عرض سلعة باعلان الغير - موضوع للنقاش حياكم الله

والله يا اخوي انا عندي كورولا 2015  وشفت واحد منزل اعلان عن كورولا 2014 ويبي فيها 65 وماشيه فوق 7500 اضن استغفرالله ماذكر 


لكن .. يكذب ويقول ان شاري سيارته 69 وان 2015 ب 75 الف .. ليش الكذب انا شاريها ب 69 الف  

رحت كتبت له للتوضيح راح حذف اعلاني 

الغش مايرضى فيه شخص ولا احد 

اللي ينزل اعلان جديد اصفار بسعر مرتفع " راعين المعارض و الصالات "
ارد عليه كان فيه أرخص منه بنفس المواصفات
المستعمل بحر و لا افتي فيه و ما ودي اخرب على احد لو انه غاش او مزود بسعره
اللي يشتري على عماه بدون فحص يتحمل
لكني اتابع مواضيع شراء المستعمل و توضيح حركات الغش فيه
بدون ذكر اعلان محدد

معدومين الضمير واجد هالايام .. انا مهو ذابحني الا الرش التجميلي كبر كف اليد والمخزن اللي طاف المملكه 7 مرات والبيع بسبب البعثه !!
ثقتي بمصداقية جميع معلني موقع حراج للسيارت فقط 0%

فيه بعض الشريطية يسومون سومات مرتفعه  بهدف تخريب البيعه  وسمعه الموقع  

ففي الاخير  اكثر الناس تنزل الحراج وتشتري

يااخوان كل اكثرر الناس الحين مايخافون الله واكبر همهم هوو الفلووس اللهم لا تجعل الدنيا اكبر همنا

ما يقهرك الا رشة كبر الكف كثرت واشوفها باكثر الاعلانات

الصراحة حراج خرب صارو الناس ينزلون سياراتهم ويجيك واحد مطفي يسومها ب ٧٥ وهي اصلا ماتجيب ال ٦٠ ويطير بالعجه صاحب السيارة 

واخرتها يتلفت مايلقى احد يشتريها منه وفيه تفاوت كبير بالاسعار بنفس الموقع 

والمعارض هي احسن حل وتجنب الشريطية وانا اعرفهم من يوم اسأله بكم سيمت على طول يصلخك ويبين المستخدم تلقى سيارته ماسيمت ولا ماجابت الا مبلغ بسيط 

لقيت مكسيما ٢٠١٢ ستاندر بالمعارض سألته قلت ما شاء الله كم عليها قال سوم ٦٩ !!!!! وفل كامل جنوط وفتحه ؟؟؟ اصلا المكسيما ستاندر تجي جنوط وفتحه ؟ 

قلت له يااخي ترزق الله بالحلال لا تكذب زعل وقال ماني شريطي انا مستخدم قلت الا شريطي وكذاب والله ماسيمت ب ٦٩ الا ان كانها مسيومه اول ماطلعت من وكالتها ولو اقولك ب ٦٥ بعتها 

مشيت وخليته فلذلك يااخوان النصب انتشر وكثر وبحراج تلقى ورعان وهم اللي خربوه بزياده 

اما بالنسبة للمخزن او القديم ترا الاسعار تجي على حسب الطلب والعرض يعني فيه سيارات تلقاها مبالغ بااقيامها وهي ما تستاهل مثل هايلوكس ٢٠٠٥ مرشوشه كامل تجيب ٤٠ الف انا مااحط فيها لكن فيه عليها طلب وهذا اللي وصلها لهالقيمه فلذلك مايجب اني ادخل على اعلان واقول ماتستاهل القيمه لان عليها طلب ولو عندي مثلها ببيعها مثل سعر السوق حتى لو اني مطلعها جديدة ب ٤٢ رزق وجاني على حساب ذا المجانين 


ماانصحك انك تتدخل بااعلانات الناس يعني اذا بتنصح البايع بالخاص واذا شفت انه بينصب على الناس راسلهم بالخاص لأنه اصلا بيحذف ردك 

للاسف اغلب الناس م تخاف الله ,,

أنا قبل سنه تقريبا رحت انا والوالد من اجل نستلم موتر شريناه فلفت انتباهي ان عنده ددسن 2013
مكتوب عليه جي ال اي وهو مواصفات جي ال لا مرايات كهرب ولا ريموت ومصدي بعد 
وسالته وقال ذا جديد اصفار ب 65 قلت عند المعرض الي جنبك فل الفل 2014 بـ 59 قال اعوذ بالله من الرخص 
وقام يرقع ترا في انواع بريمي وخليجي قلت كلها نفس الشي مجرد تسميات 

وحتى الددسن الياباني والمكسيكي والتايلندي = كلها نفس الشي الفرق فرق الدفرنس مثل الفورد له عدة كرونات 
بس ماخذين الشغله طقطقه على روسنا 

فيحق لك انك تمسكه وتتوطا في حوض بطنه ، وعندك واحد عارض موتره اقساط للتنازل ماشي حول الـ 30 الف 
واجمالي الي دفعه مع المقدم ماتعدا 25 الف وطالب 20 الف للتنازل !! من المهبول الي بياخذ موترك وبالوكاله بدون دفعه وقسط معقول ومتى
مابغيته ذهبه عندهم يجي يدفع لك 20 الف ريال على موترك 

بعض الردود تبيض الوجه بس المشكله ان صاحب الاعلان عنده صلاحيه حذف الردود وانا اشوفه خطأ
لو فيه رد مسيئ او بخس فيه زر ابلاغ الادارة تتكفل بحذف الرد ولا ليش وضعوا خاصية الابلاغ ! لان بعض اصحاب السيارات يلفق بسيارته فل كامل وهو مركب جنط وضبطها بتخشيبه من داخل وجناح خارجي مثل اصحاب الكوامري ويمشيها علينا فل كامل بدون فتحه