هل فورد تورس الميتد عملية

انا عندي نص فل افكر اصرفها،،

حط ببالك كذا شغله،،،

الوكاله سيئه يصلحون شي و يخربون شي،،،

عندي الحراره ترتفع صلحتها بالوكاله ب١٤٠٠ و رجعت ترتفع،،،

المكيف اعطيه ٧ من ١٠،،

قطع الغيار معقوله لكن اكثر الورش و الكهربائيين لما اجيهم يقولي ماعرف لها روح الوكاله،،

الكفرات غاليه بما ان الجنط ١٩ ،، و صعبه احصلها اتعب و انا ادور بالمحلات بالايام مره بنشرتوو اضطريت استاجر سياره لين لقيت كفرات،،،
(بتلقى لكن تختلف بالعرض والارتفاع بشي بسيط)

السياره حجمها كبير و فخم لكن داخليتها صدقني عكس حجمها مثل السيارات الصغيره،،

راح تدفع فيها حول ١٥٠ او ١٤٠،،

وانا اشوف البديلات كثيره ،،

وانا واحد مجربها لها عندي سنتين من ٢٠١٢ و اعطيك رأيي عن تجربه ولو يرجع الزمن لورا ما اشتريها و اشوف لي شي افضل،،


و عن نفسي الان افكر في جينسيس ٢٠١٥ نص فل ،،،خصوصاً بعد ما استاجرتها و سافرت فيها،،،

الشباب صادقين في بدال كثيره جدا بما ان سعرة 140 الف عندك لكزس es 4سرندل فل 145 الف اكشخ ماراح تتعبك جربتها معا واحد من الزملاء ماشاء الله عندك الجنسيس نص فل موصفات البانورما الاودي بدون مجامله  صيانه 150 الف صيانتها هي السنتيال vip يسلمونك سيارة اثناء الصيانه اهتمام كبير بشكل ماتتصور الخيار لك 

السيارة تعتمد على قائدها اذا انت من النوع اللي يحافظ بتمشي معك وبتعيش ملك وبعدين سيارات فورد اشتر ولا تشاور 

اما اذا انت ما تحافظ وتدعس للموتر وترقى مطبات على سرعه اكيد بتنهبل ترا هي سياره مخصصه للمشاوير الخاصه والدوام 

اذا تبي سياره كرف ما تقول لا اشتر رابتر تبي بر بحر جو هههههههههههه 

والله جد اتكلم انا اشوف ناس كثير تسيء لسيارات معينه لانهم ما يستخدمونها بالطريقه الصحيحه 

عطني بنتلي في اسبوع والله لا اعطب مكينته وقيره 

الدعوه هي على المستخدم

صديق لي معه توروس 2013 نص فل فتحه وجلد بصراحه لا تعليق سياره جباره بمعنى الكلمه والى الان ولله الحمد ما يشتكي منها ابد 

بالتوفيق ان شاء الله 

لو وصلت 140 
عليك بخيار واحد فقط
جنسس 2015 الشكل الجديد
عليها ضمان 5 سنوات ما تحطش فيها ريال !!
والشكل والمواصفات 
للمنافسين بالسعر 
مافيش مقارنة 

اوافقك الرأي يا محمد سعيد

اسأل ابومحمد اللي في الكيك هو يعطيك الزبده ويعلمك اذا هي عمليه امزح لاتزعل بس حبيت الطف الجو شوي تحياتي 

انا الصراحه ماقد سقتها ولاركبتها بس شفتها في الوكاله واكثر شي ضايقني فيها المساحة الداخلية اللي ورى مشكلة خصوصا اذا ركب معك واحد متين راح يتضايق جدا

اخوي معه 2014 يقول كويسة لكن ماهي ذيك السيارة اللي تقول ما عقبها ، ضيقة جدا من داخل و يقول تشرب بانزين كثير
انا اروح مع رأي أخوي محمد و أقول زود فلوسك شوي و خذ لك جنسس الجديد ماشاء الله فخامة و كانت عند واحد من خوياي الموديل الاقدم يمدحها، الله يكتب لك الخيرة و يرزقك من واسع فضله

مشكلتها دفع أمامي وستة سلندر وصيانتها فيها نوع من الصعوبة .

سيارة حلوة وعمليه انا استاجرت تورس علا العيد لمدة20 يوم مشيتها 7الاف كيلو 
العيوب اللى واجهتنى فيها 
1_ مدخلها ضيق لازم انك تتعود علا طريقه الركوب فيها والا راسك بيحضر فى التندة
2_المسجل مايشتغل الا تكون مركب حزام الامان 
3 مكيفها لك عليه فى التبريد 

انا معي تورس 2008

اولاً الاسعار شوي مرتفعه

وبعضها تنغبن وانت تشتريه
القربعه حقت فلت الهواء بلاستيكه ب١٦٠٠ ريال
واللديتر ب ١٠٠٠ !!؟
شمعه اماميه ب٢٤٠٠؟؟

الشبك مكون من ٣ قطع كل قطعه ب٨٠٠ ريال 
سويت بها حادث والله كرهت ابو توكيلات الجزيره

وبعض القطع تجيك كامله زي جوزة المقص ماتكلف ١٥٠ ماتاخذها الا مع المقص ويكلفك ١٣٠٠ !!!
شغل وساخه وفوق كذا مافي تجاري
مافي الاتشاليح 
من رأيي كأخ ومجرب والله في بدايل غيرها
صحيح انها مركب وفخم ومواصفات لكن برضوا فكر قدام وش بيصير لك
ايوا صح
كل القطع طلبيه تاخذ يومين ل ٣ ايام :)

القربعه=== القربه زي الحافظه

شكرا لكم والله يعطيكم الف عافيه 
خلاص بشوف غيرها انشالله 

نصيحة أخ 

بما انك طالب جامعي وفي فتره شباب حاول  تأخذ من شركة تايوتا شف السيارة اللي تناسبك 

بتخدم معاك اربع إلى خمس سنوات وتكون وقتها تخرجت وتوظفت وتقدر تستفيد من مبلغها بعد البيع في سيارة تكون انت وقتها مختارها بعنايه لك ولمستقبلك 

ولك حريه الاختيار بالاول والاخير  يرجع القرار لك بس بعض الاحيان يجبرك المحيط حولك أنك تتخذ اجراء منت مقتنع فيه عشان تستفيد منه 

بالنسبة للتورس فيه نقطه ماذكروها الاخوان وهي صعوبة الرؤية تحس انك ماتقدر تلتفت ديكوراتها مرتفعه ماتشوف زين 

وغير كذا قطع غيارها غااالي 


عندك بدائل كثيرة مثل افلون مسوين عليها عرض والظاهر قيمة التورس اللمتيد بحدود ١٨٥ يعني عندك من اللكزس gs و is و es 

من رأيي تبعد عن التورس وبالنسبة للجنسيس موتر بطل كمواصفات فقط غيره لا تدور وقت البيع مااحد يناظر لك ولو ينتهي الضمان او يقولون لك هذا سوء استخدام بلشت فيها قطعها نااااار وغير متوفره ومافيه احد يفهم بصيانتها 

بعكس التويوتا او اللكزس نادر احد يفكر بالضمان لأنها سيارات اعتمادية 

التورس عيبها انها ضيقه من الداخل عكس الخارج وخاصه المقاعد الخلفيه انصح بسياره ضمانها خمس سنوات مفتوح الكيلو مثال الكادنز سعرها مغري ومواصفات جباره والخيارات كثيره