الزام سيارات التاكسي بتشغيل العداد

في الرياض ما اعتقد ينفع مشوار من شمال الرياض الى جنوبه فرضا ٦٠ الى ٧٠ ريال مع الزحمة او بدون،، لكن العداد لو الشارع واقف ينحسب على الراكب ووتتدبل السعر ، سواقين تركيا بالتفاهم وليس بالعداد اغلبهم كذا

مو من صالح الزبون , لان السعر بيطلع عالي عليه يعني مثلا من الشارع التجاري الى الخبر تكلفة المشوار ب 25 ريال واحيانا 20 ريال 


لو شغل العداد راح يحسب له فتح العداد ب 5 ريال , كل كيلو متر ب 1 ريال و 60 هللة وكل دقيقة انتطار 70 هللة , يعني لو يوقف في زحمه اتوقع بيطلع على الزبون قيمة تذكرة هههههههههههههههه

حسبي الله عليهم
العداد بيطلع سعر جامد

الحين المفروض يخلون التاكسي للسعوديين على الاقل الشعب طفر ومو لاقين وظايف
وهذولي بيزيدون يخربونها من ناحية النظام
وين كلام الملك زمان ماطبقوه يوم قال بيخلي التاكسي للسعوديين فقط

السعودي اولى فيها

الاتفاق افضل     لو العداد  السواق  بيمشي على مهلة يضيع وقت وممكن يمر على شوارع مزدحمة   والوقت محسوب 

شيوخ  السعودي ماحد قاله لاتاخذ تاكسي   لكن الشباب يخجلون من هذه الشغله حتى بعضهم لو مر م ناس يعرفهم تلثم 

وعبداللطيف  يعطي تسهيلات  وتاخذ سيارة ملكك       اكثر التكاسي السعوديين  تلقاهم شيااب متقاعدين    شباب قليل

تشغيل العداد من مصلحة شركة اللموزين

ومهب من مصلحة الراكب  وأوضح لكم الموضوع بمثال بسيط:

لو كان العداد يفتح ب5 ريال 

وكل كيلو يحسب ب0.15 هللة

وكل وقفه لمدة دقيقة تحسب ب 0.25هللة 

وكنت ساكن بجنوب الرياض وبغيت تروح  للمطار بيكون المشوار بالاتفاق بين 80 -100 ريال 

اما اذا كان بالعداد شغال فأقل شي بيكون 280 ريال تقريبا مع الاخذ بالاعتبار زحمة الدايري والرياض بشكل عام .

طبعا أكثر من بيتأثرون بالقرار الي محتدين على اللموزين (بسبب حالتهم المادية أو غيرها من الأسباب) 

أحس فيها عّدل، وش ذنب صاحب الأجرة لو إتفق مع زبون وصار في زحمة بالخط؟ وراح من وقته كثير 

الحين مشوارين إلى ثلاث مشاوير بالرياض يخلص عليك نص وقتك، بسبب الإزدحام أو طول المشوار 

لو بتكلم كـ سائق أجرة وأمتلك سيارة خاصة، وهو اللي حاصل حالياً، أسلوبي مع الزباين مشاوير بسيطة جداً ما أستقبل مشوار البعيد 
والحمد لله مستورة

لكن لو أتكلم عن كم تجربة لسائقي الأجرة تابعة لمؤسسات أو شيء آخر، البعض يقولي ينام ويصحى على التآكسي 
وأيام مايقدر يغطي حق المؤسسة اليومي ،،، صح الواحد كل ما كــّـد حصل والرزق على الله، وفي أحيان مايجيك دخل يغطي

بالأخير أؤيد نظام العداد، ولكن من غير تلاعب من قبل سائق الأجرة بتأخير المشوار مثلاً،  واللـــه المـــّــوفق 

اذا ركبت مع تاكسي نتفق على سعر واذا شغل العداد احصله اكثر من السعر المتفقين عليه بحدود ١٠ ريال اذا المشوار قريب فما بالك لوه بعيد !!

لو الزامي بيعينون خير اصحاب الخصوصي يعني اركب ليموزين ب50 والا خصوصي ب20

مشكورين على المشاركة يا اخوان .. و فعلا لو تم تطبيق نظام العداد ممكن يبدا التلاعب من السائقين بتعمد اطالة المشوار
التكاسي في بريطانيا كلهم يمشون على العداد بس فيه حركه حلوه انه في الزحمة يكون حساب العداد بطيئ جدا شبه متوقف و اذا مشت السيارة رجع يحسب طبيعي 

السائق طول اليوم في الشارع  ويعرف الطرق المزدحمة    ويعرض السعر حسب مايخارجه 

لو في مكه اقولك ايه لان اللي هناك كذابين واستغلالليين لكن داخل المدن الثانيه خلها على العداد احسن