أضف سؤال أو موضوع جديد          

الظاهر سرقني

up 5 down 1
alza3em1 15
قبل 7 سنه و 7 شهر



السلام عليكم 

فريت بالموقع الاحد الماضي ادور جهاز وحصلت ايفون وسمته من صاحبه

وقالي تم المهم عطاني حسابه وحولت له وقالي وصلت الفلوس والحين ابروح اشحنه

بالبريد المهم بعد شوي الا يحلف يقول حارس الامن يقول قفلنا وان شاء الله بكره بشحنه لك

وفعلا 11 الصباح الا هو مرسلي يقول ارسلت لك والله يبارك لك قلت جزاك الله خير المهم انتظرت

البريد يكلمني ويقول وصل طلبك لكن مافيه اي اتصال وانتظرت لين الخميس ورحت لهم قالويمكن
 
فيه غلط برقم الجوال رح للفرع الرئيسي واروح لهم الا قالو لازم رقم الشحنه تلقاها بالايصال الي مع الي حول لك

ولي يومين ادق على البائع ولايرد علي وايش رايكم انتظر لعل عنده ظرف وماقدر يرد او اروح وابلغ ؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سمعت عن اللي يشتري طير بالسماء؟
هذا انت طبقت المثل ما نبي نستعجل بالظن لكن ما دام ما قام يرد عليك الظاهر طاح الفاس بالراس والخطأ عليك

مادري متى تنتهي الاخطاء اللي مثل خطأك



up 9 down 1
مطلوب سياره 392
قبل 7 سنه و 7 شهر



اذا انت حولت له فلوس بدون متتاكد منه فالعوض ولا قطيعه  

وان كان دقيت عليه ولا عطاك خبر فااعرفه انه من عصابه المكسيك  كولبيا يسرقون  وش ماجاهم 

مفروض يروح هو للبريد  وانت تروح لي البنك او صرافه وتخليه يكلم موظف البريد ويرسلها وانت تحولها له بكذا ضمنت حقك 

 ومالك الى تصبر وتشوف اخرتها معه 


up 0 down 1
سكودر 14928
قبل 7 سنه و 7 شهر



اخي اسمه موجود عندك والاعلان موجود صوره قبل يحذفه للضمان الحق انك شريت منه واحفظ اسمه ورقمه 
وصور الاعلان ورسايلك الي بينك وبينه وبكذا تكون حميت نفسك بنسبه تصل 99 بالميه وهو بياكلها 
بس المشكله تدري شنو انو بتخيس وانت بتطالب وياما قعدة مواضيع تافهه سنين بمحاكمنا 
مادري متى الدوله تشد ع المحاكم الزباله الي قضيه تقعد سنين 


up 3 down 0
ناصر النـاصر 125
قبل 7 سنه و 7 شهر



اول شي انت غلطان كيف تثق بااحد ماتعرفه

ثاني شي جربت الجهاز ؟ فحصته ؟ تشتريه كذا طيب ياكثر السوق وقفت على الجوال هذا ؟

ثالثا اصبر على الرجال انت عطاها 50 % انه ياكلك و50% انه امين ويرد عليك واذا مارد الله يعوضك ويصير درس لك ليك تشتري سياره مثل هالطريقه


up 2 down 0
ابو ابراهيم2021 352
قبل 7 سنه و 7 شهر



الخطا عليك حتى لو تبلغ ما راح يعطونك وجه بيقولون لك أنت الغلطان أنك محوله فلوس كأنك معطيه هديه بدون مقابل هذا أول شي ثاني شي مكتوب بالموقع بالخط العريض الرجاء استﻻم السلعه يدا بيد لتجنب المحتالين والنصب ثالث شي الجوال مثل السياره قبل تشريه ﻻزم تشوفه وتتفحصه وتتفاوض مع البايع ي خي قلوا المحﻻت يوم أنك تشتري منه وأي واحد يقول لك عرض مغري اعرف أنه نصاب يعني مثل واحد يجيك عرض مغري ايفون 6 ب 1500 يعني عطاك سعر ما هو سعره اﻻساسي هذا واضحح أنه نصاااااب بياخذ الفلوس ويسحب عليك


up 1 down 0
إلنترااا 278
قبل 7 سنه و 7 شهر



ااااااه يالثقة العمياء 

يا اخوان كم مرة نحذر ولكن لاحياة لمن تنادي 




up 0 down 2
شليطيح 5018
قبل 7 سنه و 7 شهر



تستاهل"

من قل المحلات عشان تشتري جوال من النت ..


up 2 down 2
thlolb 1
قبل 7 سنه و 7 شهر



المفروض تبحث عنه برقم الجوال قبل ماتحول فلوس واذا ماشفت عليه اعلانات او شكاوي اتركه او سلم يد بيد

انا إعلاناتي بكل مكان انواع واشكال وسنين طويله وماعلي شكاوي عشان كذا يكون الي يتعامل معي مرتاح ولله الحمد


up 1 down 0
abdullah9876 -190
قبل 7 سنه و 7 شهر



رايكم جميعا محل تقدير وانا اتفق مع التركي حنا لسى بخير رغم هالامر الي حصل لي 

وانا بنتظر يومين وبعده بقدم بلاغ اذا مارد


up 0 down 0
alza3em1 15
قبل 7 سنه و 7 شهر



ياخوان  بعض اللي مالهم في الموقع لابيع وشراء    اللي يقول تشتري سمك في بحر  واللي يقول كم مرة حذرنا واللي يقول ثقه عمياء 

