أضف سؤال أو موضوع جديد          

سيارات التأمينات التالفه..وسعرها الزهيد.

up 0 down 0
المسلم اخو المسلم 417
قبل 6 سنه و 6 شهر



السلام عليكم ورحمة الله وبركاته

بارك الله لكم في هذي العشر...وتقبل طاعتكم....وزادكم من فضله.


بالأمس سمعت عن سيارات التأمينات....السيارات المأمنه وتكون مصدومه وتروح تالف.


سمعت انها تباااع باسعااار زهييده....وان الصدمه ماتكلف الا مبلغ بسيط!

..حسب علمي ان في تشاليح جدة يبيعونها...وغيرها من التشاليح.


نبي منكك العلم الوكاد..لاني حقيقه ادور لي جيب...فاذا كان صدمته خفيفه وسعره بالتراب اخذناه..

لكن..نبي نتأكد لايكون تحت العسل سم!


وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مالك ومال وجع الراس والحوادث

اشتر راحتك واشتر لك موتر نظيف تستانس فيه من تدق سلفه

مهب تطامر من صناعية لصناعية تدور قطع وماتدري كم بيكلفك ولاتدري بيظبط ولا مايظبط وحتى عند البيع بيطيح في تسبدك


ومردك بتقعد تتشكى في هالمنتدى فيه صوت وفيه تنسيم وفيه حساس


اشتر نظيف وريح دماغك هاذا ردي على استفسارك


up 6 down 1
a.ibrahem 3165
قبل 6 سنه و 6 شهر



اتحداك تحصل سيارة تامين للبيع تكون على الاقل طالع ارباقها + شاص ملحم + مكيف خربان يقولك فريون 

ابعد عنها نصيحة


up 3 down 1
فهد4950 2542
قبل 6 سنه و 6 شهر



اشوف انها ماتنفع للمستخدم اللي يبي يرتاح 
يعني ممكن تنفع للي بيصلح ويبيع ( بدون مايغش الخلق طبعا ) 


up 3 down 1
mmmm9999 30
قبل 6 سنه و 6 شهر



اي سيارة به صدمة بسيطه وخارجيه يعني كبوت صدام رفرف رديتر واشياء مثل كذا 
هذي اذا سعرها رخيص تعتبر فرصة 
اما موتر طاير وجهه والصدمه واصلة للمكينه ابعد عنه
او مثلا صدوم أثرت على الشاص والكمر والدفرنس هذي لاتشريه ابد 
لانك بتدفع مبالغ ضخمه وبالنهاية الموتر ماراح يرجع مثل اول واذا بعته منتب لتقي احد يشريه


up 7 down 0
pteyioqopw 66
قبل 6 سنه و 6 شهر



مثل ما قال الرد اللي قبلي

لو الصدمة خارجية باب رفرف كبوت اشياء بسيطه ما عليها ما بتأثر حتى مع الاستخدام

ولا حتى مع الوقت

لكن لو الصدمة وصلت للكهرباء والايرباقات والشاص هنا بتكلفك و حتى لو بتستخدم بتكون داخل المدينه

لانه مع الخطوط السريعه بتكون فيها حذفه او عدم توازن

لكن صدمة بسيطه خذها تعتبر فرصه للمستخدم


up 2 down 1
سقوط الأقنعة 130
قبل 6 سنه و 6 شهر



ياخوي كلها معدومة حقت التامين واحد من الشباب كان معاه النترا 2011 صدم فيها عشرين مرة وكل ما راحلهم قالوا تتصلح ووداها ورشهم وشغل ابو كلب هم لهم ضرر محدد علشان يرجعوها يعني يكون الضرر مثلا 40% من البودي وتكلفة التصليح اعلى من قيمة السيارة يعني ابعد عن الشر وغنيله


up 0 down 0
ابوخلوودي1 5069
قبل 6 سنه و 6 شهر



اخوي انا اشتريت مره من سيارات التاجير بس واحد نصحني فقط 2 من مجموعة كبير ة والباقي قل ما يصلحون لك


قال الكلتش ممكن 6 شهور ويحتاج تغيير واستخدمت السيارة سنتين وما حطيت الا كفرات وبطارية فقط والكتش بعتها وهم يقولون باقي فيه 6 شهورومشت معي 60 الف كيلو والحمد لله ونقص من سعرها تقريبا 4500


up 1 down 0
amh2222 417
قبل 6 سنه و 6 شهر