أضف سؤال أو موضوع جديد          

موترك نظيف تبيعه

up 5 down 2
abd_alrhmn 2352
قبل 6 سنه و 5 شهر



سؤال  و استطلاع  رأي     لو عندك  سيارة  نظيفة    ولا   تعبتك في الصيانة  هل  تفكر  تبيعها   "؟
انا عن نفسي  كان عندي سيارة  نظيفة جدا ولا كنت بحاجة  اني ابيعها   وتورطت  بكلمة  وبعتها  لصديق   نخر  راسي   وهو يبغاها
وبعد ما بعتها   محيوس    حووووسة     بل البحث عن سيارة نظيفة  ولا لقيت  وللحين شاري  وبايع  3 خوابير   

 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خويك ابلشك لانه يعرف موترك نظيف 

لا تبيعه بسعر السوق بيعه بسعر اعلى من السوق لانه يعرفك ويعرف موترك يبي او يتوكل على الله

اما تبيعه بسعر السوق وانت عارف وهو عارف انه يستاهل تتورط وهذا انت اخذت درس

لو انك مضطر ونزلته الحراج تبيعه بسعر السوق ما احد يعرفه لكن من قريب لك او صديق يعرف موترك

يدفع فيه سعر يستاهل او بسلامته

احيانا معك موترك مافيه شيء لكن تحتاج للأكبر او الافضل او الاقوى تضطر تبيعه عشان تزيد عليه

وتاخذ الافضل


up 10 down 5
التركي داعس المشرفين -9
قبل 6 سنه و 5 شهر



انا بعت موتري اف جي تعبت وانا ادور االنظيف 

ومابعته الا من حاجه مااااااسه جدا 





up 1 down 1
xpoldx 1432
قبل 6 سنه و 5 شهر



طيب وش المشكله عادي الواحد يبيع موتره مافيه مشكله اذا كان مستطيع انه يجيب الاحسن منه 

اعرف واحد اشترى يوكن 2007 دينالي وكاله واستخدمه لين قال بس وباعه وهو نظيف وطلع في اكس ار 2014 بعد ماباعه 


up 0 down 3
ابــو شــهــد -87
قبل 6 سنه و 5 شهر



احيانا الظروف هي الي تجبر الواحد علی بيع السيارة او اي شيء ثمين يملكه اسال الله ان يفرجها علی كل مسلم وجهه ضيق وضروف


up 3 down 0
محمد ال سلمان 821
قبل 6 سنه و 5 شهر



اختلف معك اخوي ابراهيم : صاحبي وصديقي لو يبي سيارتي بالعكس اخفض له لانه صديقي ولازم اوقف معه حتى لو بغا يشتري من السوق واحتاج فلوس بساعده باللي اقدر علية 


up 2 down 2
شليطيح 5019
قبل 6 سنه و 5 شهر



انا عن نفسي جدًا عادي الوضع
يعني لأني أشتري مستخدم أصلًا وما بيكونش خسارة كتيرة
أصلًا أمل من السيارة 



up 0 down 0
mohammad saeed 2864
قبل 6 سنه و 5 شهر



والله عندي جيب مازدا وقسم بالله خادمني خدمه الشهاده لله انه يستاهل بوسه على الخشم

والمشكله افكر ابيعه والسبب طفشت منه !!

ولا هو له معزه بالقلب ما يعلمها الا الله سبحانه

ما قصر معي

لكن جيت افكر لو بعته والله لاتعب وانا ادور شيء نظيف

فأجلت البيع لين ما احصل شيء نظيف

وبعدين ابيع سيارتي


up 0 down 0
ابو يزيد 000 8711
قبل 6 سنه و 5 شهر



نصيحه من اخ لاخوانه
لا تبيعو احد تعرفوه
اذا جيت تبيع موترك حتى لونه وكالة لا تبيعه لاقربائك او اصدقائك
لانه بيبلشك واذا صار في الموتر شي يقول لسة حاط عينه عليه
فنصيحة مني لاني مجرب


up 2 down 0
moathyaseen 1393
قبل 6 سنه و 5 شهر