عدت استفسارات ادخل وشوف

4 10

لايمكنك التصويت حتى الحصول على 20 نقطة على الأقل
إضغط هنا للإخفاء

a.ibrahem 3168
قبل 9 سنه و 7 شهر

صبحكم الله بالخير ، مساكم الله بالخير

ندخل في الموضوع على طول واحد من اخويانا في الاستراحة اسير عليهم بين فترة وفترة < قل بعد قصة حياتك هههههههههههههههههههههههههههههههههههههههه امزح امزح

المهم خوينا هاذا ماشاء الله عليه الله منعم عليهم ( الله يزيدهم ويرزقنا ) يعني حالتهم كويسة ماديا ماشاء الله

طبعا الرجال توه ماخذ له اودي A6 طبعا ستة سلندر تيربو على ما اعتقد ما ادري عاد ما ابخص الاودي مررة وما تعمقت فيها

المهم انه يا طويلين العمر يقول قبل 4 او 5 ايام تقريبا كان رايح لمزرعتهم وهو في الطريق يقول انه بين معه في شاشة المعلومات ان معدل الزيت ناقص اقل من 1 لتر يعني قرابة 800 للعلم الموتر ماشي الى الان 3500 تقريبا ، يوم قال لي السالفة استغربت وحاولت احلل واطلع بنتيجة ماقدرت

قلت اعرض عليكم الموضوع ونتناقش

الموضوع الثاني اخوه شاري يخت ماشاء الله جديد يوم مشى معه 25 الف بدا يطلع صوت ورورة اذا جاء يهدي والموتر جديد واستخدامه كويس للسيارة رايح للوكالة وقالوا له بنغير لك فحمات وهوبات امامي وخلفي وعليك التكلفة قال كم قالوا 9000 ياولد عدل بدل مافيه آخرتها رفض قال انتوا اللي تصلحونها ومنيب دافع ولا ريال الموتر جديد وبمبلغ وقدره واشتريه واخرتها مايكمل 25 الا يطلع صوت عند التهدية ، المهم وجلس الموتر اسبوع في الوكالة ورفعوا له ايميل يخاطبون فيها الشركة الأم وبعد تقريبا عشر ايام تجالد هو وياهم قالوا عطوني موتر بديل وعطوه المرسيدس الصغير ذا مدري وش اسمه وجلس معه لين ، ردت الشركة الام وقالت تتغير على حسابهم العميل مايتحمل شي لأن الموتر جديد ومامشى شي المهم غيروها وبعدها كنه عافت نفسه او انه مفكر في سيارة ثانية لأنه ماشاء الله عليه كل يوم معه موتر


الله يرزقنا ويرزقهم

والاستفسار الاخير خوينا بيطلع افلون 2014 ليميتد بدون شاشة حصلتها في احد الفروع ب 127 الف لؤلؤي اللي يخبر لي معرض او وكالة الخ ... عنده افلون نفس المواصفات وبسعر اقل يبلغني لأن تعرفون فرق 1000 ولا 500 تنفع

اتمنى اني ما اطلت عليكم

واعتذر ان الموضوع ما تنسق مررة لكن ان شاء الله انه يحوز على رضاكم

تقبلوا تحياتي ،

إبلاغ

الردود