كيف تتعامل مع الشريطيه اذا بخسو سعر موترك

20 7

لايمكنك التصويت حتى الحصول على 20 نقطة على الأقل
إضغط هنا للإخفاء

شويخ من أرض مكناس 2822
قبل 10 سنه و 2 شهر

السلام عليكم ورحمة الله وبركاته :
واسف على الانقطاع لي فتره مادخلت الدوام عندي شفتات وصايره لخبطه الامور لكن مو مشكله

اليوم بتكلم عن بيع سيارت خويي فورشنر 4 سلندر 2008
قبل البيع فيه شغله ودي اتكلم فيها عن تويوتا 
اول شي قطع الغيار غاليه
فقبل البيع راح يغير المساعدات لانها مفقعه فقيمة المساعدين الاماميه ب1450 
فقالوا له خذلك مساعدات حقت هايلوكس الدبل  تركب عليه وارخص تقريبا فحدود 1000 ريال
المهم
اليوم خذيت الموتر ونزلت الحراج وهو اخذ سيارتي عنده مشوار 
فاول مانزلت حراج الشفى لقيت العالم صافطين عندي قبل ماخش الحراج
ساومو عليه لين ماوصل 49500

ماشي 185 واستخدم سنتين ونص كرف في كرف من يوم استخدامه ماغير فيه الا المساعدات فقط

كنا متوقعين اكثر شي يجيبه 31 وصدامات مرشوشه وكشافه مكسور و4 سلندر محد يبيه
بس كانت بيعته اسهل واسرع منها مافي

الزبده اللي سام ب49500 راح لمحل فحص اسمه ( الغروب ) صغير مره وفيه سوريين
اول مانزل قلي دقيقه وراح عند الموظف هرج معاه كلمتين وطلعه للفحص
شكيت فالموضوع وكنت حاس انه متفقين على التعييب فالسياره 

بعد الفحص قال يازلمه ( عندك الدفرنس فيه صوت + جلدة عكس يمين + تندية من كارتير المكينه + مساعدات خلفيه )
المهم رجع الشريطي يعيب ويقول السياره مضروبه 
قلت السياره لصاحبي ومعاه من زمان ماعمره اشتكى من شي واذا جى انت تفاهم معاه

بعد ماوصل خويي قله وش المشكله
قام يعيب فالموتر ولازم تنزلي السعر
قله طيب انت رغبان الموتر وتبي تشتريه باي طريقه اجل ليه متعلق فيه وهو دفرنسه خربان وفيه مشاكل !!!
سكت ومشى بعد مانسف جبهته 

انا مشيت وخويي قال برجع اخذ لفه
اتصل علي بعدين قلي الموتر انباع ب48500 وبعد الفحص ماطلع فيه شي من العيوب اللي ذكروها
الزبده
ان اللي سام ب49500 طلع شريطي متفق مع محل الفحص  تارك محلات الفحص وموديني فاخر الدنيا عند ابو شكيب
فانتبهوا من هذي الحركه من الشريطيه

خلاصة الموضوع عن تقييمي لتويوتا
 ( تويوتا سيارات كرف وتحمل + توفر قطع غيار + صيانة سهله + سهوله وسرعه عند البيع  ماتتعب عند البيع تلقى زبونه بسرعه + تمسك سعر ممتاز + قطع غيار غالي + لايوجد راحه ولارفاهيه )

إبلاغ

الردود