شد البريك عند الاشارة لاترجع سيارتك مثل ماصار علي - بالفيديو

الحمد لله جت بسيطه
الجوالات والله نكبه الله يخارجنا منها
ونصيحه جيده دائما عند الإشاره اربط الجلنط
شكرا لك اخي 
+

ماهي منهم من شوارع الاوربيه  منزلقه  انا قد رجعت سيارتي والي وراي يضرب بواري  واعتذرت له  

 هذي مو مهم الاهم لاتلحم في سياره قير عادي في رفعه لن ممكن فيه غشيم مايعرف يوزن دعسه مع كلتش وتدحدر السياره 

 هذا الغشيم بنظري 

مثل راعي جيب عند اشاره دحدر علي
ويوم صدم دق ريوس عشان يفترج في الكمره الخلفيه يتفقد الوضع

هذي تهون لا جاك واحد معه قير عادي على شارع مرتفع

صدقني اذا ماتبعد عنه اقل شيء 4 متر ممكن يصدمك

وفيه ناس تلزق باصدام ماتقدر الاوضاع

موتك من المفهي الي لا رجع عليك نزل يخانقك ويقول ليش تدقني لين يقتنع انه هو الي مدحدر
تراها قد صارت معي 

اخوي بغيت اسالك وش اسم الكام ومن وين شريتها وبكم ﻻهنت 

^^
حياك الله 
ادخل علىٰ موضوعي ، تجربة الكاميرا 
ورح تحصل كل التفاصيل السعر ورابط الشراء وكل شي

مرة أنا وقفت سيارتي "يارس تويوتا" عند محطة بنزين، وأبي البقالة المهم 

في عامل يكنس برى البقاله، يناظر سيارتي،

وانا من النوع اللي يخلي السيارة شغالة وأقفل بالريموت من برى عشان أأمن الأبواب 

أشوف العامل يناظر السيارة وقلت خلني أعطيها نظرة سريعه دام إني على باب البقالة، ومن النظرة السريعه ماشفت الموتر ياولد 

إلا وهوووووووووو يدحدر بالريوسسسس وماشي على سيارات للإجار واقفة عن محل صاحبها لأن الوقت كان 6:00 الصباح 

وأركض ألاحق الموتر وآلاحق وأضرب الريموت عشان أفتح الأبواب، وكنت من جهة الرآكب وأنا آلاحق 

وأبي أفتح باب الراكب (من سوء الحظ كان في برميل أصفر حق البلدية الدائري وإنتم بكرامه) قفل علي فتحة الباب ههههه 
المهم 

وآخذ لفة من ورى البرميل الأصفر وأفتح باب الرآكب وأشد الجلنط وأطلع أشوف وقفة السيارة وبينها وبين السيارة اللي وراها

شـــــــــــــــبــــــــر ~~ ومن بعد الفلم هذا آخ بس، أرفع الجلنط وأهز جسمي للتأكد بثبات السيارة XD 

وعدت على خـــير ولله الحمد والمنــــّـه 

^^
الحمدلله انتبه مرة ثانية اسحب البريك لآخر طقة ههههه 

انا صارت لي بالتاهو كنت مفضي السياره وترجع شوي شوي  لين ما لصق في الموتر اللي ورا  واناظر والحمد لله  السياره اللي وراي مافيها شي 
اطعجت اللوحه عنده بس وانا تقشرت بويه غطا القلص وتاسفت ومشينا 

انا صارت لي بالعكس
معي فورد وماسك فرامل وهي بالدي وقاعد اقلب بالجوال رفعت عيني اشوف كم باقي ثانيه بالاشاره مادريت الا اني خاش بكامري ومسكت فرامل 
وماضربته بقوه بس متوقع اني دقيته ولما مشينا شفت اثار مسامير ع صدامه 
شكلها مسامير لوحتي وقتها فكرت اللحقه اوقفه ولا لا بس دخل خدمه واستعبدت انها مني لان ماحسيت بقطه

فيه سيارات فيها ( اوتو بارك )
يعني تشغله بالزحمه وعند الاشاارت مجرد ماتسحب رجلك عن البانزين من حاله تشط الجلنط..انا ما اقول اشتر السياره هذي بس ذكرتها بالمناسبه ..

واحد من اخوياي رجع عليه واحد من نزلة من " جنسية عربية " واتصل الاخير على المرور يقول خويي صادمه من ورا

طبعاً خويي ماتمالك نفسه وأدى الواجب :|

شين وقوي عين

ليه الديسلايك ؟؟