سؤال لملاك لكزس

اهلين اخوي بالنسبة لصيانة السيارة ماادري عن ال is ولكن بالنسبة لل ls460 معقوله

طبعا لا تقارنها بالكيا

لأن مو معقول اروح اخذ فحمات ددسن ب ٩٠ ريال ولا شريت كامري اقول فحماتها غاليه ب ٢٢٠

يعني اسعارها معقوله بالنسبة لمنافساتها من الشركات الاخرى طبعا كلامي عن ال ٤٦٠ اما ال is ماعندي خلفيه عنها 

أكيد ما أقارنها بكيا بس عندك مثلا صيانه ال20 ألف حول كم

وتسلم على ردك يا ابو ناصر:)

من الحين اقولك ناااااار بيصلخون جلدك وماانصحك بالوكالة اذا السيكويا صيانة ١٠ الالف قالوا لي ٨٣٠ طبعا رفضت وخليتهم يغيرون الزيت فقط وبعدها ماجيتهم 


واحد من اخوياي سوا صيانة ٤٠ الف للكزس es350 كانت الصيانه تغيير الزيت والسيفون وفلتر الهواء والمكيف والفحمات امامية وخلفيه ب ٣٠٠٠ وكسر 


اما كااسعار بالضبط ماعندي خلفيه كاملة 

بس ال ٤٦٠ قيمة فحماتها الامامية حوالي ٦٠٠ ريال والخلفيه حوالي ٤٠٠ الهوبات الامامية الواحد ب ٦٠٠ وكسور يعني طقم ب ١٣٠٠ وشوي

المقصات الامامية تجي لل٤٦٠ عدد ٦ مقصات امامية للجهه الوحده ٣ اثنين فوق وواحد تحت قيمة المقصات العلويه عدد اربعه ٤٥٠٠ اما السفليه ١٥٠٠ يعني ب ٦٠٠٠

وفيه انواع اخرى ذات جودة عاليه ب ٢٧٠٠ كامل المقصات

وتحصل جلد فقط

بسبب انتشارها تحصل انواع من القطع والحلول


بالنسبة للكزس is حط ببالك انها رياضيه يعني شي طبيعي يكون مطبها قاسي

ولا تنسى ان جنطها كبير ومقاس ارتفاعه ٤٠ وانت ادرى بشوارعنا الله يعينك على تحبيل الكفرات ( اي سيارة جنطها كبير يبهذلك بديرتنا ) 


وانا ماادري بس شوري عليك تاخذ لك gs لو مستعمل لأنها منتشره 

اذا بتشتري لكزس لا تتابع بصيانته في الوكالة كذب في كذب وزرف عيني عينك ومع احترامي اسبك منهم اللي يصين عندهم اجل باللهي موتر ماشي 40 الف مثلن gs ولا ls حتى صيانته ب 4000 ليه مجنون انا مصفوق على مخي ياحبيبي لو توضب موتر ماكلف 4000 الالف ولو تسألهم قال لك نشيك لك على فلتر مدري وشوا نشيك لك على البواجي نشيك لك على المرتبة سواليف قاعدة


انا اقول الكلام هاذا من واقع تجربة واحد من زملائنا يمتلك جيب لكزس ويوم جاء صيانة 30 الف اظاهر مدري 40 قالوا ب 4000 قال منيب مصين مع انه ولله الحمد في خير ونعمه لكن قال انا منيب مصفوق على مخي ادفع لهم



ياحبيبي معروف اول 100 الف للموتر بالعادة ماياخذ الا زيوت وفلاتر يعني ان كثرت ما تتجاوز 500 ريال عن كل صيانة


اخوي معه es يوم راح صيانة 30 الف قالوا ب3100 وشوي اظاهر قال خيررر قال حنا شيكنا لك على مدري وشوا قال انا ماقلت لك تشيك غير زيت ولا لك دخل في الباقي اخرتها نزلوا له لين 2900 حتى ضاق صدره قال كل ماقمت 10 الالف بقعد ادفع لهم 2000 وشوي من راتبي لو تقعد على مستعمل ماكلف كذا




