أضف سؤال أو موضوع جديد          

استبنه مانزلت الأرض0

up 23 down 3
أبونايف1400 64
قبل 7 سنه



الاستبنه مانزلت الأرض

السلام عليكم ورحمة الله..
كما هو موجود أمامكم في العنوان فقد كثرت في اﻵونه اﻵخيرة اﻹعلانات التي تحوي هذه العبارة(الﻹستبنة مانزلت اﻷرض)؛وهذا كما يبدو لي انها تعني أن السيارة نظيفة وكالة على حد زعم صاحب اﻹعلان والذي يملأ اعلانه بالكلام الغث والسمين ليوصل سلعته وكأنها خرجت من الوكالة قبل اسبوع او شهر؛؛حينما نأتي إلى لب القضية وهو الممشى والبودي وسلامته نجد ان الممشى للسيارة قد جاوز ال150ألف الى ماشاء الله وربما يصل إلى ال300 ألف وأخينا فالله يقول الاستبنه مانزلت اﻷرض؛؛نجي للبودي ونلقاه مرشوش مع كل جنب ومحكحك ويمكن حتى الكفرات(التواير) مرشوشه بعد وأخينا فالله يقول رش تجميلي ياعيني ياعيني؛؛
نعود لمحور حديثنا وهو الاستبنه التي لم تنزل الارض وماهو ارتباطها بنظافة السيارة من عدمه!!
طيب انا ممكن اول ما اشتري سيارة وانزل الاستبنه عندي فالبيت معززه مكرمة واغطيها ببطانية لحاف بعد واخليها تنام لحد ما...
العن والدين الموتر من سرعه وزرزره وتخميس والبودي ملعون والديه وكل هذا والاستبنه فالبيت وممكن اخذلي سبير من اي بنشري واحطه بشنطة الموتر ولاجيت ببيعه حطيت اسبير الوكالة بمكانه واحط بالاعلان كلمة الاسبير مانزل الارض وبالخط العريض بعد؛فالحقيقة فيه اعلانات فالموقع تفتح النفس من ناحية الصور الواضحة(بالنهار) وتنسيق الاعلان وكافة البيانات تلقاها فيه بحيث انك اذا دخلت وماعندك نية شراء فأقل شي تسويه انك تذكرالله وتمشي؛؛مثل اعلانات السيارات بأمريكا مثلا يعطيك كامل التفاصيل موجودة؛؛
هنا يجيك ينزل اعلان مثلا يقولك كابرس 2007 اوكامري 2010 ويحط لك صورة شبك السيارة الامامي او الجنب ويبي الناس تسوم؛؛عاهات الله لايبتلينا ماتدري وش تبي؛؛
أو ينزل صور بالليل للسيارة ومافيه بالشارع الالمبه وحده ويالله نورها يضوي تحتها ويبي الناس تسوم؛؛
ارجع وأطرح نفس السؤال اللي حيرني ولم أجد له إجابه.
ماعلاقة الاستبنه التي لم تنزل الأرض بنظافة السيارة من عدمه؟؟
انا ما استبعد بكرى يجي واحد مدرعم للفصله وينزل إعلان حراث ويقول فيه إن السكين مانزلت اﻷرض؛؛
وآخر دعوانا أن الحمدلله رب العالمين وسلام على المرسلين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هههههههههههههه وازيدك من الشعر بيت لهم 6 شهور طايحين بكلمه البدي فيه تلقيطات ( حزام ) طبعا انت تقرا هالكلمه تحسبها طقه خفيفه لكن معناتها ان الجنب الايمن والايسر مرشوش بالكاااااااامل من الصدام للصدام وماسلم من السيارة غير الكبوت والسقف وباب الشنطه

بعدين خذها قاعده اي واحد يكتب بإعلانه ان موتره فيه ( رش تجميلي ) بمقدمة السياره هذا معناته ان موتره مصدوم والصدمه واصله المكينه .. والا لو انه صادق وراعي ذمة كان وضح سبب الرش وجاب لك صوره قبل الحادث وبعد الحادث بشرط وجود لوحه السياره بالصورتين


up 3 down 4
ابو هيثم 7 2254
قبل 7 سنه



هههههه انا موتري ٢٠٠٥ ومن فضل الله استبنته ما نزلت الارض وبتاريخها 

لكن ما انصحك تشوفها !!! هههههه

هي اسلوب مبااااااالغة فالوصف ، وكلامات واوصاف سعودية
مثل استخدام مهندس او دكتور وخذ من هالخراط 

