أضف سؤال أو موضوع جديد          

اكــثــــر مــن مــوضـــــوع

up 22 down 16
صوت العزاوي 523
قبل 7 سنه و 9 شهر



السلام عليكم ورحمه الله وبركاته كيف حالكم  يا رجال ان شاء الله انكم بتمام الصحه والعافيه 
والحمد لله رب العالمين والصلاة والسلام على اشرف الانبياء والمرسلين نبينا محمد وعلى اله وصحبه اجمعين 
اما بعد    

لاحضت بموقع حراج  اذا احد استفسر او شيء تحصل ردود 50 رد او اكثر   يوجد حراك اكثر من هنا 
بالمنتدى وماادري ليه  حتى فيه ردود خبراء للالماني واتمنى ان نستفيد منهم ونتعلم   

1___ موضوعي الاول __كسر قزازة المثلث_ لاحضت بعض الاخوان هنا بالمنتدى  ينصحون في  حاله 
تقفلت سيارتك والمفتاح داخل يقولون اكسر المثلث لانه صغير والسبب  باعتقادهم ان المثلث ارخص من الكبير
كلامهم تقريبا نص ونص صحيح بس  ما هو شرط لو يكسر المثلث ااكيد لازم ينزل الربله علشان يركب غيرها
ولو يفكها بتطيح الربله وبتصير مشاكل واذكر بعضهم يجيب غراء اسود حق سباكة ويقفلها بها وايضا 
يمكن تفر محل قطع الغيار والزجاج ولا تحصل ووولو تلاحض بعض السيارات المنتشرة بالشوارع تحصل
الفتحة مكسورة او الزجاجة الخلفية  اذكر الوالد كان معه يوكن 98 جمس  انكسر عليه القزاز اليي وراء 
وحصلها يالله بحب الخشوم بــ550 ريال لذلك احب انبه الاخوة انهم ما يضيعون الرجال 

2___موضوعي الثاني ___ لاحضت  خلال الايام اليي لراحت كثرة استفسارات بعض الاخوان سواء بالتجارة
او استخراج الرخص او او شيء فيها تجارة  او استخراج فيز طبعا هنا اخوان ما يقصرون بشيء وبالنصيحة
بس فيه منتدى اسمه مــنــتـــدى البطاله  فيه مقايش بعد وفيه جميع اطياف المجتمع  يعين اي واحد يستفسر 
انصحه يروح هناك يحصل اجابة كاملة  واحب انبه ان فيز العمالة البنقالية صارلها ثلاث سنوات مقفلة 
لاني لاحضت رد يقول جب اربع بنقالية وشغلهم عندك  اخونا بالله ماهو داري عن شيء 

3____طلعت قبل كم سنة  موديل افاق شامل stc  مكالمات مجانا وانترنت برسوم 
استمريت معهم  سنتين ادفع كل كل  اربع اشهر الف الف الف الى ان مليت واكتفيت  وانقطع حافز عني وقتها
وانا حاط حد ائتماني الف ريال   وصل حدي وانقطع وبعدها باربع شهور  دق علي موضف  يقولي تبي اقساط افعل لك ؟
انا انفجرت هنا والسبب صارلي اكثر من اربع شهونر ادق عليهم يقفلون بوجهي ومحد راضي يكلمني  
الى ان دخلت رقم بيت خويي  ورفعو السماعة ههههههه  المهم ابتدا تمشي علي  فاتورة  وكل ماادق عليهم
كل واحد يفتي من راسة  ومرة فلبيني يرد علي ومره  هندي  عاد اخوكم صوت العزاوي   حاط نفسه 
بلبل انقلش هههههههه المهم  علي فاتورة 3055 ريال وكلمتهم قالو مالنا شغل الفاتورة واتفاقك يمشي يمشي
كل شهر تمشي علي 250 ريال ورافضين لا يتعاملون معي الى ان طرت على بالي فكرة  دقيت عليه 
وقلت ابي اغير الباقة  الى استعمال هاتف  فقط برسوم 45 ريال    بحثت عن المشكلة بالشبكة العنكبوتية 
ولااسف ما حصلت احد يفيدني كل مااكتب مشكلتي بشيخ قوقل يطلع لي اسم خلطة هههههههه
احب انصح واحذر الاخوان من التعامل مع الشركة هذه وافكر اتجه لاقرب مركز شرطة واشتكي عليهم 
لانهم سرقوني  انصح الاخوان  بتعامل مع الاتصالات هذه بمسبقة الدفع فقط اشحن وخلاص 
وفيه مودم راوتر الاسود المربع الي طوله  شبر هذا ممتاز وخذ شريحة مفتوحة السرعات وخلاص 
المشكلة دق علي موظف يهدد يقول بدخل اسمك على قائمة سما  وماادري وشو ومن هل الكلام 
http://haraj.com.sa/115218590  شف الاعلان  به فوائد كثيرة 


