أضف سؤال أو موضوع جديد          

الرخصة واهميتها

up 11 down 4
صوت العزاوي 523
قبل 7 سنه و 8 شهر



السلام عليكم ورحمه الله وبركاته 
كيف حالكم ياخوان وان شاء الله انكم بتماما الصحه والعافية
 وش فيهم العالم ذي من امس طافيه وكلن مسكر بابه وما تشوف زول الادمي 
وين  الاطفال وركضهم بالشوارع  واصوات الالعاب النارية  

قبل لا ادخل بموضوعي  ياخوان نصيحة احتفظو بالسندات والوثائق الحكومية  وبصورة من اثباتك ورخصتك
وجوازك وحتى شهادتك والله لو تعلم المذله  نعم مذله اليي راح تواجهها اذا فقدت هويتك او سند مهم انك 
لا تشتري له خزنة وتحتفظ به  قبل كم يوم واحد مضيع شهادة بالله فيه احد يضيع شهادة دبلوم مهمة 
مضيعه وجاء بالمكتب وقاله خويي على الجريدة اعلن و و و ووالمشكلة الرجال يقول وراي مقابلة ابيها  ضروي
بس ما عاد ينفع الكلام والحين كل شيء نظام نظام  وقبل فترة رحتتت اغير اثباتي وحصلت واحد 
ما عنده صورة للاثباته  ومطلع برنت من الاحوال يعني بالله صورة ما عندك وايضا اخوي بعد
ضيع رخصته الله يهديه وما عنده صورة وتمرمط 
حتى ابوي الله يطول بعمره خدم بالحرس  الوطني اكثر من 31 سنة وقبل سنة تقريبا طلبو اي واحد يثبت خدمته
ويعطونه على كل سنة الف ريال وما شاء الله محتفض فيهن على شكلهن ومااعتمد على احد  هو حافضه 
من ان عياله عددهم فوق الـ9 بس مااتكل على احد والحمد لله جته فلوس اكثر من 30 الف ريال وفيه كم واحد من خوياه
رفضوهم بحجة اوراقه تالف او ناقصة

اليوم موضوعي بسيط ياخوان   وكعادة انزل موضوع واخلي الواحد يكتفي بالاعجاب والمرور<___ اقعدياولد

المهم اليوم موضوعي عن الرخصه واهميتها   وللاسف كثير من الاخوان   يهملها ولا يحسب لها حساب 
 والنتيجة تتراكم عليه المخالفات ومخالفة على مخالفة ويوصل مبلغ وقدرة 
وبذات الشباب والي توهم خلصين الثانوية او داخلين بالجامعة او المتخرجين بعض مثل منتم عارفين بعضهم
وصل عمره 30 وما معه رخصة 
وراح اذكر اهم النقاط  باختصار للرخصة  

1--  في حال وقوع حادث مروري لاسمح الله 

2-- تقديم على وظيفة    
يمكن تحصل لك واسطة بالامن العام او امن الطرق او الطوارى ترى لا قدمت ملفك يطلبون الرخصة 
واذكر  واحد من خوياي اخوة طلبو رخصه عليه وهو الله يهديه عليه مخالفات  اكثر من8600 ريال 
والولد مسوي عزه نفس ما يكلم العسكري لا مسكه ومثثل منتمم عارفين ينبسط لا شاف ما معك رخصة

3-- انت مطلع مطلع لو بعد عشرين سنة لذلك  لا وصل عمرك 18 نصيحة على طول طلعها وافتك 
من  انك تترجاء العسكر او تصير تحت رحمتهم او يستقعد لك
 
واضعف الايمان اذا مسك عسكري عطه بس الاستمارة وخبي اثباتك قل ماهو معي وما يقدر يشيل سيارتك لا تخاف
بس عطه الاستمارة وسويتها انا قبل شهر قطعت الاشارة ماادري من وين طلع لي وما طلعت رخصتي 
لان ما علي مخالفات وبجدد جوازاي وماني فاضي بعد مرمطة ساعه الا  ربع فكني 
 وحتى اخوي ايضا راح يقدم على وظيفة بشركةة  طلبو منه رخصة سارية المفعول واغلب التقاديم رخصة لازم

