لازم نمشي على قانون .. انا مهتم ..

8 1

لايمكنك التصويت حتى الحصول على 20 نقطة على الأقل
إضغط هنا للإخفاء

w176.amg 2014
قبل 10 سنه و 3 شهر

بسم الله الرحمن الرحيم

السلام عليكم ورحمة الله تعالى وبركاته
اسعد الله مساكم بكل خير و صحه و عافيه

من قوانين الحياه اللي لابد نطبقها قانون يسمى (الاهتمام)
فعندما لا تهتم .. سوف تجد عكس التوقعات

مثلا بسيط احكيلكم هو

لن اكذب عليكم .. انا شخص اهتم بنظافة السياره فقط
واهتم حتى بانارة السياره و التاكد انه لايوجد اي اناره تالفه او محترقه
لكني اتكاسل عن اهتمامي بمكونات السياره
عن القطع اللازمه لتغيرها .. و بالنادر اهتم قبل حدوث المشكله

تعبت اتكلم عربي فصيح هههههههه يلا نتكلم بالسعودي 

اليوم انا ماشي من البيت للصناعيه بسرعه 20
حتى 20 كثير 
اذا مشيت 30 السياره ترج رج يخليك تبلع العافيه
طيب ليه انا مشيت بالسرعه هذي ..??
خلوني اختصر لكم القصه
البارح طلعت انا و قرايبي نتمشى في ربوع الطائف
و فرفره وناسه و فله .. قربنا من عند اشارة في طريق
شهار اللي تودي ع الردف .. الاشاره اللي جنب ماكدونالز
كان في وايت قدامي و في فراغ ع اليسار و الرصيف جنبك
لفيت منه و بدون شعور دقيت الرصيف 
كيف الكفر الخلفي دق بالرصيف قبل الامامي ..!!! السبب مجهول
طبعا ع بالي امر عادي ياما شلنا مطبات .. جات ع رصيف .. عادي يبوي

المهم وانا ماشي اسمع صوت قوي يضرب الارض.  يحكها مع
رجعه قويه جدا جدا جدا 
وقفت ع جنب و اطالع .. ي ولد الذرع الخلفي مكسور نصين :|
كيف كذا..?!?!?!?
طبعا كل مامشيت بشويش يضرب بالزفلت و تسمع طقه تعور قلبك
و اذا اسرعت السياره ترج
رحنا البيت واحنا ماشين نقطه نقطه
و اليوم شغلتها و مشيت للصناعيه
بعد فحص تبين انو فعلا الذراع للكفر الخلفي اليسار المتحرك مكسور

وقفت سيارتي عند ورشه و بديت ابحث .. لقيت القطعه الحمد لله
طبعا سيارتي كامري 2008 
قيمة القطعه 245ريال قيمة التركيب 100ريال
قيمة الميزان الالكتروني 200ريال
المجموع 545ريال .. دفعتها وانا مو مستوعب ابدا
والعجب العجاب انه كان في شعر سابقا وهذي المره كملت عليه
و انكسر .. اذاً هذا دليل عن عدم اهتمامي


طيب ي ابن الحلال مبسوط انك دفعت 545..??
. ليه ما تترك قانون الدفع اللي لكل شي
و تبدا بقانون  بالاهتمام ..??
شيك على سيارتك بكل وقت
شوف اجزاء المكينه حتى لو ماتعرف شي .. شوف
هل في تسرب زيوت.. هل في اجزاء متعطله..?!
احنا فينا مشكله والله الا من رحم ربي
صحتنا فوق كل شي .. طيب صح .. لكن اذا صحتنا مهمه
تخيل تركب سيارتك اللي منت مهتم فيها و تسبب لك
مصيبه ..?? اخرتها الله لا يقدر تروح انت و السياره تالف..??!

مختصر كلامي و اعتذر عن الاطالعه .. لازم نمشي على قانون
( انا.مهتم )

الصور بالترتيب 
صوره رقم 1 الذراع بعد فكه وهو مكسور
صوره رقم 2 شوفو الكسر كيف
صوره رقم 3 تركيب الذراع الجديد قيمته 245ريال امريكي
صوره رقم 4و5و6 الوزن الالكتروني اللي اول مره اجربه

تحياتي لكم
فمان الله 

إبلاغ

الردود