شباب نبي صراحة بخصوص اسعار السيارات اللي في الموقع

الموقع أغلب إلى يبيع ويشتري شريطيه اذا جيت تبيع اكلوك بسعر ونزلو قيمة السياره
وإذا تبي تشتري مطيرين الاسعار 

خويي يدور على اكسنت  الاكسنتات  غاليه بموقع وراعيها رافع خشمه ولا يرد ويواعدك ويسحب عليك مايستحي على وجهه 

 وكلها كسرت اكسنت  ومشكله تعطيه سعر ممتاز يوافق بعدين يقول جابت لي اكثر من سومتك اقوله بتوفيق 

 المهم رحنا معرض واشترينا اكسنت  وصلاه على نبي وسعر ممتاز  واسحب على موقع بااكمله 

اي اخوي الموقع اسعاره غاليه جيت ابحث عن اكسنت 2012  حصلته 35 نص فل في الموقع واشتريت الحمد لله من المعرض ب24 الف والحمد لله 

انا رحت المعارض قبل اسبوعين.. صراحة فرق شاسع بين اسعار المعارض والموقع.. 

الاسعار مبالغ فيها مقارنة بالمعارض والحراج

اي اسعار مبالغ فيها تعرف ان وراها شريطي الموقع صراحة في الغالي وفي الرخيص هو سوق بالنهاية

^^ وش التناقض الي تقوله ارس ع بر ، ولاتاخذ بذمتك ترا يوم الحساب كثييييير بالبرقبتك ،اتق الله بكلامك

الي تشوفه بالموقع اشخاص يبيعك بمثل

اصحاب المحلات والمعارض، عالاقل بعذرهم التجار مصاريف والفرق مفتوح منه بيوت

لكن هذول الي هنا الطمع والجشع عمى قلوبهم ، ويساوي نفسه بالي برا
بس بالنهاية ،،،،تنشب بحلقة ويتبكبك لا تبخسوا ويسوقها ام الدين 

ويلا للمطففين .....

نعم الاسعار بموقع حراج غاليه جدا
واللي لاحظت
مثلا تكون السياره بوسط الرياض

يسوم واحد برياض ب30 الف
يجي واحد ويسوم ب33 الف ، ولاكن يطلع ساكن في شمال جده يعني استحاله يضرب مشوار 1000 ك لرياض علشان سياره ،،
يجي الثاني يبي سياره ومحتاج
ويرفع السوم إلى 33500
وهذا مايدري اصلا ان صاحب سومة 33 ساكن في جده

،،،،،،
وهذي صارت معي شخصيات عرضت موتر
و وصل اسعار مرتفعه وكل اللي سامو بالشرقيه ، جده الطائف مكه ،،
ويقولي تعال ،،،،،،،،،،،،،،،،

نعم اسعار السيارات خارج موقع حراج رخيصه

اهلا




قبل سنة لما نويت اشتري سيارة دورت بالموقع و اسعارهم من 45 الف و فوق

ولما شريتها من حراج الدمام و بعد ستة شهور كنت ناوي ابيعها

حديتها 40 الف مع ان جابت سعرها في حراج الدمام بس ما بعتها !!!

وكنت في ضائقه و نزلت الحد الى 35 الف و الاتصالات كلهم يريدوها بارخص

في الموقع السيارات اغلى منها بـ 10000 الاف مع ان سيارتي فل !

يعني يريدوك تشتريها بسعر نار و تبيعها ببلاش !

لكن الحمد لله انحلت الازمة و ما بعتها

معروووفه اسعار الموقع مبالغ فيها بقوووة من زمان 

المعارض ارخص وافضل 

إضافة  على ذلك الغش وعدم ذكر عيوب السياره والتصوير الاحترافي الذي يبين جمال السيارة  اكثر من الواقع 

aziz..747

^^^
اي تناقض ولا تحط برقبتك واتق الله ويوم الحساب كثيير << الله يسامحك بس

يا غالي اقرا زييين بقولك الاسعار الفلكية في الموقع وراها شريطي ولا البائع العادي يبي يبع بسعر السوق 
والموقع تحصل الغالي وتحصل الرخيص 


ماني شايف في كلامي تناقض ولا معصية لله .ما اقول الا الله يسامحك ويعطيك على قد نيتك

انت ياحبيبي الغالي للاسف انك مو شايف وش قاعد تهبب هههههههه
بس تسمع الناس يقولوا شريطي وخرابيط ومعاهم ع غلط ع صح منت شايف وابعترافك  
اولا : تتهم الشريطية كلهم ها كلهم
وهذول الي انت متهمهم بانهم وراء ارتفاع ( اي سعر مبالغ فيه . هم الي بالرقبة

ثانيا : تقول الموقع فيه بصراحة الغالي والرخيص 
الافراد مااااااااااااااااااا يغلوا !!!!!!!!!!
 
يعني السعر الغالي بس لشريطي  ،،،، السعر الرخيص للبائع عادي
هذا الي اقصد انك تتحمله  بذمتك
 
طيب الموضوع هــــــــذا يتكلم عن من ( الشريطة لوحدهم ( والا البائعين العاديين 
ع فكرة الشريطية بالسوق بارض الواقع مااا درو عنكم بالموقع 

الي هنا أفــــــراد عاديين ياحولوا يكون راعين بيع وشراء ومثل الشريطية
والدليل قدامك كلها سيارات شخصية وداخل بيوتهم
يعني اكثر من 80% عاديين بس طماعين ، ونهايتهم بنزل المارض ويحاول يتصالح مع الشريطية
لان الي هنا لاعابين ومبزرة ومافي جدية الا من رحم الله 

وبصراحة طالما الشغلة فيها بيع وشراء ماااا عاد فيها بائع عادي وشريطي كلم سواااااء 
فهمت الله يصلحك ثمنها قبل تتكلم ولا تكابر ع الغط استغفر ربك ولاتحاول تفسر الماء بالماء +1

من ناحية الجدية والمبزرة ما اختلف معك وحصلت معي شخصيا عروض غير جادة 
عموما الله يوفقك ويوسع رزقك +1

جبلي كورلا بنفس السعر الي افتيت فيه ولك مني 2000 لك 

تبغون الصراحه انا فتره شهرين مبلط ابحث عن سياره بسعر مناسب ماحصلت واشتريت من ثاني يوم بالمعارض الاسعار هنا مقلب للي ماعنده خبره

ماقد شريت من موقع حراج الا سيارة زيرو ولله الفضل والمنه
لايمكن اشتري سيارة مستعمله من موقع حراج ابدا .الا اذا كان سعرها معقووووووول
الأسعار تفرق عن السوق بارتفاع  اقل اقل اقل شي 5000 ريال