أضف سؤال أو موضوع جديد          

قبل شراء سياره مستخدمه

up 12 down 2
khaledsa 819
قبل 7 سنه و 9 شهر



م الله الرحمن الرحيم

السلام عليكم ورحمة الله وبركاته

 أنا كانت لي تجارب في محاولة  شراء سيارة مستعمله أخذت وقت حوالي 4 أشهر ومر على الكثير من الحيل والأكاذيب وقررت اشارك تجربتي لعلها تفيد أحد ويفتك من غش ولعب من لايخاف الله وهم كثيير جدا .

أولا : المستعمل النظيف أو شبه الجديد نادر يكاد يكون غير موجود .

ثانيا : كل السيارات بسوق يقولك الشريطي بحالة الوكاله افحص بالشركه

لم اصادف شخص قال جتها صدمة . 
أول صدمة اذا شفتها تحصلها كلها حكات ودقات.

ثالثا : كن حذر لاتتنازل عن الفحص أبدا أبدا مهما حلف ومدح واقنع خصوصا إذا قالك يا بن الحلال والله اني راحمك أبي أوفر قيمة الفحص عليك السياره جديده

إذا سمعت هالكلام اعرف انه جاء وقت الفركه واترك هالسياره لأنها أكله هواء

ملاحظة مهم حاول تحصل على رقم صاحب السياره الأول ممكن تحصل عليه عن طريق الوكاله او كرت الضمان للسياره أو التضليل جيوشيلد وغيرها.

رابعا: لاحظ أنت بفسك وزنيات الصدامات والأنوار والابواب وقارنها مع موتر جديد ودقاق في بطن الموتر أهم شي المقارنه يكشف لك اللعب ممكن تحصل حتى الأنوار تجارية .

محلات الفحص أكثرهم كذابين ويتعاونون مع الشريطيه وعارفين بعضهم هذا مؤكد .


هذا إلى أتذكر والله يوفق ويكتب إلى فيه خير








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يااارجل والله اني مثلك عالم ماتفهم 

واذا لقيت نظيف مايفرق عن سعر الجديد الى ٣٠٠٠ 


كنت ادور لكزس ٤٦٠ موديلات ٢٠٠٧ الى ٢٠٠٩ 

ماحصلت واذا لقيت نظيف قالك ب ١٧٥ سلامات ؟ 

قلت خلني ادور جي اس ٤٦٠ الى موديلات ٢٠١١ كلها مضروبه ومرجعين عدادات تخيل لقيت وحده عدادها ٧٠ الف فيها دقتين بالرفرف والكبوت كذلك والانوار مشهبه والداخليه مستهلكه ويقولي سوم ١٢٠ افرق السوم ببيعك !! 

قلت خلني اشوف لي is اررخص وموديل جديد اول شي رحت الوكالة قالوا فيه ستاندر ب ١٣٨ ست سلندر بس ٢١٠ حصان ولا فيها مواصفات 
قالي الموظف فيه عندنا فئة cc ب ١٥٨ حلوه ومكينتها اكبر تجي اكثر من ٣٠٠ حصان 

نزلت ادور بالسوق وهنا بالموقع بغيت انجلط والله بعضهم يقول حادها ب ١٦٠ طيب يااخي انت شريتها ب ١٦٨ انا عارف بس الان نزل سعرها 
يقولك تبي ولا غيرك ياخذها !!! 


عالم ماادري وش تفكر فيه وليتكم تشوفون اعلانات ال is 





up 5 down 1
أبو ناصر 60
قبل 7 سنه و 9 شهر



احسنت اخوي خالد ولك احلى لايك 


up 0 down 0
الـقـنـاص 1210
قبل 7 سنه و 9 شهر



إيه و الله إنك صادق يا أبو ناصر


up 1 down 2
abu mohammad 555 60
قبل 7 سنه و 9 شهر



جزاك الله الف خيرررر
السياره المستعمله ،، مشكله كبيره
والافضل والاجمل تفك سياره على يدك ،،
وان شاء الله سنوات طويله ماتعرف الورشات وقلة الحيا

واللي نشوف مايفرق شي المستعمل عن الجديد بالسعر
يعني ، اختصر على نفسك وفك جديد
او اللي بتدفعه بالمستعمل قدمه دفعه اولى
و طلع وكاله وبرد قلبك


up 2 down 0
امير الاصيل 1714
قبل 7 سنه و 9 شهر



اخوي بغى ياخذ اكسنت 2008 يحلف الشريطي انه وكاله قال له ان طلع في الفحص شي انا اتحمل قيمتها قلنا اووك مشينا لفحص مشينا لفحص طلع خويه الملعون فحص وقال بدي وكاله قلت زين قلت ابي افحص في ورشه ونثق فيه حنا يوم رفع الموتر الا نحصل الشاص ملحم تلحيم من النص فيها جنب اليمين كامل قلنا لراعي الورشه اسلخ في السعر حلال عليك كل ريال تاخذه والله ما نزل الموتر الا يوم دفع قيمه الفحص يعني ي الربع افحص في اكثر من مكان تخسر 1000 ريال ولا تخسر 20000 ريال 


up 2 down 0
rooo7_q 289
قبل 7 سنه و 9 شهر



نصيحه يا اخوان
اللي يقدر يشتري سيارة جديدة يكون أفضل
لانها تحت ايدك وما تشيل هم

عطوني لايك الله يحزاكم خير


up 1 down 6
توظيف -53
قبل 7 سنه و 9 شهر



اللي تسأله تقوله فيها رشات ويقولك كلك نظر // شوف عينك // هذا الموتر قدامك قلب فيه // والله ما ادري عن راعيها // اعرف ان الموتر فيه رشات وبلاوي وراعيه مايبي يقولك ايه فيه رشات ولا يبي يقولك مافيه رشات يعطيك اجابه نص نص جعلك جعل جبهته تنقص


up 1 down 0
شكلين مابحكي 3159
قبل 7 سنه و 9 شهر



بهالوقت اللي يقدر يشتري وكاله هو الربحان

الشريطيه ماكلين الجو حسبي الله ونعم الوكيل

لازم الدوله تداخل لان بلغ السيل الزبى


up 0 down 0
راعي الهيونداي 537
قبل 7 سنه و 9 شهر