أضف سؤال أو موضوع جديد          

اخواني اريد استشارتكم بالله؟

up 3 down 0
آبونوره 23
قبل 11 سنه



السلام عليكم

ان شاء الله راح اطلع سيارة واحترت بين ثنتين

شوروا علي تكفون

كامري الجديد 2015 او اكورد 2015

من ناحية الجودة لان سمعت ان الاكورد صيني 2015

والكامري استرالي

تحياتي لكم







إبلاغ إبلاغ



الردود


إذا تبي راحة البال من ناحية القطع وتوفرها البال اشتر كامري ...

المهم بشكل عام سيارات السيدان ماعاد تنفع لشوارعنا بسبب المطبات والحفر وغيرها من البلاوي ....

شوف ارتفاع الكامري والاكورد عن الأرض احتمال قارورة ماء أم نص ريال وهي واقفة تحك في السيارة من تحت ..

المهم السيارة اللي تميل نفسك لها اشترها إذا كنت مقتنع فيها ..


up 5 down 0
أبو خالد 333 298
قبل 11 سنه



الاكورد امريكي تلقاها مكتوبه في الباب والكامري استرالي
اذا السعر مقارب الاكورد اجمل وافضل 
قطع الغيار الي اعرفه عن الموديل القديم انها متقاربه بس الاكورد الجديده قطع غيارها قرات عنها انها غاليه جداااااااااااا قبل كل شي اسال عن القطع الي ممكن تغيرها في ٤ سنوات
لكن والله انا ارسح الهوندا بقوووووه 
واذا استاجرت السيارتين حتقتنع بما هو مناسب


up 1 down 1
مخاوي الاهات 15
قبل 11 سنه



عن تجربه والله الاكورد راحة بالله الشكل افضل من الكامري والقوة


up 1 down 1
القصاب 166
قبل 11 سنه



الاكورد 2015 عدلوا شوي فيها.. وصحيح تجميع صيني و قير cvt  بس مواصفات مستحيل تجي جنب الكامري
و الاكورد حسب فيديو حسن كتبي انها تبتدي من 92 الف و توصل الفل كامل 4 سلندر 122 الف ريال

* حررررررام يندفع فيها هالمبلغ 

الكامري 2015 مفروض ينزل الشكل الجديد.. بس الاخ عبداللطيف جميل قاعد ينزل 2015 نفس شكل 2014 

و مادخلت مزاجي مرة .. ومن ناحية استرالي صحيح استرالية 

الامانة مطلوبة الرساوة و المواصفات و انظمة الامان لصالح الاكورد

سعر الاكورد يجيب لك خخيارات ثانية مثل الماكسيما يابانية و مكينة 3.5 

الاكورد دايما متفوقة بفارق على السوناتا و الكامري... لكن ب موديلات 2015 اظاهر رقم واحد السوناتا، وبعدها الاكورد، و اخر شيء الكامري



لكن سعر الاكورد ارجع و اقولك راجع نفسك فيه.. ابدا ما تستاهله

اذا حددت خياراتك حاول تختار فئة فيها اقل شيء 6 ايرباق + abs و التراكشن كنترول.   هذي تفيدك بعد قدرة الله على تفادي المواقف الصعبة



up 3 down 1
alkathiry 706
قبل 11 سنه



الاكورد بلا منازع 
يكفيك مواصفات الامان اللي فيها لو تجلس تصنع الكامري عشر سنوات ماتجيب نفس المواصفات للسعودية
يعني الكامري الامريكي مالنا كلام عليها لان تجي بحسب المواصفات الامريكيه التي لاتفرط بسلامة المستهلك 
تحت اي ظرف من الظروف .. 
والكامري والتويوتا بشكل عام حدهم في السيارات الصغيره ايرباقين وABS
لكن مواصفات الاكورد من الناحيه هاذي تتفوق على الكامري بمراحل 
وجودة التصنيع لصالح الاكورد والهوندا بشكل عام 
كفايه تماسك اجزاءها الداخليه موب مثل الكامري اليوم تطلعها بعد شهر تسمع انواع الاصوات من الديكور 
واللي يقولك قطع وما قطع ؟ لان كل القطع اللي يوفرها الوكيل made in japan.
ماهوب مثل تويوتا صنع في اندونيسيا وصنع في تايلاند والخ.
طبعاً هالشيء مايعيب التويوتا لان في مواصفات ومعايير للجودة من الشركة الام.
لكن ماراح تجي مثل قطع الهوندا في تحملها للمسافات الطويله وعدم الخراب المبكر 

واخيراً:
استخير والله يكتب لك اللي فيه الخير


up 2 down 1
fx2y -207
قبل 11 سنه



شوف اخوي

اسال عن قطع الغيار لكلا السيارتين وقارن بينها وشوف اللي يناسبك !

