هل تركيب الشاشه التجاريه يلغي الضمان؟

انا عندي شاشاه بدون جي اب اس وابي اركب شاشاه فيها GPS واخاف يروح الضمان


+1 لايك للجميع

لا مستححححيل يروح الضمان بسبب تركيب شاشة 

لو بسبب تركيب زينون فيه تجريح اسلاك و زي كذا ايوة هذي تلغي الضمان

بس الشاشة مافيها تجريح اسلاك + ما عمره انلغى الضمان بسبب شاشة

ركب و فلها وانبسط 

لايلغي الراتب هههههههههههه

من زين الضمان اللي خايفين عليه.
اصلا الضمان لا احتجته جهز حبوب الضغط والسكر..
الله لايحوج مسلم لضمان وكالات السيارات.

تقدر تركب شاشه صينيه ضمان سنه وتجرح اسلاك وماتطلع من الضمان حتى لو فحصوها بالكبيوتر .. لان اسلاك الشاشه مخفيه داخل الطبلون مب زي الزينون بمجرد انه يفتح الكبوت يشوفها قدامه 

بعدين لو كنت مجرح اسلاك وفحصوها بالكمبيوتر ماراح يكشفونك الا اذا كان فيه تسريب بالكهرب فقط .. وهالمشكله ماتجيك الا اذا صار الشطرطون خربان بسبب اشعه الشمس والحراره .. او اذا كان الشطرطون تجاري وعزله فاشل

والشاشه مخفيه داخل الطبلون زي ماقلت لك يعني ماراح توصلها اشعه الشمس الا بكميات بسيطه .. واذا حطيت شطرطون اصلي عزله ممتاز ماراح يكون فيه تسريب بالكهرب ولاراح يكشفك الكمبيوتر ولا يدرون عنك اصلا  ..

بس حاول ان الشاشه اللي بتركبها تكون مشابهة بالشكل الخارجي للشاشه الاصليه حقت البلد عشان مايشكون فيك ويفكون الشاشه ههههههههههههههههه مع ان الوكاله يعتمدون على الكمبيوتر دائما ويعتبرون تشخيصه سليم 100 % ومستحيل يفكون الشاشه اصلا   

انا عن نفسي مركب لموتري الازيرا شاشه من نوع رود ماستر بلاتينيوم وهي الوحيده بالسوق اللي عليها ضمان سنتين والباقي سنه وحده بس مثل فلاي اوديو وغيره

طبعا حصل فيه تجريح بسيط للاسلاك والسبب ان موتري يجي فيه مضخم صوت وكاله والفيش حقه مايركب على الشاشه ذي .. يعني لازم تقص الفيش وتركب فيش غيره والحمد لله لها معاي شهرين ورحت دخلت السياره بالوكاله اكثر من 3 مرات وفحصوها وماقالو شي

بعدين لو تفكر فيها ترى الشاشه تاخذ كهرب بسيط من البطاريه .. عكس الزينون مثلا اللي لازم كتاوت اضافيه ولازم تجريح وترهيم وقص اسلاك .. يعني راح تلعب بالظفيرة وياما سمعت عن مواتر احترقت بسبب الزينون بس ماعمري سمعت ان فيه موتر احترق بسبب شاشه   

يعطيك العافيه +1 لايك للجميع