أضف سؤال أو موضوع جديد          

صدمت واحد بالغلط وأنا مأمن وراح

up 2 down 2
anm6868 118
قبل 11 سنه



السلام عليكم ورحمه الله وبركاته 

أنا مأمن شامل وصدمت واحد وقف أمامي وقوف مفاجى 
سيارتي تضررت  من الوجهية وسيارته بس عدل الصدام وزبط 


المهم الرجال نزل وكان مستاء قلت اي شي تبيه مستعد أنا مأمن شامل 

قال ماأبي شيء وركب سيارته وراح 
يقول مهو فاضي ينتظر نجم 

انا ابغى اصلح سيارتي عالتأمين ايش الطريقة 


الرجال حاولت اتفاهم معه اخذ رقم جواله  لكن ما اعطاني فرصه 

ايش اقول للتأمين وين الطرف الثاني ايش اقلهم الجدار مثلا 


ولكم الشكر 








إبلاغ إبلاغ



الردود


متل ماقال الاخ 
تعمل فلم والاضمن انك كنت ماتخليه يمشي يعني ماله حق اذا هو مابده شي انت بدك تصلح سيارتك 
طبعا ماتعمل مشكلة اذا مارد عليك خد رقم اللوحة واعطيها لنجم بس وقتها رح يحولك 
عالمرور ومابعوضوك ليجيبوه وشغلتها طويلة 
الافضل فلم وتريح راسك وخليها بالليل بعد الساعه 1 حتى مايدقق 


up 1 down 0
أنس البلخي 79
قبل 11 سنه



شف وانا اخوك عندي لك حلين 


الاول اذا كنت حافظ رقم لوحته رح بلغ عليه وقلهم ذا صدمني وانحاش وراح يجيبونه على خشمه باعتباره هارب من موقع الحادث 


الحل الثاني كلم احد اخوياك يكون موتره مصدوم من ورا  .. ورحو كلكم لنفس مكان الصدمة ودق على نجم وخله يجي ويكتب تقرير ان خويك هو اللي صادمك ههههههههههههههههه

بس ابراء للذمه يمكن هالحركة فيها لعانه ويمكن حكمها الشرعي حرام ( واقول يمكن) بس وش تسوي عندك حل ثاني ؟ بعدين لاتنسى ان التأمين كله حرام × بحرام .. ومابني على باطل فهو باطل 


up 2 down 2
ابو _كادي -3
قبل 11 سنه



الخطأ علي ميه بالميه 




up 1 down 0
anm6868 118
قبل 11 سنه



اذا التأمين شامل والطرف الثاني هرب ولا اخذت رقم لوحته يصلحون سيارتك 

لو طلعت من بيتكم ولقيت سيارتك مصدومة يعوضك التأمين 

يعني كان المفروض انك تتصل على نجم حتى لو راح خصمك 

وماانصحك تسوي فلم لأنهم لو صادوك ورفعوا فيك للتأمين صدقني بتنقلب كل السالفه عليك وبتقول ليتني مصلحها ولا سويت هالشغله 



عموما كلم نجم اذا جتك الدورية قلهم صدمته من ورا ومشى الرجال ماوقف هروب ولا قدرت اخذ لوحة سيارته وانتهى الموضوع تروح تقدر موترك ويعطونك شيكك 


up 1 down 0
أبو ناصر 59
قبل 11 سنه



هلا اخوي اذا كلمت نجم وعطيتهم رقم لوحته بيصير الخطاء عليه 100 % 100 لانه يعتبر هروب من الموقع ، خلك 
صادق معهم وقول صدمت واحد من وراء وهو راح ولا قدرت اخذ لوحته (نسيت) ... 


up 2 down 0
gmcbigblock 620
قبل 11 سنه



ياشباب وش هالافلام المقترحة على الرجال لاتحطون شي بذمتكم وانا اخوكم ، وخلك نظامي تسلم وترتاح واترك عنك ترى حبل الكذب قصير 

اتصل على المرور او نجم وبلغه باللي حصل وهو بنفسه بيرشدك للطريق الصح وبلغه ان الطرف الثاني متنازل وطلب ترك موقع الحادث بدون تفاصيل سيارته وسلامتك . 


up 2 down 1
abofarah 1085
قبل 11 سنه



صدمت بالغلط ؟
اشوا انك ما صدمت بالصح .
اذا تامين شامل بيصلحون لك بس تدفع 500 ريال


up 0 down 0
صبـر 257
قبل 11 سنه



بسم الله الرحمن الرحيم

لا تحط بذمتك شئ ونا أخوك الدنيا موت وحياة وترا الأمر بسيط
وأنت مصعبة الأمر بكل بساطة وأريحية أنت مأمن شامل يعني وضعك 
في السليم تدق على نجم وتقله الرجال اللي صدمتة ما تأثرت سيارته
وما يبي شئ ومشى وصل الله على نبينا محمد بكل بساطة التأمين الشامل
يصلح سيارتك في كل الأحوال ولا تسوي فلم ولا تكذب على شئ ما يستاهل 
وسلامتك .


up 1 down 0
إبن عجلان 512
قبل 11 سنه



على اساس ان التامين يشتغلون بالحلال 



up 2 down 1
al_orainy 56
قبل 11 سنه