4____ موضوع عن واحد تعرض للمشوار وكسر خاطري  رقم الاعلان : 487 0565

 http://haraj.com.sa/114870565

5____ موضوعي الاخير  قبل  سنة تقريبا شريت  قماش  ثوب نوعه ببولقري او كذا 
صراحة انبهرت من طريقة اعلان المعلن وجذبني للاعلانه  وشريت القماش  150 رريال 
وقلت له عن وزني وطولي وقال يكفيك ويزود وااحد مثلك اخ من عندي واطول منك وجاء عليه 
توكلت على الله وشريت القماش ويوم فصلته بـ60 ريال  ويوم جيت استلمه قالي الخياط نقص قماش 
وعوضت من عندي لللجيوب وسكت انا وللاسف يوم لبست الثوب كانه شتوي ثقيل حيل حيل 
وسلك  نصيحة ياخوان لاحد يشتري قطعه شماغ او ثوب من النت الا تشوفه وتلمسه 
طبعا ما غسلته الا مرتين ورميته بدولاب والله لا يخسر بس 
وشكرا لكم جميعا وعندي كم موضوع   طويل  جدا بس ماهو مثل مواضيع ابو يزيد 
عن دعايات السيارات 
وعن اسعار قطع الغيار والبودي والسيارات 
بس انتظرو جديد على احر من الجمر ههههههه  امزح امزح 


http://www.youtube.com/watch?v=U_EQURq9ruo










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يؤؤؤؤؤؤؤ نسيت ان اليوم يوم وطني وعطلة للبزورة  وعطلة المدارس الله يعين
لو كنت عارف كان نزلت الموضوع امس بس نسيت ههههه 


up 2 down 6
صوت العزاوي 523
قبل 7 سنه و 9 شهر



الزبده الرنج الاحمر زين شكله
احب السيارات المرتفعه
كم سعره ؟


up 0 down 1
aazz1989 -22
قبل 7 سنه و 9 شهر



مدري من باقي يستخدم الافاق شامل؟ الراوتر افضضضل بمليون مره وارخص ومافيه تلاعب وتقدر تغير خدمتك بالشريحه بس ومالك علاقه في اس تي سي او غيرها انت تحكم خدمتك بنفسك
الا اذا كنت ساكن في قريه و الشبكة ضعيفه


up 1 down 2
bandara 1134
قبل 7 سنه و 9 شهر



ههههههه شفت المقطع ونسيت مواضيعك 


up 2 down 1
شليطيح 5017
قبل 7 سنه و 9 شهر



شليطيح هذ المقطع  شافه الملاييين وحير العلماء هههههههه
bandara
الكلام هذا شوي قديم بس الى الان هذه سياسته وخداعهم ما تغيرت وصاملين والمشكلة لا جيت تاسس الخط
بس عطهم رقم اثباتك ويجيك للبيتك وكل شي ولا جيت تفصله او تلغي الخدمة اتحداك يا شيخ  كل واحد يشوتك على الثاني
المشكلة الاتصال الصبح والظهر حلو بس لا جت فترة المغرب والليل يصير ضغط وما ينفع  وكانو ياخذون مني 299 ريال
بالشهر تخيل ولو تتاخر الفاتورة تمشي يعني تتاخر اسبوعين تنزل الفاتوةر عليك قيمة الخدمة يوم كانت مفصولة كذا
او كذا ماشية ماشية


up 2 down 2
صوت العزاوي 523
قبل 7 سنه و 9 شهر



مواضيع ونصائح مفيده صوت العزاوي 

لكن قهرني سالفة راعي السياره اللي ذكرت ... وأتمنى أي معلن عن سياره وغيرها أن تكون مصوره من جميع الجهات والداخليه

حتى يضع المشتري بالصوره ومايتعبه مشاوير بعيده على الفاضي 


up 2 down 1
ابــو ســنــد 10639
قبل 7 سنه و 9 شهر



شاكر لك المرور والدعم يبو سند وان شاء الله ننزل مواضيع افضل من كذا   
المشكلة شف رد صاحب السيارة كيف كان  
وبخصوص النصائح   هذا الي صار معي ومااحبب يتكرر مع غيري لو واحد يستفيد   عادي 
وحتى لو الواحد يكتب مشكلته بقوقل ان شاء الله تطلع له مشكلتي وقصتي 
والغلط من ابو سعود ما طلب صور الله يهديه  الشاري


up 1 down 0
صوت العزاوي 523
قبل 7 سنه و 9 شهر



لالا انا من رأيي ان الايفون احسن من الجلكسي


up 0 down 0
aazz1989 -22
قبل 7 سنه و 9 شهر



ههههههههههههههههههه موضوعك كوكتيل 100 في 1 
1+


up 2 down 0
the son of the kingdom 927
قبل 7 سنه و 9 شهر