أضف سؤال أو موضوع جديد          

المكائن الــ6 سلندر

up 11 down 9
صوت العزاوي 523
قبل 7 سنه و 8 شهر



السلام عليكم ورحمه لله وبركاته 
ملاحض فيه عضو جديد هنا اسمه ((الشيخ طاحوس)  ما شاء الله المفرروض يرحشونه لافضل عضو 
لاهذا الاسبوع هههههه شاد حيله وعنده خبرة وكلامه الاغلب صحيح 
كيف حالكم ياخوان وش فيكم  لا مشاركات لا مواضيع ولا ششيء 
 وين الشباب والشيبان  والاطفال هههههههه
ابو سند وينه او شكله طاح بالمريعيات  وسحب علينا اقل شيء صور لنا الطبخ يبو سند
اول شيء حبيت اوجه كم نصيحه  لكم ياخوان  

1-- قبل  يومين رحت اصور بجدد اثباتي  صور شخصية واتجهت للمحل التصوير 
وبعد ما رسمت وتضبطت جاني العامل يقول يبغى يصور مكتب وكتب قلت لا صور شخصية وراعني هههههه
المهم انا طويل جلست على الكرسي قال نزل راسك  شوي قلت ابشر وقال بعد وقلت حاضرين وصورني
ولا شفت الصورة بالكاميرا يوم جيت استلم الصور بعد ساعه طالع وجهي كاني فقمه ههههههه 
  نصيحة شف الكاميرا اذا صورك وتاكد وذكر مره اخوي صور ويوم شاف صورته طالع احول هههههه

2--اليوم الوطني قرب ياخوان وشادين حيلهم المرور بارك الله فيهم  ومجرد نصيحة 
خل اوراقك كاملة وجاهزة الرخصة والاستمارة وغسل سيارتك اذا انت مضللل علشان ما يبلشك وفك وفك

3---اذا جيت تصلح سيارتك كل شغلة اتفق معه بسعر معين وافضل قبل يومين رحت اللحم ماصورة المكيف
واعبي فريون  وطلب مني 150 فريون 50 شغل يدة  يعني 200 قلت له خلها 100 اابي اجلطه  بمكانه هههه
رفض   واتفقنا على 170 ريال المفروض اني متفق على التعبئة للحال وشغل يده للحال 

4--لاحضت قبل فترة واحد منزل اعلان للجيب  تويوتا والي لاحضته  بالصورة ان الارض الي حولة ممطرة 
والجو غيوم ولابس شتوي هو  لمشكلة ماهي بالصور المكشلة بعمر الصور يعني صارلنا اكثر من 
5 شهور مصيفين  ولا شفنا المطر ولا شيء حبيت احذر انتبهو بعضهم يجيب صور قديمة للسيارته جدا
ومااتدري وش صار عليها خلال الفترة اليي راحت يعني بالله ما تقدر تجيب صور جديدة ؟ 
او بعضهم ينزل صور ما هي واضحة ابدا بدا ومصور الجنط وولاسطب والباب والقزازة الامامية والكبوت
ويكتب  مسيومة بكذا وكذا و اذكر قبل يومين نزل موضوع عن واحد تعرض للغش ونزل اعلان الرجال 
ويوم شفت سيارته تارك انطباع انها وكالة وهي مكيفها خربان حتى وموديلها 2012 وقرنبع


موضوعنا اليوم عن المكائن الــ6 سلندر  والحجم الكبير والــ3.3 سي سي او 3.0 سي سي او 
3.5 سي سي  طبعا اتكلم عن التقنية اليبابانية الكورية والامريكية باختصار 
طبعا على حسب وجهت نظري اشوف الـ6 سلندر ناجح وما يحتاج انك ترردد 
والسبب ماهو بس تفكر بحجم المكينة  فقط لا غير 
اذا صارت المكينة كبيرة بتكون السيارة اثقل و واقوى وتتحمل اكثر والنتيجة 
اي قطع بسيارة تجيك اكبر مثــــــــــال بسيط
اذكر كنت معي النترا 2005 حجم 1600 سي سي الصغيرة    وكل مااشتري قطع لها 
يسئلني صاحب قطع الغيار عن حجم المكينة  يعني تخيلو الكمبرسير يجي اكبر والعكوس اكبر 
وحتى صوف المكينة تختلف واكبر واغلب القطع اففضل  وحتى بعض البائعين وبعض الخبراء هنا بالمنتدى
دايم ينصح بالاكبر المكينة  لانه الافضل والاجود ويمكن ينسى او يتغافل نقطة ان القطع اكبر واثقل 
خير الكلام ما قل وما دل وانصح الخوان لاحد يتخوف من ال6 سلندر سواء كنت بتشتري 
كادينزا    او ماليبو   او تشارجر   او اوريون لا تخاااف 6 سلندر لا تقارن 4 سلندر ابدا سواء بالقطع او بالحجم

