ليش فرق السوم يختلف

يسون أكثر من حساب
او انها سياره نضيفه

فرق السوم عندنا مفهوم غلط يلقاه مسيوم ب ٢١ ألف يطمر واحد منها إلى ٢٥ ألف ويمكن حد راعيه أقل بس ما هقى ان فيه واحد هطف كذا فيطمعه زود و بالأخير لا هذا باع ولا الثاني أشترى زبدة الكلام هذا كله : تخريب وعدم جدية وطمع 

لان في ناس تسوم حسب السومه الي يشوفونها اما انه مايعرف تقريب سعر السياره او انه بزر داخل يلعب مثلا حصلت جيب نيسان 2010 واحد فاتح ب25 والي بعده يزودون من الف هذا هبال او استهبال

كلن يسوم بخراجه 



يعني باللي يشوفه مناسب له او يقدر على قيمته 

وانا مايقهرني اذا جيت اتصفح موقع حراج الا صغار العقول الملاقيف تحصلهم بكل اعلان لاتبخس السلعه لاتبخس السلعة ؟

طيب راعي الاعلان تراه مانزل اعلانه الا وعنده اصابع وعنده كيبورد ويقدر يكتب ويرد على اللي بخسو سلعته يعني مب محتاج ملقوف يدافع عنه هههههههههههه 

لكن بعض الملاقيف سبحان الله يحب الفلسفه يعني شوفوني تراني عارف اسعار السيارات وعادي توصل اللقافه عنده لدرجة انه يدعي معرفه قيمه السياره اكثر من راعي الاعلان نفسه ههههههههههههه

المفروض سوم الخاص ما يعترف به لان السوم الفعلي في العام قدام الناس 

الطريقة الصحيحه واضحه جدا اي سوم خارج الموقع مرفوضه اي سوم خارج اي سوم على الخاص مرفوضه اي سوم بدون جوال مرفوض 
اما يجي واحد سيمت مني برا وسيمت مني خاص كلام فاضي وللاسف اداره الموقع لا تهتم اطلاقاً انا اشوف الموقع صار منفر نوعا ماً واذا استمر الوضع راح نلقى موقع جديد في يوم من الايام ينافسه لان الموقع فاحت ريحته اسعارها اغلى بكثير من المعارض قبل كم يوم لقيت موتر معروض واتصل على راعيه قلت بشوفه قال السياره في المعارض في الساحه واروح فعلا السياره في الساحه وادق على واحد ثاني حاط اعلان قلت وين ساكن بشوف السياره قال الوعد المعارض تلقاني في الساحه واروح والقاه عارض كم سياره وحاط بنقالي
طبعا ولا حده منهم عندها زباين وكل من مر وسال عن سعرها تعداها وفي الموقع انواع الردود تحسب ان السياره بتنباع بعد نص ساعه يا تلحق يا ما تلحق 
باختصار الشريطيه الي ما قدرو يصرفون سياراتهم في المعارض جو هنا !!!!!