يازين الصيانة المجانية وبس سلمني على AUDI وBMW و GENESIS و K9

فيه كان معاه لكزس ارنبو عضو معنا هنا
نزل صوره صادم بسيارته
وقلتله ترا الصدمه خفيفه صلحها

قال ياخي انا زهقت من السياره تستهلك فحمات بسرعه وغيره واتعبته اصلا

كان مع اخوي لكزس 430 ال اس
وهبل فيه فموضوع الفحمات مدري وش سالفتها
قطع الغيار غاليه حيييييييييييل
صيانته غاللييييييه

بعدين انت ناقز من كيا الى لكزس
الكيا صيانه وقع غيار سهله واي مكان تصلحها انت قدك تعودت عليها

لكن فجئه تقلب عل سياره مثل كذا والله بتكره نفسك

جيبك مو مليان فلوس لاتقربها 

يخوي شف اذا كان وضعك المادي كويس توكل على الله 
ولا عليك من احد اما اذا وضعك ماش فترا الافلون طيبه وارخص وموصفاتها حلوه
وان كانك صامل على الكزس خذ gsاو es صينتها اسهل 
والله يكتبلك الي فيه الخير 

المهم ان اللكزس موتر ويكفي ان فحمات ال ٤٦٠ ب ٦٠٠ وكسور قارنها بمثيلاتها

ياحبيبي اللكزس الجيل السابق LS430 يسمونها سيارت المليون ( سيارة تمشي فيها مليون كيلو ولا تفك المكينة ) 

شفها هنا بالموقع ماشيات فوق ٥٠٠ و ٦٠٠ ويقولك حالة المكينة ممتازه ولا عمرها انفكت 

بعدين مااذكر احد يشتكي من فحمات ال LS 430 بالعكس اقوى فئة باللكزس وانا اشهد لها واسأل مجربينها

وترا كلامك ذا بذمتك اما تقول الصحيح للرجال لاتكذب لأنك ماتحب هالسيارة 

انا شخصيا مستخدم اللكزس .... 

قطع غيارها مقبوله خاصة الموديلات القديمة .... الجديد ماعندي علم عنها 

والله شف إذا لك رغبة في الموتر توكل على الله والارنوبة مخصصة لفئه الشباب والشركة ركزوا كثير على متعة القيادة والخفة

وبالنسبة للصيانة لا تروح للوكالة إلا صيانة ال1600 كيلو بعد ما تمرن الموتر وتراها مجانية اما بالنسبة لباقي الصيانات افتح

الكتيب حق السيارة بتلقى فيه جدول الصيانة ومتى تغير القطع الاستهلاكية 

بيض الله وجيهكم يا أخوان وزي ما قلتو بنسحب على أبو جميل و بأسوي الصيانات برا 

وبالنسبه للفحمات بأركب فحمات سيراميك 

والله يرزق الجميع

ياشباب لو تكرمتو انا عندي جيب لكزس مديل 15لما تكون السياره واقفه اكثر من ٨ساعات وقت الشتاء واجي اشغلها اسمع صوت طق طق متكررة في المكينه ولما تسخن السياره يختفي الصوت هل فيها مشكله او لا البعض يقول عاديه الصوت هاذا وقت الشتاء لأن الزيت بارد مايمدي يطلع والي يقول مشكله ماأدري ماقدر صارت مع احد منكم وشكرا

يمكن فيه ضعف بطرمبة الزيت
اذا موديل السياره كله كذا فهذا طبيعي
اما اذا سيارتك الوحيده كذا شيك على طرمبة الزيت
والطريقه للتاكد انك تدق سلف بدون تشغيل
خمس مرات وبعدين تشغل السياره
اذا راح الصوت فهذي الطرمبه
او نوعية الزيت
واعتقد والله اعلم لان السيارات الجديده اغلبها
البساتم فيها بلاستيك مقوى
عشان كذا تطلع صوت بالبدايه
يعني هم صانعينها عشان ماتدوم وتطلب