كلها لاجل لفت النظر ومحاولت تحسين وتجميل صورة الموتر
ولكن هي من كلامات المدح ع كل شي الصاحيه والالغااااام



up 2 down 1
aziz..747.. 2421
قبل 7 سنه



سيارتي 2009 نزلت الستبنه عشرين الف مرة

ههههههههههه


up 0 down 0
شبح 600 sel 6081
قبل 7 سنه



سيارتي 2013 وركبت السبير قبل اسبوع




up 1 down 0
أبو عبادة 4852
قبل 7 سنه



ههههههه والمشكله الثانيه السياره ب اكياس الوكاله هههههه ولا المفتاح الثاني م استخدم 


up 7 down 1



ماشي 300 الف اخو الجديد الفرشات الأرضية لم تستخدم


ههههههههههههههههههه حلوة المفتاح الثاني ما استخدم


up 1 down 0
ليزو 481
قبل 7 سنه



انا للحين محتفظ بالاستبنة حقت الوكالة للتأكد من مقاس كفرات السيارة الأصلية
كفر بريجستون قديم بس مليان رقع هههههه



up 0 down 0
أبو نجوى 2442
قبل 7 سنه



صراحه موقع حراج فيه نصب وغش غير طبيعي يعني تجد1%واضع حد طبيعي ومعقول
للسياره الباقي مثل ماقلت استبنه مانزلت مفتاح ثاني مااستخدم ولامره 
انا وش ابي بمفتاح واستبنه ابي بدي ومكينه قير والمشكله لاقلتله كلامك مبالغ فيها
قال لاتبخس السلعه   الله المستعان ناس.....


up 1 down 0



ولد عمي معاه كامري 2009 وصادم عليها بالوجة ولا يعرف يسوق زين

سواقه يسوق لكن طريقة محافظه على السياره او يسوق بطريقة صحيحه ما يعرف

و الاستبنة ما نزلت الارض تدري ليش ؟

ما عمره غير كفر ولا يعرف يغير ومعاه السكر اصلا حتى لو يعرف ما فيه حيل يشيل الكفر الله يشفيه

قبل اسبوع يكلمني بنشر كفر قدام وجالس يمشي على طرف الطريق وهي مبنشرة

يقول فيه محطه بعد حوالي 10 كيلو

عشان يقطع مسافة 10 كيلو يحتاج اكثر من ساعه وهي مبنشرة يعني دمرها هههههههههههه

ماهو دليل الاستبنة ما نزلت الارض خلاص يعني محافظ قد يكون غشيم


up 3 down 0



حتى لو الاستبنة مانزلت الارض وش فايدتها للمشتري ! ! !
يكون عمر الكفر الافتراضي انتهى وخربت من حرارة الشكمان للجيوب 


up 2 down 0
t-m-d 443
قبل 7 سنه



صراحة سوق السيارات عندنا الاسوا في العالم


تبغون الدليل شوفو الناس تجيب السيارات من امريكا والامارات لانها ارخص ويدخلون ذهب لان الاسعار هنا مرتفعه كثير


في مواقع السيارات الامريكية السيارة لو عدت 150 الف كيلو تاخذ تقييم 2.5 من 5 يعني نص قيمة السيارة تطيح
عندنا الموتر ماشي 300 الف ويوقلك وكالة

بخصوص استبنه الوكالة وانها مانزلت خله يغسلها ويشرب مويتها وللاسف فيه من يصدقه

تصدقون امس كنت بكفخ واحد عنده اكورد 2009 ماشية 325 الف ويقول يبغى فيها 55 الف؟؟
ويقول ان الممشى طبيعي وهو من يوم طلهعا من الوكالة حتى بواجي ماغير


up 3 down 0



ههههههههه
اشكر الجميع على المرور بلا استثناء..
وفعلاً الموقع صار فيه اشياء عجيبة كما ذكرتم،المفتاح الثاني ما استخدم والا كتالوجات الوكالة باقي موجودة
والفرشات الارضية جديدة والا يقول لك المقاعد الخلفية لم يجلس عليها احد(الظاهر كانوا يركبون معه وقوف ورا)
انا والله محتار من هالعينات وش تبي توص له بالضبط ؟؟
ودمتم سالمين


up 1 down 0
أبونايف1400 64
قبل 7 سنه



اذا عرض احد عليك سيارة وشفت مكتوب الاسبير مانزل اعرف على طول انه يبي بالسيارة زود 5 الاف ههه


up 1 down 0
مقرن 93 369
قبل 7 سنه



ينطبق عن هل نوع المثل الذي يقال دع القرعه ترعى


up 0 down 0
ناصر النـاصر 125
قبل 6 سنه و 12 شهر



ياناس عندي موضوع ممكن لايك 


up 0 down 0
omaraxe -6
قبل 6 سنه و 12 شهر



موضوع جدا جميل شكرا لك


up 0 down 0
اساس المعرفه 47
قبل 3 سنه و 6 شهر