هذا الي حبيت اوضحه ياخوان وارحب بكل التعليقات والانتقادات والشتاائم  والسب ههههههه 
اهم شيء فكونا من الديسلايك لو الواحد يغلط علي عادي وشكرا لكم جميعا 














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هلا وغلا بصوت العزاوي وابو خليل بالنسبة للتصوير فاوسخ تصوير كان لبطاقات الاحوال القديمة طالع شكل الواحد شبهه ههههههه حتی اتذكر جاني تثبيت في العمل وجت لجنة ويوم شافوا البطاقة قالوا هذا مو انت من شين الصورة ومظلمة وما تشوف الا عيوني تقول قطوا هههههههههههه
وبالنسبة للسيارات الستة سلندر فافضل بمليون مرة من المكاين الأربعة سلندر وخاصة بالمناطق الجبلية وخاصة القير الاوتوماتيك فالافضل الستة سلندر فما فوق واتكلم عن تجربة في مدينة ابها اتذكر احد الاقارب جاي لابها من الرياض ومعاه كورلا 2007 قير توماتيك في الطلعات يبيلك شوي وتنزل تدفها وكنت اسميها السلحفاة ههههههههههه حتی سيارت الاجار كنت انزل فيها عقبات بس في الطلوع معاناة يالله تطلع وفيه اجهاد علی المكينة وعلی القير بشكل كبير 
+1


up 4 down 1
ابوخلوودي1 5070
قبل 7 سنه و 8 شهر



عندي سؤال

وش مفطر انت
من اللي غاشك مع الصبح

هههههههه

موضوع خنفشاري صراحه


up 2 down 2
ابو-لانا 185
قبل 7 سنه و 8 شهر



بالنسبه للموضوع عن المكاين 6 سلندر تصدق يالعزاوي ان بعض سيارات الـ 4 سلندر تصرف اكثر من 6 سلندر وليس العكس ..  اتذكر الوالد رحمة الله عليه شرى برادو 2011 اصفار لكنه تمتيك و 4 سلندر قسم بالله ياجننا تجنين يالله يجيب 140 بالخط حتى الهيلوكس الديزل تسقط عليه هههههههههههههههههه الغريب ان صرفيه البنزين فيه كبيرررره .. وبعد عده محاولات باعه الوالد وشرى برادو ثاني وتمتيك لكنه 6 سلندر ويجيب 190 بالراحه لكن الغريب ان صرفيه البنزين فيه اقل ؟؟؟؟

اتوقع والله العالم ان فيه سبب وجيه لان الـ 4 سلندر للبرادو تكون اغلب الوقت تشتغل بكامل طاقتها تقريبا لانها راكبه على جيب فيه شاص ودبل مب سياره صغيره .. عشان كذا صوتها عالي ومزززززعج لدرجه تحس انها بتنفجر بأي لحظه بينما 6 سلندر تشتغل بنصف الطاقه تقريبا وصوتها هادئ جدا وشي طبيعي تكون صرفيه البنزين فيها اقل 

وانا ملاحظ ان اغلب الشباب فاهم انه اذا جتك مكينه 6 سلندر 3.0 سي سي زي الازيرا مثلا راح تكون اضعف من مكينه الافالون والاوريون على سبيل المثال لأنها 3.5 سي سي ؟ اوكي يمكن انت ياراعي الافالون تقدر تقوم على الازيرا لكن اذا جت على الخط يجيبك الازيرا ويتعداك ههههههههههههههههههه لان الافالون تفصل على 230 بينما الازيرا ماتفصل الا على 255  والسبب ان قير الازيرا التمتيك 6 تعشيقات لكن الافالون والاوريون 5 تعشيقات فقط .. مع العلم ان الافالون وزنها 1500 كيلو والازيرا اثقل منها ب 300 كيلو 


up 2 down 4
ابو هيثم 7 2255
قبل 7 سنه و 8 شهر



ههههههههههه اما مواضيعك 


بالنسبة للست سلندر اكيييد افضل ولكن غالبآ تكون قطع غيارها اغلى 

والمبدعين بتصميم مثل هالمكاين شركة نيسان لا تقولي لا ازيرا ولا افلون 

المكس القديمة تطرق تحت ٢٦٠ ولا يردها شي 
ولا تهون الجديدة بعد 
والالتيما السته بعد خصوصا العايدي 

