لو مكاني ايش تسوي - ابلغت امن الطرق

ماسويت الا الصحيح 

اهل التريلات الله يهديهم دام معه تأمين مطييييز بأم العالم ولا عليه في اطلق شنب 

والله اعدمو عوائل وازهقوا من الارواح مالا يعد ولا يحصى 

كان بلغت وكسبت الاجر التريلات عندهم لا مبالاة بشكل غير طبيعي

صح عليك.خله يتعطل ويتاخر عشان يتعلم.
اغلب سواقين التريلات يحط رجله عشاان يبغى يخلص ردوده اليومية ويستفيد من الرد الاضافي اللي يكون له.
اتحدث عن سواقين القلابات واشكل المصايب من هالقلابات .

فيه ناس تسوق تريلات سواقين وفاهمين  وفيه  سكرانين    وفيه مجهولين مايعرفون سواقه صح 

 اخبر فيه سوداني سواق تريلاه  وقداهم واحد مصري سواق تريله برضوو  السواق المصري لف على عائله بغى يصدمهم  ويلحقه  سوداني صاحب تريلاه الثاني ويقوم يراوغ تريله عليه 

 ويوقفه  ويتهوش معه يقول ليه بغيت تصدم عائله  والله انه كفو سوداني 

 وفيه  فلبنيني  سكرى  ومضيعين الخط    وفيه  واحد يبي يلحق الخط  ونعسان يبي يوصل  باي طريقه 

بنسبه للبلغ   انا كنت امشي  ووراي  جيب امن الطرق  وراعي تريله  خش علي بمسار الايمن بدون اشاره  ومسرع  واشوف امن طرق شغل سفتي وانا اجي وبعد عن امن الطرق وهو يوقفه ويخالفه قلت احسن خله يتوب 


 تريلات مخصصين لهم وقت يخشون فيه  البلد  بس بعضهم مااادري وين يروح فيه ينحاشون بطرق ثانيه  ويخشون البلد  ماهو متهم بنظام ويسبب لنا زحمه

وتشوفهم بطرق السريعه سرعه وتهور  وتجاوزات  ياكثرهم كم من  حيوان لف علي  واعلق عليه البوري وادبل فرامل بوجهه ابيه  يتوب 

اغلبهم مستهترين , والله قبل امس في شارع الضغط العالي كان عندي ظرف مستعجل ماشي 120 وفيه تريلا بيطلع سيارته من التقاطع واكشح له من بعيد اكثر من مره وطلعها بوجهي والله ان السيارة ماوقفت الا عند كفراته 




وقفته وطلع مصري وجلس يعتذر وسامحني وانا غلطان وووو ... بس اعطيته حقه ومشيت .. لاني لو تركته راح يآخذ الدعوه خربوطه , لكن لو فكر مره ثانيه يستهتر بيتذكر الكفوف اللي جاته وبيهجد ..

ابو سعود زين م سويت .. من بعد التأمين صار الواحد يخاف يمسك خط 

والله كثر اشوف التريلات وبلاويها بس مثل امس اقسم بالله فلم رعب لسا ما طلع من الحسا وصاك 150 ويتجاوز يمين !!!!
يعني التجاوز عاليمين غلط وتريلا مسرعة
اللي يسئل عن رقم امن الطرق 996

امن الطرق ما يطلب بيانات شخصية
يستفسر منك عن السيارة ايش هية وعلامات مميزة فيها لون رقم لوحة ووين موقعها
والله ما قصروا قالوا الحين بنبلغ الشباب يتوجهوا للموقع

تصرفك ممتاز جدا وتشكر عليه

نعم التريلات صارو يجاكرون السيارات الصغيره بوسط البلد وماسك الايمين شطف من عند المحلات بسرعه جنونيه
انا اذا كنت بخط وشفت اي وايت ماء او تريله ماشي بالليل بدون اصطبات ابلغ فورا
تفحيط ابلغ فورا ،،،، تريله مسفط جنب الخط والنصف طالع بالخط ابلغ فورااا
اكثر من 10 بلاغات اللي بلغت عليها

ولله الحمد

السلام عليكم ورحمة الله وبركاته
التريلات والدينات مشاكل على الخط
كنا راجعين من شقراء الى الرياض .. وصراحه كنا نمشي 150 او 160 فجأة الا دينا جاء بىاسه يتجاوز عن تريله ويطلع ع مسارنا 
فرااامل لين جينا جنبه على الخط الاصفر والله من الغبنه حذفت عليه علبة موية 
لو دخلنا الردميه وهجت السيارة وصارلنا شي ما وقف ولا مايحزنون
ادري ممكن تقولوا اسا انتم مسرعين ورمي علبة الموية تصرف غلط .. بس ما اظن انه اكبر من غلطه 
لو ما كننا منتبهين يا نصدم فيه يا ننتبه باخر لحظة ونرتبك
الله يكفينا شرهم 

انا لو اني مكانك وكان معي سلاح رميت واحد من الكفرات الخلفية وخله يتقلب الله لا يرده ...

أحسنت..
احيانًا وانا ماسك خط الرياض الدمام 
أشوف باصات تمشي 140 +
أمشي وراه فترة 
ألاقيه هدى 
وأغلبهم لوحته البحرين 
لا همه ساهر ولا غيره
كم مرة كنت هبلغ
بس وقت ما بيشفوني ماشي وراهم بيهدوا

التريلات يهنون مع باصات النقل الجماعي

قد مر علي نفس الي صار معك واتصلت عامن الطرق وامشي ورا التريلا ربع ساعة بسرعة 160 لين حصلت الامن بالطرف الثاني وباقرب جسر ديوروصار وراي ووقف التريلا وانا معه وعلى بهادل وهذاك يكذب ويقول انا ماشي 80 النصاب 

بتشوف العجب ايام الثانوي كنت بنشاط المعهد طلعنا ينبع 4 مرات بباص ماذكر مرة مشينا اقل 150
كلهم بدون استثناء حاط التأمين بجيبه وحاط رجلهه,أرواح الناس صفر عاليمين عندهم

ترا بعض حقين الدينات يستخدمون. نوع من انواع المنشطات واسمه التاج وكذا هاذا يخليه ماينام. لمدت ٣ايام.  ويصير نشيط وبعدها نفس الشي طبعا هاذا ينهك الجسم ويرهقه وياثر على الاعصاب وياثر على الجسم    تاثير. قوي. وبعد هل ٣ايام اذا ماكل حبه من المنشط بينام. نوم يدوم ٤الا٥ايام او اكثر او اقل على حسب النوع.   وترا موب اي واحد يمشي صاحي. لا الله يكفينا الشر. في ناس سكرانه. والسكران. مايفرق بين الجمره والتمره. الله يكفينا الشر.  والصراحه تصرفك. صحيحححح١٠٠/١٠٠. 

اووه فنهاية رمضان روحت المدينة يعيد هناك وانا فالطريق ماشي 140- 160 اﻻ كم باص ماشي ع اليسار يتطارحون والحقهم واجيب ارقام اللوحات وابلغ امن الطرق ومشيت وراهم لين نقطة التفتيش واستنى يوقفوهم والله ﻻ وقفوهم وﻻ شي 
بس الي سويته صحيح 

تصحيح ( بعيد ) 

خير ماسويت , افضل حل عشان يوقفوا استهتار هو التبيلغ لامن الطرق ..