هل الجنوط الصيني جيدة

غير جيدة ولا انصحك فيها ابدا

يكفيك انها تتكسر وتتعفط على المطبات والحفر

مركب جنوط صينيه على فكتوريا لها ثلاث سنوات لاعفط ولكسر 
ولارجه 
كنت متخوف من صيني لكن طلع ازين من الاصلي هههههه

كلام ابو خليل صحيح وش حادك على الصيني 

اذا ماتقدر على الجديد حق الوكاله .. تقدر تاخذ جنوط مستعمله من التشليح بشرط تكون اصليه حتى لو فيها خدش بسيطه يروح بالرش او التلميع

ياكثرهم اللي بموقع حراج يشتري جنط صيني ويعرضه للبيع مع انه ماكمل معه يومين .. والسبب ان الصيني فيه رجه وماينفع فيه ترصيص ولامايحزنون  

انا عن نفسي ركبت جنط صيني وياليتي ماركبت ؟ طلع فيه رجه ورصصته 3 مرات ومانفع معي واخر شي رجعت على جنوط شد البلد

ولابعد من تالي يوم شافو ان سوقه طايح قامو يسوقون له بكلمه  (جنط صيني درجه اولى)  ههههههههههههههه

طيب خله يعطيك اثبات انه درجه اولى مب درجه عاشره .. او يعطيك ضمان عليه لو ساعه وحده اذا كان صادق

طبعا مستححححيل يثبت لك انه درجه اولى .. ومستحيل يعطيك عليه ضمان ولاحتى 5 دقايق حتى لو كان جديد 

الصيني مخيس وينكسر عند اي مطب عسر شوي
قد ركبته على اكورد انكسر بعد اسبوعين 
اكلت مطب على سرعة وانكسر وشق الكفر ولولا لطف الله كان راح الموتر

خلك على الاصلي اريح لك واكثر امان ان شاء الله 

والله يالغالي كان معي سوناتا 2009 شاريها مستعملة على ايامها واستعملتها ولما جيت اغير الكفرات قالي العامل ان الجنوط تجارية صيني موب اصلية وقالي الدليل مكتوب خلف الجنط صنع في الصين بالانجليزي وقال الاصلي يكون عليه شعار المهم انا غيرت طقم كفرات واستعملت السيارة سنتين ولا جاني اي مشكلة ولله الحمد 

خل عندك الجنوط الاصليه عندك لا تبيعها وقت البيع تركبها

الجنوط الصينية
مشكلها
رجه وكل شهر ترصصها تتكسر وتتعفط في المطبات
اذا ناوي تغير لشكل غيرها بس خلي عندك الاصلي تحتاجها في المستقبل
الاصلي ميتعوض