لماذا لاتتحمل محلات الفحص بالكمبيوتر وغيرها قيمه الاصلاحات

وزاره التجار او حمايه المستثمر
^^^^
ههههههه هذا الاسم الحقيقي لـهم

على حسب اتفاقك معاه انه يفحص مايصلح :)
لكن اتفق معاه على الاصلاح وبيكون قيمة غير الفحص لان الكمبيوتر له قيمته ويسهل الكشف عليك
هوا مو وكيل هوا مجرد محل او مكان يفحص وخاصيته بالكمبيوتر عن غيره

الاتفاق قبل كل شي ومايخصه اذا طلع خراب مع المشتري لان الكشف كان سليم ورضي المشتري :)

الله لا يمسيكم الااااااا بكل صحة وعافيه وذنب مغفور "

المفروض المشتري يسأل عن مركز فحص ممتاز ومعروف قبل يتفق على بيع وشرا لي أي سيارة كانت تجنب للخسارة

ودمتم سالميييييييييييييييييين .

كارمي ما ابغاه يصلح شي لكن يعطيني العيوب كامله وبكل مصداقيه وانا وقتها عقلي في راسي , لكن يغشني المركز ويقول السياره مافيها عيب واكتشف ان عيوب الدنا فيها هنا مربط الفرس 

مستر بن . 

لو الغرامات والعقوبات مطبقه ما احتجنا نسال عن مركز فحص ممتاز , الي مايخاف الله بتخوفه الغرامات والعقوبات .

بعض محلات الفحص ماعندهم لاذمة ولاضمير حسبي الله عليهم مايدرون ان دراهم السياره تحويشة العمر .. حسبي الله ونعم الوكيل ..

الي افكر فيه الحين , لو انشغيت في الفحص ورحت للشرطه وقلت المركز هذا عطاني تقرير ان السياره سليمه واتضح بعدها ان السياره معيوبه ...

ياخذون هذا البلاغ ولا كيف , واذا اعتمدوه وش الاجراء الي ممكن يتخذونه

الديسق

يالغلا موضوعك في الصميم

ورقة التقرير فيها ملاحظة تحت بالخط الصغير عشان ما تشوفه تقول
المركز ماله دخل باي خراب بعد ما تطلع السيارة من المركز!؟!؟!؟!؟!؟!

يعني أخلى مسؤوليته بقشكل نظامي

شف يالغلا
مراكز الفحص أغلبهم مشي حالك و ماعندهم سالفه و المراكز اللي عندهم ذمه وامانه وضمير ينعدون على الاصابع

اذا ودك تفحص السيارة
1- شيلها للوكالة اذا تقدر .. ما تقدر انتقل للخطوة 2
2- شيلها بنفسك ولا يكون معك أي أحد من أصحاب المعرض و وديها لأي مركز فحص
ليه؟ لأن مركز الفح يوم يشوف أي أحد من أصحاب المحل حيعطيك النتيجة اللي يبغاها صاحب المعرض وله الحلاوة
اذا مارضي صاحب المعرض سلم عليه وقل له خلي سيارتك عندك
يعجبني معرض الشلبي في جدة يقول لك حط هويتك و حط عربون وروح أفحصها بنفسك إن كان فيها شي شيل عربونك واذا مافيها شي وما تبغاها راح عربونك
3- روح مركز فحص خبره ولا يغرك الاجهزه والمعدات
لأن أجهزه بدون خبره = ولا شي
4- اذا انت في الرياض انصحك بمركز فحص كارتك


ْْْْ{{{ من رأيي ان البائع هو اللي يتحمل تكاليف الفحص وليس الزبون ~~

بالتوفيق
ولك أحلى لايك

بخصوص مركز الشرطه اذا اشتكيتهم يجيبون حقك او لا
انا بتاكدلكم من الموضوع هذا 

شكبوينت ,  مشكور على النصائح الي من ذهب والجمله الي يخلون مسئوليتهم عن طريقها جمله باطله مع ان كثير يستخدمونها والله لايهينك ...

