الرسمي براتب ما يقل عن 6000 ريال

مدة البرنامج سنتين لكن خارج مدينتك في الغالب وفي مناطق نائية 
وهو محدود وفي اوقات محدده 

جرب تروح لشركة الكهرباء وتسأل بتحصل الجواب

اما اذا بغيت مجرد دراسه فقط مافيه الا معاهد خاصة وبرسوم 

وشطحة في نفس الموضوع 
الي يحب يكتسب مهارات دون شرط الوظيفة يعني هو من نفسه حاب يكتسب خبره فيه معاهد ممتازه 
وشيء طيب ان الواحد يتعلم له شي يفيده حتى لو كان بفلوس 

وفقك الله 

معهد الرميزان للذهب و المجوهرات مده شهرين مكافئه 1000 ريال

مواد الدوره
انجليزي

مبيعات

حاسب الي 

ذهب 

مجوهرات



ويوضفك في احد محلاته للذهب او المجوهرات 

وراتب مايقل عن 5000 ريال
وشهاده معتمده وهو الوحيد اللي يعطي هالشهاده بمكافئه

يجون من الاخوه الاجانب يدفع ع الدوره 20 الف بس يسجل
ابنه فيها ويرفض المعهد لانه مخصص لعيال البلد


انا درست فيه وتخرجت بالمركز الاول فيه ولله الحمد

الله يوفقك ويسهل عليك

أعتقد والله أعلم سمعت معاهد تعطي دورات مجانية مثل معهد سعودي أوجيه, ومعهد إذا ما خاب ظني معهد الرميزان للذهب والمجوهرات يعطي دورات ومكافأه شهرية , لا تسألني دورات في أيش أو وين المعهد, أبحث وافدنا, أعطيتك طرف الخيط وتأكد منه بنفسك, لا علم لي بالتفاصيل وليه يعطي دورة مجانية ومكافأه وماهو المقابل أعتقد والله اعلم لتعمل في متاجرهم.

الأخ xpoldx أعطاك العلم الأكيد عن معهد الرميزان وللعلم أنا لم أقرأ الردود التي قبلي.

الله يعز شانكم ويرفع مقداركم 
والله ان ودي اتوظف مير ياخوك دوام الجامعه طويل اروح 8 واطلع 5 العصر وانتو خابرين الجامعه مكافتهم تقل  راتب خدامه 840 
ف حبيت ادور لي معهد والله ييسر - والي يخبر وظيفه من المغرب لين 11 يبشر بواحد يدسم شاربه والله الموفق 
مع التحيه.

اذكر فيه معهد الخليج يعطي على مااعتقد مبلغ حليو في 1500 ريال

وفيه معهد ثاني بالشمال بس ماني فاكر اسمه بالضبط بس بحاول اسئل واردلك خبر

والله يسهل عليك ويرزقك

موفق يالغالي

فيه الاكاديميه السعوديه بس لابد تكون متفرغ ويسجلونك تامينات دراسه خمسه ايام ومكافاه 2700

معهد الزرقاء برضه يعطيك 2700

ي شباب وش وضع معهد الاكاديميه هل أسجل او لا يقولون الشهاده اعتمادها فقط شركه و وزاره التربية

راتب الخدامه اللي تقول عنه
عيشني 5 سنوات جامعيه عزوبي بعيد عن اهلي 320 كيلو

الله يعين بس الدنيا شقى وصبر وغثاء    

يشباب انا طالب جامعه واريد معهد دوامه خفيف مع مكافئة للحصول على خبره ومال لاكن لااريد شرط توضيف