وان شاء الله بعد كم يوم بروح اقدم على رخصة عمومي 
اخوكم محمد العنزي 
رقم الاعلان : 3839611 










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام بالنسبة للرخصه ماطلعت رخصه وعلي مخالفات حوالي 20000 الف ولازم اسدد عشان اطلع رخصه وبحكم عملي الف كيلو عن الديره وامر على اكثر من نقطه اذا سلمت من نقطه ماسلمت من الثانيه والله يعين


up 2 down 0
abo ali28 290
قبل 7 سنه و 8 شهر



واضيف على كلامك ان التأمين مايشملك الا اذا معك الرخصة


up 2 down 0
شليطيح 5017
قبل 7 سنه و 8 شهر



مايحتاج الرخصة اكيد مهمة..
ايام كانت التامين على الرخصة ضاعت مني وجلست ماطلعت بدل فاقد ولاجددتها بسبب المستوى المادي
تقريبا 5 سنوات....
ولله الحمد ما تضررت منها الا مرة وحدة..مع اني كنت اسافر وما اخلي محل بالبلد وكله بصورة منها..

تعليق على الهايلوكس..
المكينة مهجنة..راس 20 والبلوك 22..وهالطريقة منتشرة بامريكا ..بغض النظر عن الاستكر حق 22:).
حيث ان راس 20 يزيد الاحصنة ويتنفس افضل من 22..
الغريب ولاعمري سمعت احد سواها بالسعودية..حتى علمت فيها ميكانيكي خبرة
ماهو مصدق ان راس 20 يركب على 22 ويعطي اداء افضل.


up 2 down 0
badalfa -39
قبل 7 سنه و 8 شهر



والله اللي خلاني اطلع رخصة التفاتيش ويقهرك لاصار ورع توه متوظف
ويدور اي شيء عشان يعيطك مخالفه  
 الرخصه امرها بسيط وبيدك
طلع ورتاااااح 
اعرف واحد عمره فوق الثلاثين الى الان ماطلع رخصه كل يوم يقول الاسبوع الجاي
الشهر الجاي والى الان ماطلع والمخالفات بزدياد
(لاتؤجل عمل اليوم الى الغد)


up 2 down 0
السيدالمحترم 547
قبل 7 سنه و 8 شهر



والله ياخوي انت تقول لاتطلع البطاقه له 

خذها قاعده مني اذا تعرف ان العسكري توه مستلم والله اللي يدق على سطحه ويسحب السياره 
اما اذا كان على اخر وقت استلامه فااكيد مايبي يشغل نفسه ويدق وكذا 

انا مره تلاعنت مع عسكري قلت بطاقة مي معي ورخصمه معي تبي الاستماره خذها قال لي تبي استقعاد قلت ايه ابي ولا شاف الاستماره اصلا 
ويدق على سطحه وسحب السياره وانا ابوي عميد بالمرور والله ومكالمه وااخليه ينزل السياره غصبن عنه والله انه يطالع في انا 
وهو مقهووووور الادمي ومره نفس الشيء عطيت عسكري البطاقه وبيسجل مخالفه قال انت ابوك عميد بالمرور صح ؟ قلت ايه 
قال هذا مايضراني اعطيك مخالفه ترا القانون على الجميع قلت اكتب اكتب واسجل رقم المخالفه وبعد ماخلص اشق المخالفه 
وقلت تراها بتنفك المخالفه هي لاتفرح واخذت سيارتي ومشيت 


up 3 down 10
do8sh 208
قبل 7 سنه و 8 شهر



do8sh   مهايطي 
لو اني بدال العسكري كان ردغتك


up 5 down 0
5alaf 694
قبل 7 سنه و 8 شهر



do8sh ابوك ماراح يدوم لك كون شخصية لنفسك الين متی بتقعد ابوي ابوي


up 3 down 0
ماجد2022 531
قبل 7 سنه و 8 شهر