ياخوان يوميا عمليات بيع ماتتخيل اعدادها   

وانا تقريبا بعت لخارج مدينتي  اكثر من 50 مرة خلال سنة   ومعاي الايصالات كلها محتفظ فيها   البريد السعودي وارامكس وفيديكس وزاجل

والحمد لله 

انا اقترحت على موقع حراج  التقييم بعد كل عملية شراء    ولكن سوو هذه الخدمة وماحد استفاد منها لان طريقتها غير عملية 




up 1 down 2
sell 236
قبل 7 سنه و 7 شهر



ان شاء الله مايكون لعب عليك 
بس الشك 90%انه نصاب السبب  انه من موقع حراج
الله يهديك لاعاد تشتري جهاز او اي شيء  الا من مدينتك وترووح له للبيت وتفحصه شريت مبروك ماشريت
فلوسك معك وجهازه عنده 


up 0 down 0
السيدالمحترم 547
قبل 7 سنه و 7 شهر



انشاء الله يجيك اليوم وتعيد فيه.  


up 0 down 0
مراجل 194
قبل 7 سنه و 7 شهر



لا والله يااخوان مو كل الناس ممكن تاكل حرام 

والله انا عشرات من الزباين متعاملين معي وماضل منطقة الا وشحنت عليها 

وبعضهم والله بس من الواتس ولا اتصال حتى بس الواحد كيف بتتاكد منه 

تشوف اوراق شحن تبع زاجل اذا كان عنده منها كمية ومصورها قدامها اسمه 

وايضا اذا دافع عمولة وايضا تشوف ردود الاعضاء الي تعاملوا معه 

بالنسبة للاخ صاحب الاعلان ترا في طريقة ترجع فلوسك بتاخد رقم حسابه 

الي حولت عليه وفي متل قسم للسرقات الالكترونية بجيبوه والله واعلم 

وانا هالكلام شفته من احد الاعضاء انه حول فلوس وضحك عليه ورجعهم بهالطريقة 

لو تنزل اعلان تسئل عن هالطريقة يكون احسنلك والله يعوض عليك 


up 0 down 0
أنس البلخي 79
قبل 7 سنه و 7 شهر



دايم اتساءل هل الى هذه الدرجه الذمه وسيعه عند البعض


بكره كلنا في حفره مافي شي اسمه ضاع ولا سرقت وبيسامحني





up 1 down 0
xpoldx 1432
قبل 7 سنه و 7 شهر



تعاملت مع إثنين بنفس الطريقة 

الأول حولت 1200ر.س وشحن الله يعطيه العافية كان من مكه 

الثاني حولت 1700ر.س ولم يتواصل معي، بسبب معين خارج عن تغطيته، ومن الجمارك، لكن يتواصل على الأقــّـل ولا يسد التواصل 



وعليه العوّض، دروس دروس نتعلمها 


up 1 down 1
محمد عبدالله عمر 635
قبل 7 سنه و 7 شهر



العيب من ادارة الموقع الفاشلة 
مفترض مايقبل اي اعلان الا يصور البضاعة واسم عضويته 
واي بائع يعطى تقييم ممتاز على عدد مرات البيع وبعد فتح يوضع تحت اسمه تاجر ثقه مع ضرورة اخذ بيانات البائع وصورة من هويته كذا يحمي الموقع رواده 
من النصابين وبكذا ماحد يشتري الا من البائعين الثقه والنصاب يبلط البحر 


up 3 down 1
rayan2010 46
قبل 7 سنه و 7 شهر



انا مره شريت اكس بوكس  واشترطت عليه  بريد فيديكس ومعروف فيديكس 
المهم اتصلو علي وقالو  سيتم التواصل معك وكل شيء رسمي 
وبعدها   بربع ايام انتظر انتظر ولا جاء شيء  وبعدها رحت للمكتب فيديكس وسئلت قالو  تم سحب البضاعه 
قلت كيف تقولون ذا الكلام قالو جاء وسحبها الرجال ومالنا اي دخل او صلاحية نرفض ورسالة جوالي طيب
ما نفع الكلام ومالهم اي سلطة 
اليذيب  الامعط يوم تاكد  من الشحنة واني حولت له الفلوس راح سحب البضاعة 
ومره شريت شريط بلاستيشن  يوم جاني  ادور الشريط ما حصلته بس الغلاف كلمت راعيه ويقول ارسلت لك الشريط
وكامل الاغراض ووعلى وجهك


up 1 down 0
صوت العزاوي 523
قبل 7 سنه و 7 شهر



السلام عليكم شباب انا واحد كان معنا في شقة وطلع اخذ المفتاح قال انه يبي يأخذ جواله من سيارتي وفيه فلوس بالسياره فوق الف ريال سرقها وخلا المفتاح بالموتر وراح وش الحل معاه 


up 0 down 0
34822 54056
قبل 2 سنه و 9 شهر



وأنحاش وسرق الفلوس 


up 0 down 0
34822 54056
قبل 2 سنه و 9 شهر