ماسبب اختلاف سعر زيت ماجناتيك

علشان ياطويل العمر زيت الماجنيتك يمشيك 10 الاف كيلو والثاني 5 و 10w30 ممتازه

علشان ياطويل العمر زيت الماجنيتك يمشيك 10 الاف كيلو والثاني 5 و 10w30 ممتازه

الفرق ان 5w30 زيت تخليقي بالكامل وتمشي عليه ١٠ الاف كيلو 
وزيت 10w30  مكرر وتمشي عليه ٥٠٠٠ كيلو 
افتح كتلوج السياره بتحصل الزيت الافضل لسيارتك وموصى فيه من المصنع 

انا قصدي ليه كل لزوجة لها سعر مو سعر واحد 
اضرب لك مثل زيت بترومين لزوجة 5w-30 و 10w-30 و 10w-40 و 20w-50 سعرهم واحد 15 ريال 

كل زيت حسب المواصفات اللي يحملها يكون سعره!

ياشباب ادخلوا لموضوعي عن مشكلة اليارس يمكن احد يفيدنا ومشكورين

حبيت اوضح نقطه بأن الزيت المعبأ في الامارات مضرووووب اضف الى ذالك انه يعدم المكينه دايركت
بينما الأصلي يكون معبأ في ينبع بحسب مواصفات الشركه الام من انجلترا
تحياتي للجميع.....

م عليش غلطان اخوي سعر زيت بترومين 5w30  هو ٢٢ ريال وبعض البناتشر توصله ٤٥ ! 

والاختلاف ان هذا تخليقي ١٠ الاف وهذا صناعي ٥ الاف 

اهلا



انا احس الشباب خالطين الموضوع

الزيت يكون لزوجة في نوع 5w30 ونوع 10w30

مع انهم نفس الشي تقريبا , الاختلاف بسيط جدا ( حتى بعض الكتلوجات يخير بين الاثنين )

اما ادا كان تخليقي او مكرر هدا تحصله بالعلبه , ما له علاقة باللزوجة


طبعا انا اشتري اي سي ديلكو 5w30  التر سعره عند الجميح 23 ريال تصنيع امريكا

طبعا في جالون ( 4 لتر ) هدا صناعه دوله ثانية ناسيها ( اتوقع تايلند ! )

وش دخل معبأ بالامارات او السعوديه ؟ 
وش معنى الاماراتي يعدم المكينه والسعوي لا ؟ 
واذا كان فعلاً هالكلام صحيح مع اني ماني مقتنع فيه 
وين دور وزارة التجاره ؟ وحماية المستهلك من هالكلام ؟ 
ودليلكم على ان الاماراتي تعبئته رديئه او مايتناسب مع مواصفات الشركة الام ؟ 

ياليت احد من اللي ذم المعبأ بالامارات يرد على هالاسئلة

كاسترول ماجنتيك غالي عشنه زيت تخليقي 
والزيوت التخليقيه غاليه دايما سواء كان كاسترول او بترومين او غيره.
والزيوت المكرره هي الرخيصه.
ولزوجه الزيت مالها دخل بالسعر

وبالنسبه للي يسال عن زيت كاسترول ماجنتيك, هو افضل زيت تخليقي موجود عندنا 
واذا شريت كرتون زيت كاسترول ماجنتيك من الموزع بيكون سعره ٢٥٠ ريال
يعني تطلع عليك العلبه الوحده ب١٧ ريال تقريبا وفي البناشر يبيعو العلبه لك ب٣٥ وبعض الاحيان ب٤٥ 
وبكذا انت تكون وفرت فلوسك واستخدمت افضل زيت موجود في السوق وماتغيره الا كل ١٠ الاف كيلو

وعلى فكره افضل شركات تصنيع الزيوت في العالم موجوده في الامارات والسعوديه فلا تخاف اذا الزيت مستورد من الامارات

طيب لي يعرف ليه زيت المعبئة في الامارات ارخص عند الموزعين والبناشر بينما زيت المعبئة في السعوديه اغلى
عند البناشر يبيعون المعبة في الامارات لزوجة 30w10  ,,  بـ17ريال 18ريال غالبا بينما السعودي مايقل عن 20ريال وفوق

يارجال البناشر يفتون من روسهم لا حسيب ولا رقيب كل بنشري حاط سعر والمفروض انا تتسعر من المصنع اتذكر كانوا يكتبون سعر الزيت على العلب بس الحين بطلوا 
وانا اغير لسيارتي ماركيز 2010 كاسترول 10w30لي اربع سنوات واغيره 5000 كيلو وما عمري شكيت منه وسواقتي هاديه ولاني حق مقاومات وسرعة

Hamad25
انت مثل واحد دلخ معنا ف المنتدى يبي يشتري هايلكس 2014
ردوا عليه الشباب وقالوا خذ خليجي مواصفاته افضل وارخص!
قال لا ابي اشتري السعودي ب 94 الف عشان الخط 
ههههههههههههههههههههههههههههههههههههههههههههههههههههههههه
لا وواحد ثاني ف منتدى تويوتا العربية شاري له هايلكس قطري 
وابوه يقوله؟ هذا ليش رخيص اكيد فيه بلاء؟ لا والله انت اللي عقلك فيه بلاء!

ياخي وش دخل تسعيرة البناشر في جودة الزيت ؟ 
خلاص على كذا اشتري موبيل 1 عند البناشر ب 50 ريال 
هههههههههههههههههههههههههههههههههههههههههه.

انا عني اغير 10w30اشتريه من محل الجمله ب25ريال 
والحمدلله ممتاز جدا التغير بعد 7 الاف طبعا صناعة الزيت سعودي 

عندي كامري 2014 والزيت اللي استخدمه هو زيت تويوتا المعروف
لكن احسه متعب السياره " قومتها و صوت المكينه خاصة عند التشغيل
او قومة السياره ..

قريت عن زيت كاسترول ماجنتيك و اعجبني كثير " حسب قرايتي "

السؤال هو ، وش درجة اللزوجه اللي تنصحوني فيها ، وهل الزيت 
هذا ممتاز او لا ،؟؟؟

طبعا السياره ماشيه 85 الف تقريبا

للفايده وليعلم الجميع

اي زيت W15 ينفع لكلا المكاين ديزل وبنزين
كنت استعمل موبيل دلفاك للديزل والبانزين
وكان اول مانزل السوق. زمان مكتوب عليه يصلح للجميع مندوب موبيل قال لي اضطرينا نغير العباره التجار الموزعين احتجو ويبون يستغلون الامر


اشتر موبيل دلفاك 50W15 ع مسؤليتي ان تضررت 
ينفع للديزل والبانزين
سعر جركل 5 لتر اذكره 45