مشكلتي مع شركة تاجير يومي

الحاجات مكانيكيه مالك دخل فيها  بس صدمات وحكوك يحاسبونك عليها  مفروض تقوله يشيك على زيوت سياره وماء 

وتنشب له تقوله اي شي يصير بسياره  محركات مالي دخل بس صدمات تشيك معهم سياره وياشر عليها اذا فيها شي وتدقق معه انت 

تسلم اخو
بس المشكله إلى الحين الماكينه ضربت ويطالب 1200 ريال وش الحل
أقدم شكوى عليه بالشرطة ولا لا 
لأنه تبالني ويقول انه شايف سياره كذا مكان تمشي وحتى العقد ماشي وش الحل معاهم 

والسياره واقف من أول يوم بالعيد عشان خرابها

افضل حل تروح لقسم الشرطه تقدم شكوى

واذا رفضت الشرطه استقبال شكواك 
وقف سيارتهم امام مكتبهم ذا السياره تمشي 

او شف لك سياره وقفل على سيارتهم وقلهم يكلمون الشرطه واذا جت الدوريه اشرح لهم 
ولاتقسط لهم ولا ريال اللي اعرفه ان السياره اذا خربت من خلل فني في محركات او قير او دفرنس مالك علاقه بهم 


لكن اذا صدمت او انصدمت انت اللي تتحمل المسؤليه

وقف السيارة عند المحل وسلم المفتاح وامش 

سؤال بسيط 

قريت العقد قبل تستأجر ؟
المكاتب الصغيرة يلزمك بأي عطل أو ضرر على السيارة ويكتبون هذا في العقد 

الشركات ما عندها هالكلام في الغالب
حتى الحادث لا سمح الله عندهم تأمين شامل 

ارجع للعقد اذا مافيه تحمل ضرر اطرق لهم لأن نظام وزارة التجارة وغرفة التجارة يلزم المكاتب بوضع الشروط

الله يكون فعونك

وين اللي يقولون  امبير الحراره غير مهم وبعض الشركات صارت تخلي سياراتها بدون امبير ؟
كلام مايخش المخ
انا يهمني اعرف حرارة السياره واي ارتفاع بسيط فيها اوقف واشيك 
مو شرط لين توصل الحراره لنص ولا لين تقبع المكينه !

مالك الا تشتكي مثل ماقالوا الاخوان
والله يخارجك منهم على خير 

الله يكون بالعون 
ونشوف ايش يصير معاهم

اي والله الواحد لايستاجر والا سيارات إلى فيها أمبير حراره 
وانا السياره إلى اخذتها بدون امبير حراره

اخوي انت مالك دخل ب المكينة والمحركات وبعدين هذي سيارة اجار يومي يعني مكروفه كرف الناس لعبين فيها اتمنى انك تقدم شكوة عليهم ولا تدفع ولا ريال

اذكر قد تقلب اخوي بحادث وطالبوه ودفع لهم واتصلو عليه قبل فتره يقولون باقي 1000 ريال مادفعتها وسحب عليهم ولا طالبو بشي شركة الوفاق 

لكن انا اذكر استاجرت قبل سنه تقريباً موتر قالي هاذا ماغيرنا زيته والصني مغير الزيت خذ الصني قلت ماابي صني واخذت الكورلا لكن ماقالي اذا صار شي انت المسؤؤل 

المعروف انك تدفع 500 ريال فقط لا غير اذا حصل حادث  لان السيارات مؤمنة تامين شامل
اذكرواحد من  الشباب حصله حادث طالبه المصري بتصليح السيارة او دفع 21000 قيمة التصليح
طبعا المصري بيلهف السعودي 
وبعد اخذ ورد قله احد السعوديين الموظفين في شركةالتاجير ادفع 500 ريال في المروروامورك في السليم
المشكلة ان المرور لا ينبهنا لمثل هذه الامور بل يتركنا فريسة لاصحاب المكاتب

اذا ماهو انت السبب في خراب المكينه 
أقصد تفحيط وكذا وفجرت المكينه لان لازم تراقب الله اولا واخرا
اذا ماهو انت الي فجرت المكينه لا تدفع لهم ريال حطها بحلوقهم وامش وخلهم يبلطون 
البحر 
ترا ما فيه اثبات وصعب يثبتون الشي ذا