بشوش عسى ايامك والجميع بشاشه ,, اكون لك شاكر على الاقل ناخذ فكره انا والاخوان 

فعلا كلام العقل
اللحين وش ذنبي اتصيخ بسيارة حقها ٧٠ الف على. ذمة الفحص انها طيبه وبعدين تطلع فيها عذاريب الدنيا وبالنهايه افلس من الثنتين ؟
لازم يشوفون حل لمحلات الفحص ...
ابعديكم سالفه صارت لخويي جاي من الرياض للشرقية قبل شهر تقريبا ،، تعرف على واحد سوري عارض سيارته هنا بالموقع لومينا موديل ٢٠٠٧ وحلف للرجال انها سليمة ومافيها بويه وشرط الفحص والسبارة كل مافيها جديد .. خوينا دق سلف ومشى وقبل الشرقية بمية كيلو اتصل علي وبلغني انه جاي يشتري سيارة من رجال ..
المهم قلت له تبيني افحص لك السيارة انا مستعد من واقع خبرة وتخصص ومايحتاج تدفع ٢٠٠ فحص .
قابلنا الرجال وشفنا السيارة قسم بالله ماتسوى ولا حتى ١٣ الف وهي موديل ٢٠٠٧
يقول فحصوها كثير واختلفنا على السعر واوراق الفحص عنده يفحص في محل هو يعرفه سوري زيه .
قلت له مشكور انا افحص ومايحتاج خويك
شغلت السيارة وهي تجلس تنتفظ
لمبة المكينه شغاله
لمبة الايرباقات شغاله
المكيف يطفي ويشتغل وطفى ومااشتغل لين طفيت المسجل وشغلته
السيارة مرشوشه بالكامل
عشقت السيارة وطلع فيها دودة القير
الزبدة وربي ماتسوى ولاشي خردة بالعربي
خويي مااقتنع وقالي ياخي الرجال يحلف ومعاه ورقة فحص .. قلت له ياخوي تصدق واحد غريب وتكذبني ؟؟ 
امرك عجيب بصراحة . قال انا ماارتاح لين افحص السيارة كمبيوتر 
رحنا للمعارض انا اسوق السيارة وخويي على سيارتي والرجال جالس معي وطول الطريق ساكت
وديتهم لمحل معروف بالامانه والله شغلهم مشهود له ودخلنا السيارة وركب الفلبيني فيها .
جلس يفحص وعطاني برنت
السيارة مرشوشه كامل
فيها بلوف
تبخر زيت
فيها حساس ودودة القير
الحرارة ١٠٨ المكينة فيها عطل مع العلم عداد الحرارة بالسيارة تحت النص قريب للثلث .
جيت للسوري قلت له تشوف وش قلت لك انا وكذبتني وسويت نفسك عبقري زمانك .
قال انا معاي فحص من مركز اعرفه
قلت له هذا قدام عينك وشوف
اخذ سيارته ومشى وصديقي جلس يتكاسر مع العامل على قيمة الفحص

الزبدة من الموضوع لما احد يبي يشتري سيارة لاياخذ بكلام صاحبها ابدا واتجه لاقرب محل فحص ثقه وافحص وريح راسك

تحياتي

ملاحظة مهمة  جدا  بخصوص  فحص  السيارة قبل الشراء في محلات فحص السيارات  بقرب المعارض 
لاحظ  كل  محلات الفحص يكتبلك في التقرير  هية حركة هروب من تحمل مسؤيلية السيارة وصيانتها  يسجلك 
  تصفية مكينة   حتى لو كانت  2012 وحتى لو  ما مشت واجد   +  ضعف في الجير  اويكتب  يحتاج فلتر وزيت  للجير 
لو تعرفو  ايش معنى  كلمة تصفية مكينة   هذه الكلمة  تشمل  كل شي في المكينة    يعني    بخاخات - بواجي- كويلات او اسلاك بواجي  - حساس ايرماس -
  كمبيوترالسيارة  - سنفرة  بلوف - تغيير  شنابر - بساتم  - ثلاجة مكينة - جميع ليات الهواء في المكينة -  
يعني ما يحددلك عطل   في المكينة    وهي حركة  هروب  من مسؤولية تحمل اعباء الصيانة    لو  طلعت السيارة   فيها عطل داخل المكينة  يحتاج  فك المكينة كاملة  
 والجير  كذلك الامر  يقلك ضعف في الجير  ومعنة هل الكلام   شنابر  الجير  - ضعف الطنجرة   -  ضعف كلتشات  -ضعف  في الفلف بدي   بما  معناه  الجير يحتاج فك توضيب 

هذا الكلام كتبته الان في موضوع جديد أرجو الاطلاع عليه ، وهذا الدي ابي أوصل عليه
لان حقين الفحص متعاونين مع الشريطيه ولهم نسبة عموله على كل بيعه او شروه ، ولو كل فاحص طلع عيوب السياره 
كان الشريطيه ما يروحون اليه لذا هم متفقين 

للاسف ماحولك احد الكل صار ياكل بعض

انا سمعت من شريطي ان اشيخ المعارض يلزم محل الفحص بالتعويض هل هذا صحيح ام لا