محتار ايش اشتري

لا حول ولا قوة الا بالله , ياخي اللي عطاني ديسلايك ليش وايش استفادت

ياخي مو عاجبك موضوعي ليش تفوت عليه من الاساس .. اغنينا يارب من العالم الفاضيه

يالغالي انت اللي راح تركبها او احنا  ؟؟

اكيد اشتري على ذوقك 

هذي فلوسك انت اللي تعبت وانت تجمعها و اللي براسك سوه

لاتمشي على كلام السوق او السيارة اللي شيك وقت البيع

بتشتري عشان تبيع؟ ولا تشتري عشان تتهنى فيها؟ 

يابويا اشتري اللي تعجبك و فلها 

اذا قلت بتشتري هيونداي بيقولون لك كوري ماااش تتهربد ومكاين ماعندك اححد

اذا قلت كامري قالو استرالي و ماعندك جودة و كلام فاضي بدون اضافات

اذا قلت كابريس قالو بزرنجي و لسى مراهق و ححق خرابات وحرارة

اذا قلت كرايسلر ولا دوج قالو امريكي مايصلحح ماله قطع 

اذا قلت نيسان قالوا قير cvt سيء و محد يعرف يصلححه

اذا قلت انفنيتي او سوبارو قالو وش لك بعوار الراس مي مرغوبة و قطعها غالية

اذا قلت لكزس قالو الصيانات نار والقطع نار 

اذا قللت هوندا قالو الحين صارت تجميع صيني

واذا قلت جيلي قالو برضو صيني و ماعندك احد كل يوم خراب


الحل انصحك ب راس تريلا مرسيدس موديل قديم

لا حرارة ولا خرابات ولا احد يقدر يتكلم عليك ويشوه سمعته

و يمسك سعره وقت البيع و مرغوب بالسوق 

اولا قبل شراء اي سيارة :
- شف اسعار قطع الغيار والصيانة
- شف عيوبها من قبل مستخدمينها
- هل السيارة عند البيع مرغوبة او تمسك سعرها

ان شاء الله اكون افدتك بالتوفيق

واخيرا اشتري السيارة الا انت مقتنع فيها 

والله اخوي الناس اذوق وكلن يبي يمشي بذوقه وبعض الناس يقعد في حيره حتى  يتغلب في حيرته ويختار سياره تعجبه 

 بعض الناس يهوا جيوب بعضهم يبي حوض بعضهم يبي سبورت وهكذا  

 وبعضهم يبون سياره اعتماديه واقتصاديه  لذو دخل محدود   هي ترجع بالاول والاخير لرغبه الواحد بشي  اذكر لك ناس عايشين بقرى لو تخيره  بين اليخت ولا جيب فكسار  قالك فكسار 

 ولاتزعل  هذا لايك  واتمنى تزورنا بموقعنا الجديد دليل عالم سيارات 

انا بالنسبة لي اوفق بين الامرين
اشتري سيارة تعجبني وفي نفس الوقت تمسك سعرها وقطعها متوفرة وفيه صيانة لها

فيه سيارات حلوة لكن تبتلش فيها اول ماتبدأ تطلب قطع
وكيل مايوفر الا قطع استهلاكية وتشليح مافي منها واذا جيت تبيعها ماتلقى من يشتري واذا خربت ماتلقى من يصلحها

alkathiry

رأي من رايئك  بالظبط بشتري سيارة لي ولا للعالم . وياليت بتفكيرنا هذا احنا اللي نجبر السوق مش هو اللي يجبرنا

تحياتي 

ببساطة اشتر السيارة إلي تناسبك من جميع النواحي و تعجبك وانت ادرى بنفسك ولا عليك من احد 

هلا بك اخوي وانا من راايي انك تمشي مع الشعب وتشوف السيارة الي تمسك سعرها 
بعضهم يقول بستخدم خمس سنين قدام ولا كملت معه سنة او سنة ونص مل منها وحاب يغير
واحد من خوياي معه  تشارجر شاريها 89 الف ريال 2010 ومحافظ عليهاا  لابعد الحدود حتى البنزين يعبي احمر فقط 
بعد استعمال اربع سنين مل منها  وما حصل الجاد والشراي   ويالله باعها على  واحد من جماعته 31 الف شف الخسارة
كم طلعت عليه ؟ والحين 30 الف ريال بالله وش تجيب لك نضيف وجديد 

حاول تجمع بينهم على قد ماتقدر ..

على حسب وضعك الاقتصادي.
اذا كان المبلغ كبير بالنسبة لك ففكر فيه كاستثمار..يعني خذ سيارة تمسك سعرها.
اما تفكر تفكير الاغنياء تحمل بعدين لا احتجت قريشات.
يعني تخيل انت هالحين ارضيت نفسك واخذت سسيارة يطيح نص سعرها بالبيع.
وانزنقت لاقدر الله ..
ايهما اشد ندما بالنسبة لك..
انك شريت شئ ما اعجبك..لكن فك ازمة.
انك شريت شئ اعجبك..لكن خسرت فيه ولا بعته الا بطلعة الروح.
-----------
اما اذا كنت مقتدر ماراح تسأل هذا السؤال اصلا.

يا طويل العمر ما عليك من احد خذ الي في مزاجك اما اذا بنأخذ على كلام الناس والله ما فدنى بحاجه أشتر الي برأسك اهم حاجه الشي ألي يعجبك اما الي يعجبا. فكك منه وسلام عليكم ورحمة الله وبركاته

يا طويل العمر ما عليك من احد خذ الي في مزاجك اما اذا بنأخذ على كلام الناس والله ما فدنى بحاجه أشتر الي برأسك اهم حاجه الشي ألي يعجبك اما الي يعجبا. فكك منه وسلام عليكم ورحمة الله وبركاته

^^^ نعم صحيح كلام الاخ ngk_2


اولا قبل شراء اي سيارة :
- شف اسعار قطع الغيار والصيانة
- شف عيوبها من قبل مستخدمينها
- هل السيارة عند البيع مرغوبة او تمسك سعرها


+1 لايك للجميع

أشتر سياره معجبتك انت الناس ماتفيدك ولو شريت موتر ماهو معجبك بحكم انه مرغوب وقت البيع صدقني بتمل منه  بس اهم شيء تكون قطع غيارها متوفره