ويكفي انهم انتجوا مكينة الجتي ار ٦ سلندر وتلاعب ال ١٦ سلندر 


up 5 down 2
أبو ناصر 60
قبل 7 سنه و 8 شهر



انا صراحه مستحيل افكر في سيارة اربعة سلندر بعد الالنترا يا انها تعذبني في الطلعات عذاب ماهو صاحي انا اتكلم عن مكينة 1600 ما ادري عن 1800 وعن 2000

صور الجوال جميلة رجعتنا للماضي انا قبل اسبوع اشتريت جوال N95 مطور ياخي ابو كلب ماهو مثل اول قوي تجميع دبي


up 3 down 1
mohammed shareef 1094
قبل 7 سنه و 8 شهر



جيت في داركم ياحراج ياهل الجوديعيال الاصيل جيت من علتن فيهاحسايف داخل القلب وفراقي عليكم 
اه تكفون يرجال الشدايدافزعولي تراحالي نحيس يوم سارت بي الدنيا 


up 2 down 11
حبيبي في زمن ضالم -36
قبل 7 سنه و 8 شهر



وش السالفه يا صاحب الموظوع


up 1 down 1
khaledsa 819
قبل 7 سنه و 8 شهر



السلام عليكم ورحمة الله وبركاته. 
بنسبه المكائن السته سرندل طبيعي تكون صرفيه البنزيم اقل
الاربع سرندل من صفر الى مئه اقتصادي من المكائن الكبيره
السته سرندل من مئه ونت طالع اقتصادي أكثر من المكائن الصغيرة
وكل ما زاد حجم المكينة كلما كانت الصرفيه اقل في الخطوط فقط  والسرعه العاليه
وفي المدن كلما كانت المكينه اصغر كلما كان استهلاك الوقود اقل
اتمنى اكون افدتكم


up 2 down 2
نظره امل 398
قبل 7 سنه و 8 شهر



ابراهيم هلا بك اخوي وشاكر لك المرور والتعليق بخصوص التصوير لا تطور بس فيه مستعجل وعادي 
 وواخذت عادي وقريب من بيتي المستعجل دبل سعر العادي ههههههه


ابو خلودي الاحوال وماادراك ماالاحوال   اذكر ايام البطاقة القديمة البنية  كانو بعض الاخوان يستعملون الرخصة 
للاثبات هويتهم واذكر ولد خاليي معه الاحوال والرخصة كل مااراح مكان ماهم مصدقين صورته ويطلع الرخصة 

4ابو لانا والله مفطر فطور عائلي وشكشوشة  ومكثر بعد هههههههههه 
ابو هيثم  هلا بك اخوي 
وابو ناصر شاكر لك المرور وما شائ الله لك خبرة بالسيارات  
وطفشت  صحيح كلامك وبذات بالنقطة ممشى اقل من 100  ما عليك مع ساهر انصح الاخوان يشترون اكسنتات هههه
شاكر لك المرور جميعا 


up 1 down 1
صوت العزاوي 523
قبل 7 سنه و 8 شهر



وش دخل جوال الدمعه مدري الفيصليه يواد اشبك انتا تبغا تضارب ههههههههههههه دخلت موسوعت جنسس ب موضوعك دا الي يتكلم عن كمموضوع بس اهنيك صراحه وتراك مبدع والى الاامام استمر ب التوفيق ...


up 2 down 1
باسل النزهة 15
قبل 7 سنه و 8 شهر



محمد العنزي تسألك عنك العافيه تسلم ياولد وايل ... أيام الإجازات لاتشره علينا من أمس الصباح وأنا بعيد عن النت 

وإلا إن شاء الله مشاركين ومواصلين بالمنتدى ومثلك وشرواك هم اللي محلين المنتدى ومعطينه حياه  ومتعه 

تسلم على النصائح والتقارير في مواضيعك أؤيد كل ماذكرت ووأوافقك الرأي 

أما صورة الجوال الله يذكره بالخير فله مسميان الأسم الأول عند الزكرت والشباب هو الشيطان والعياذ بالله 

والإسم الثاني نقوله عند الرجال التكانه هو الواصل وهو أو جوال من نوكيا فيه ميزة الفلاش للتصوير الليلي وأصدر بنهاية عام 2005

وبالأخير شكرا على الموضوع الجميل وهو بالتأكيد من جمال كاتبه +1



up 1 down 0
ابــو ســنــد 10639
قبل 7 سنه و 8 شهر



هلا بك يبو سند وشارك لك المرور والتعليق واحترامي لك 
انا قلت يمكن الرجال طايح بالصيد وقلت يمكن احصلك باحد المقاطع المنتشرة بالواتساب هههههه


up 0 down 0
صوت العزاوي 523
قبل 7 سنه و 8 شهر






up 0 down 0
alfalah -4
قبل 7 سنه و 7 شهر