موترك نظيف تبيعه

خويك ابلشك لانه يعرف موترك نظيف 

لا تبيعه بسعر السوق بيعه بسعر اعلى من السوق لانه يعرفك ويعرف موترك يبي او يتوكل على الله

اما تبيعه بسعر السوق وانت عارف وهو عارف انه يستاهل تتورط وهذا انت اخذت درس

لو انك مضطر ونزلته الحراج تبيعه بسعر السوق ما احد يعرفه لكن من قريب لك او صديق يعرف موترك

يدفع فيه سعر يستاهل او بسلامته

احيانا معك موترك مافيه شيء لكن تحتاج للأكبر او الافضل او الاقوى تضطر تبيعه عشان تزيد عليه

وتاخذ الافضل

انا بعت موتري اف جي تعبت وانا ادور االنظيف 

ومابعته الا من حاجه مااااااسه جدا 

طيب وش المشكله عادي الواحد يبيع موتره مافيه مشكله اذا كان مستطيع انه يجيب الاحسن منه 

اعرف واحد اشترى يوكن 2007 دينالي وكاله واستخدمه لين قال بس وباعه وهو نظيف وطلع في اكس ار 2014 بعد ماباعه 

احيانا الظروف هي الي تجبر الواحد علی بيع السيارة او اي شيء ثمين يملكه اسال الله ان يفرجها علی كل مسلم وجهه ضيق وضروف

اختلف معك اخوي ابراهيم : صاحبي وصديقي لو يبي سيارتي بالعكس اخفض له لانه صديقي ولازم اوقف معه حتى لو بغا يشتري من السوق واحتاج فلوس بساعده باللي اقدر علية 

انا عن نفسي جدًا عادي الوضع
يعني لأني أشتري مستخدم أصلًا وما بيكونش خسارة كتيرة
أصلًا أمل من السيارة 

والله عندي جيب مازدا وقسم بالله خادمني خدمه الشهاده لله انه يستاهل بوسه على الخشم

والمشكله افكر ابيعه والسبب طفشت منه !!

ولا هو له معزه بالقلب ما يعلمها الا الله سبحانه

ما قصر معي

لكن جيت افكر لو بعته والله لاتعب وانا ادور شيء نظيف

فأجلت البيع لين ما احصل شيء نظيف

وبعدين ابيع سيارتي

نصيحه من اخ لاخوانه
لا تبيعو احد تعرفوه
اذا جيت تبيع موترك حتى لونه وكالة لا تبيعه لاقربائك او اصدقائك
لانه بيبلشك واذا صار في الموتر شي يقول لسة حاط عينه عليه
فنصيحة مني لاني مجرب