الاكورد ف الشكل والفخامه افضل !

لحد يضحط عليك ويقول لك قطع غيار الكامري رخيصه

شريت كمبروسر للكامري 2008 ب 4090 ريال

والرديتر 1950 تبع المويا !

بالتووووفيق


up 3 down 2
rraadd4 126
قبل 11 سنه



^^^هههههههه بعد ماكتب رد ، شفت ردك نفسي الي بقوله
خذ لايك ع تشابه الافكار


up 2 down 1
aziz..747.. 2421
قبل 11 سنه



في اختبار التصادم الاكورد افضل من الكامري 

ومن ناحية المساحه الاكورد اوسع

ومن ناحية الجودة الاكورد طبعا 




up 4 down 2
xfx-fxf 1
قبل 11 سنه



الاكورد الصينية بنفس جودة الكورد اليابانية والامريكية
صدقني مافيه فرق
في الصين يتم تجميع بي ام دبليو ومرسيدس
التجميع ماله دخل في الجودة
الجودة على حسب معايير الشركة الصانعة

المهم 
من ناحية الشكل الاكورد افظل
من ناحية السعر حول بعض لان الفل في الكامري مثل مواصفات النص فل في الاكورد
سعر قطع الغيار حول بعض وخلك من كلام الناس على اساس مقارنات قديمة روح الوكالة وسعر القطع بنفسك
مواصفات الامان بين السيارتين .... مافيه مقارنة

بالتوفيق


up 0 down 1
سلطان4040 1237
قبل 11 سنه



كامري 2015 افضل من الاكورد الجديد صيني وقير cvt والمراتب قاسيه جدا ومبروك مقدما +1 لايك للجميع


up 0 down 1
Abu-Nawaf 337
قبل 11 سنه



اذا انت ماتفكر بغير هالسيارتين فأكيد الاكورد تتفوق على الكامري بكل شي وبجميع الفيئات 
شكل خارجي وداخلي الاكورد اجمل  موصفات سلامه الاكورد افضل رساوه وثبات الاكورد افضل 
بس من ناحية قطع غيار واسعارها مالي علم فيها ويفيدونك الاخوان الي يملكون هالسيارات لفتره طويله 
لني جربت السيارتين بس كانت تجربه بسيطه الاكورد ٣ شهور اجار  والكامري نفس الشي اجار شهرين 
وكانت الاكورد افضل بكل شي
واذا ماعندك مشكله بخيارات ثانيه  عندك اكثر من سياره تعتبر فيئه اعلى من الكامري والاكورد يعني دامك وصلت لل ٩٠ الف شف الامبالا ٦ سلندر 
والتورس ٦ سلندر  وعندك تشارجر ٦ سلندر بروضو وكلها لايعلى عليها ماشاء الله  واسعارها ماتوصل لل ١٠٠ الف 
الامبالا اتوقع ب ٩٩ الف  والتورس حاجه وتسعين  والتشارجر حاجه وتسعين 
والله يوفقك للاختيار المناسب 


up 2 down 1
شروكي 2007 181
قبل 11 سنه



يا طويل العمر
أشور عليك بالأكورد (كانت تجي الخليج من اليابان
وبعد الزلزال صار يجينا من مصنعهم في أمريكا) .

أما الكامري (الشكل الجديد) فينزل في أمريكا موديل 2015
وفي منطقة الخليج موديل 2016 .

وهو قرار من المصنع ، كان المفروض يجينا الجديد
لكنهم اتخوا قرار قبل شهرين تقريبًا بتأجيله سنة كاملة .

الأكورد ياخوي قطعها غالية حبتين ، لكنها تعيش وتتحمل
وألله يبارك لك في الاختيارين .. مع التحية للجميع .


up 1 down 2
جاسم الدوحة 187
قبل 11 سنه



اتخوا = اتخذوا
السموحة


up 0 down 2
جاسم الدوحة 187
قبل 11 سنه



انا لاجربت لاذي ولا ذي 
لكن لو محلك ماحترت بينها لاني اشوف الاكورد افضل بكثييير 


up 3 down 1
mmmm9999 30
قبل 11 سنه



اكورد بلا منازع واذا خايف من الصيني خذ 2014 موجوده جديده!!!


up 0 down 0