وش معنا قرضه حسنه

قرض حسن يعني بدون فائده
ما دام معاك شيك تقدر تجرجر اللي خلفوه مو بس تشتكيه
من قسم الشرطه دايركت يجيبونه 

 

شف ترا النظام تغيير وكل يوم يطلعون لنا بسالفة 

يعني اذا حضر الرجل عند الشيخ ( وقد لا يحضر الا بعد مماطلة وشيل وحط ) يقول للشيخ انا مامعي فلوس 

وكنت بحاجت الفلوس يوم تسلفتها وعلى اساس ابقدر ارجعهن ولكن جت ظروف منعتني وانا ابسدد ولكن الحين مامعي شي 

يناظر لك الشيخ ويسألك معك تعريف براتبه او عندك خلفيه عن دخله المادي اذا قلت لا ( بيقول ليش تعطيه ) طبعا تختلف من شيخ لااخر 

وترا الحين فيه غرامة على هالسالفة ٢٠٠٠ ريال تدفعها انت عشان ماتعطي احد وخصمك يدفع ٢٠٠٠ ريال بعد عشان ماياخذ من احد وهو مايقدر يرجع الفلوس 

طبعا الالفين عن كل شيك 

وحقك بيرجع لك بس مثل ما قلت لك مرمطه 

انصحك تطالبه وتتجنب الشرط والمحاكم 

بالنسبة للشيك مافيه مشكلة بالعكس موضح ان المبلغ هذا قد اقترضه منك ( حسنه يعني حلال ماهو ربا يعني مااخذ منك ٢٠ وردها ٢٣ ) 


الله ييسر امرنا وامرك وكل من يقراء 

الشيك بتاريخ كم ؟؟؟
اذا كان حديث فلك مهله محدد تشكيه فيها اذا ماسدد بالموعد المتفق عليه
واذا كان بتاريخ مؤجل يعني بالمستقبل ، فلازم تنتضر حتى يجي الموعد المكتوب وتطالب واذا رفض
تقده لوزارة التجارة ،، وهنا تكمن المشكلة 
انت ع علم بانه مفلس واستغل جهلك بكتابة شيك بدون رصيد
وهو لاجل حفظ الحق المزعوم يعني تدخل معه في 
مشكلة كتابة الشيك بدون رصيد

الي اعرفة قرضة حسنة يعني بدون فؤائد ولا تكتب بالشيكات المصرفيه
لان الشيك الاصل فيه انه واجب الدفع وليس للاجل

اتمنى تسال متخصص ، ولاتاخذ كلامي بالتخوين له والا التشكيك فيه
لكن هذا الي اعرفه واحتمال يكون في خطى
الله يعينك ويسهل امرك

شيك بدون رصيد تودية البنك وتاخذ اعتراض علية وبعدها تودية دوائر التنفيذ عند قاضي التنفيذ يرجع لك حفك حسب الاجراءات

استفسارك غير واضح المدرعمين هنا يردون وهم ما فهموا صح

وضح و لو تقدر تنزل صورة للشيك يكون أفضل 

يعني انضحك عليك اخوي

هي بس جت على الشيكات بدون رصيد ؟!

الحين لو يصدمك واحد في الرياض ويعدم سيارتك و يكسر ضلوعك يطلع منها و كأنك أنت المخطي عليه

اكثر الناس هنا تقول اشتكي عليه وش اللعانه ذي ،. انت ما امداك تعطي الرجال الفلوس الا تروح تشتكي عليه ? اذا كنت معطيه مدة تسديد مثلا ٩ شهور يسدد شهريا اصبر ويسددها واذا ما سددها حق تشتكي 

الله المستعان