كيف اخذ سياره اقساط ؟

والله لو انا مكانك اخذ كورولا 2006 او 2007 قير اوتوماتيك وش لك في الديون وعما العيون 

استخراجك لسيارة اقساط يحتاج منك تعريف بالراتب وانت طالب جامعي يعني ما تقدر
ولازم تجيب واحد موظف يطلعها بأسمه بالاضافة الى انك بتجلس اربع او خمس سنين تقسط كل شهر و بما انك طالب يمكن بعض الشهور ما تقدر توفر القسط وتنزنق

فالافضل انك تشوفلك سيارة نظيفة بال25 الف تمشيك لين تتخرج وبعدين اشتري سيارة ماكنت تحلم فيها وترتاح من الديون في الوقت الحالي

تبي تنام وانت مرتاح البال خذ بكلام الاخوان ^وترتاح من الاقصاد ووجع الراس 

شفلك سيارة حليوة بالفلوس اللي تبي تحطها دفعة بالانترا دور بالمعارض زين وتلقى لان السوق نايم شوي 

أرخص قسط لما تاخذ قرض من البنك وتشتري كاش 
والالنترا قيمتها تقريبا ٥٠ الف 
يعني بتاخذ ٢٥ الف ريال وبيكون عليك ارباح للبنك اذا كانت النسبه١.٤٥ حدود ١٨٠٠
و٢٠٠٠ ريال رسوم اداريه يعني بعد ماينزلون لك القرض ٢٥ ياخذون منه٢٠٠٠ريال
والقسط حدود ٤٤٠ ريال في الشهر
طبعا انت طالب لازم اخوك ولا ابوك الي يطلع القرض وانت تسدد
وطبعا النسبه ١.٤٥ اقل شي وهذا كان عرض قبل فتره مدري باقي ولا انتهى
ونصيحتي لك با٢٥ خذ اكسنت بتحصل ورددده بالقيمه هذي 
وعلى قولة الشيبان الله يلعن الدين لو انه مدين 

ياخي 25 الف تجيبلك يارس 2011 او كورلا 2008 او النترا 2008 وفوق انت طالب محتاج توفر فلوسك  في كتب وغيرها  السيارات الي ذكرت راح تقوم بالواجب اكثر تاكد ان النترا راح تطلع عليك 80 الف تقصيد  مرمطه خمس سنوات

بيني وبينك الأقساط وجع راس، والمستعمل بعد ما يطمن، إلا اذا فحصت 100% وماتكون السيارة ماشية كثير 

تعاملي مع المستعمل كان فاشل لأكثر من مره، ممكن لأن خبرتي كانت ضعيفه في الشراء ..

كم ادفع في البدايه ..؟
حسب السيارة، أخذت كامري تماتيك بداية دفعت 4120 تقريباً. 

وكم تكون الاقساط ..؟
حسب السيارة، وحسب دفعتك وحجم الدفعة الأولى إذا كنت مزود المبلغ .. لكن الألنترا ما أخبر كم بالضبط، ويرجع حسب مواصفاتها 

وهل اقدر اطلع وانا اطالب او لا ؟؟
ممكن مثل ما أفادوك الأخوان بإسم موظف، أو ويمكن تقدر تجيب لك كفير غارم سعودي راتبه فوق 8 أو 10 وتأكد من هالمسألة.

وهل الالنترا خيار كويس او لا ؟؟
كل السيارات حلوة لكن ترجع لطريقة الإستخدام، ومن ناحية القطع هونداي رائعة.

وللعلم الي معي 25 الف و ما ابغا ادفعها في مستعمل
حاول تستأجر سيارة إن أمــّـكن لفترة وجيزة في حال إنك مستعجل على سيارة، ولا ترى التاكسي مريحين، أنا يوم إني طالب 
سنة ونص أروح وأرجع بالتاكسي وحمد لله، تفتك من الزحام وتوصل براحتك، أما إذا عندك مشاوير خاصة وتحس إنك تحتاج 
سيارة، الله يسهل دربك، فكر بالموضوع وشوف الردود وأختر اللي يناسبك ــ بالتـــوفيق .. 

تعديل: كفير* كفيل* ... وش ذا الطلسومة هههه 

يعطيك العافيه اخ محمد وانا بادور لي على مستعمل اذا ما لقيت باشوف لي اقساط 

اخوي اذا ممكن ابغى رقمك 

ياخوي زدها 10 الاف وخذ لك صني ولا اكسنت وكاله 

ولا بنفس ذا المبلغ تلقا فورد مركيز ولا فكتوريا نضيف 

لاولله الا حليتها اخوي ابعد عن الامريكي بذات الفردات ولحين الامور طيبه الكوردات من مديل 12 وتحت ماتتعدا القيمه الي معك روح المعارض وبذن الله بتعين خير

خذلك جيب هدد خلي عنك

الله يرزقك ويرزقني ونا اخوك