فجاة وبدون مقدمات...ارجو الدخول

صار عندك تهريب فريون ... او الكمبريسور خربان ،، شوف اكثر من محل تعبئة فريون خل يفحص لك وقارن بين كلامهم

اخوي الله يعطيك العافية ما اتوقع من الفريون بس نسيت اقول ان في صوت يجي من الثلاجة حقت المكيف اللي عند الدرج صوت كذا تسسسسسس

يمكن في تنسيم من الثﻻجه شوف اتاكد عند مهندس مضبوط واول شي افحص الكمبروسر

شوف ياغالي الصوت هذا مايطلع الا اذ كان الفريون ناقص ومتأكد ميه بالميه انه ناقص وديها لواحد معلم تكييف وشوف التنسيم وصلحه وعبي فريون اهم شي فريون اصلي جينترون امريكي وشوف بعدين المكيف يزبط وادعيلي وموفق خير وانا ماأقولك الكلام هذا الامن واقع تجربه حصلت معي

وكمان امكن المكيف مايشتغل امكن الخراب الكهربه

مثل ماصار معي مكيفي قلب حار وضغت ابرة الفريون وطلع فيه فريون
وكل شي تمام وطلعت المشكله قطعه تحت الثلاجه وصلحته ب40
اعتقد اسم القطعه ثرموستات او اسم آخر… 

بنحولك لابراهيم التركي هو المخول الرئيسي للافتاء بامور اللومينا 2007

المهم ومستقبلا لا تحاول تزيد من قوة دفع هواء المكيف والسيارة تمشي وهذا خطأ

انا اقولك 
ادعس بنزين اذا برد هاذا الكمبرسر ضعيف 
واذا مابرد الفريون طار بسبب تنسيم 

واحتمال كتاوت الكمبرسر انحرق 

وعليكم السلام

لا تورط نفسك بواحد كذاب يجي يقولك الكومبريسر ضرب
تراني ضحيه لكن تبت سنتين وانا اتمرمط و بالسفريات اسبح من الحر
و بالاخير 1800ريال دفعتها حسبي الله على من كان السبب سباكين
الله لا يسامحهم

احساسي ان عندك تهريب ي غالي في الجلد 
في 6جلد لازم تحط عينك عليها
1/* جلدة لي الكومبرسر 
2/ جلدة لي الرديتر
3/ 4 جلد تحصلها بالتمديد اللي يودي للثلاجه 2 خارجي و 2 داخلي بنفس
التمديد
و اذا فحص لك بالهوا اكد مره ثانيه بالصابون ع الاماكن اللي حط فيها صابون
يحط الصابون ع اماكن الجلد هذي الين تشوف الفقاعات فين بالضبط

متى تتاكد ان الكومبريسر ضرب ??
1/ مثال .. اذا اعطاك دقيقتين هوا بارد و 10 دقايق هوا حار بكذا يكون الكومبريسر
ضعيف
2/ اذا فحص لك بالهوا و كب صابون على الكومبريسر و طلع من من الكومبريسر
نفسه فقاعات

متى يكون الرديتر حق المكيف تعبان..??
اذا كان في بالرديتر نفسه تهريب او فيه ضربه

الثلاجه باذن الله مافيها شي

انا خدعوني حسبي الله عليهم كانت مشكلتي رديتر
و قبل اصلحه كانو يحشون الكرمبريسر فريون الين اندمر الكومبريسر
لانهم كانو متعمدين الحركه هذي عشان يقولون لك ترانا قلنالك من اول
ان المشكله كومبريسر
انا ركبت غصب عني كومبريسر كامري 2006
و رديتر جديد .. سيارتي كامري 2008

انتبه تدفع مبلغ على شي الا وانا متاكد
او عشان ترتاح ان السبب مو جلد افحص ليزر

تحياتي لك وكان الله في عونك

اخواني جزاكم الله الف خير كان ودي اقيمكم لكن نقاطي ماتسمح لكن دعوة افضل من لايك الله يجزاكم خير ان شاء الله وكل عام والجميع بخير 

اخواني قبل شوي مريت الصناعية لقيت كهربائي باكستاني مسك ماصورة الفريون قال هذا يبي فريون قلتله كيف عرفت. قال شف ماصورة مافي بارد قال لازم عبي فريون قلت كم فريون قال اصلي امريكي ب ١٢٠ وش رايكم ياشباب هل كلامه صحيح ولا كيف اعرف ان الفريون اصلي امريكي ارجو الرد الله يجزاكم خير وترا انا بالمزاحمية يعوي صناعية ابو كلب 

الفريون الاصلي اسمه جينترون وفيه كتابه ثانيه اسمها هوني ويلعلى نفس القاروره ولونها ياغالي اخضر فاتح وانا رديت عليك تلقى ردي فوق اللي عندك تنسيم فريون لايعبي فريون الايتأكد انه مافيه تنسيم وسلامتك واي خدمه انا حاضر

عفوآ honnywell الاسم الثاني على نفس القاروره

فيه انواع يقولك اصلي انتبه منها زي ماكس رون وثاني ضيعت اسمه هذي صيني ويقولك امريكي احذر منهاوبالتوفيق

الحمدلله ياخوان انحلت المشكلة كان فيه تنسيم باحد الليات وزبطته والحمدالله خويي كان عنده اسطوانة فريون هوني وييل جينترون 134a  وخذيتها منه وعبيت الفريون والكهربائي منقهر يبيني اعبي من حقه الصيني بس طز فيه خلهيطق راسه بجدار اللحين الحمدلله المكيف تمام احسن والله يجزاكم خير...... موفقين وكل عام وانتم بخير مقدما 

بالتوفيق يالغالي وكل عام وانت بخير

اخوي بعض السيارات كنظام حماية فيها اذا صار تنسيم بالفريون مايشتغل يفصل تلقائيا عشان لا يجيم الكومبريسور خصوصا السيارات الحديثة ماعادت كلتش زي اول كله اليكتروني وبلوف اليكترونية