هل هذا منطقي؟

يا اخوي معروف الجشع في كل مكان هنا ولا الوكالات ولا شركات التقسيط ولا الاسواق الغذائيه

وانك تقول خليها تصدي وتبور انت ما تتحكم فالبشر انت ما شريتها غيرك غشيم بيشتريها

الحل انك اذا احتجت سياره تدخل على جميع اعلانات الموقع وتزور الوكالة وتزور المعارض والارخص اشتري منه

الوكالات نفسها شف اسعار الجيوب واغسل يدك 

أحلى لايك لأحلى ردود

وانا اخوك حتى حاراجات السيارات غاليه مو بس الموقع 
توني جاي من المعارض ولقيت كامري نص فل ٢٠١١ ماشي ٩٠ الف ومعروضه للبيع ب٧٢ الف 
ولقيت اوريون فل كامل ٢٠١١ ماشي ٥ الاف ومعروضه للبيع ب١٢٠ الف 

الاسعار المعقوله تجدها فقط السيارات الاستخدام الامريكي 

الاسعار في ارتفاع كبير
اجل شاص 2015 بـ 160 الف !!!
وهو كله مكينه وقير

الحل ياطويل العمر انك ماتشتري ابد دام البديل عندك موجود ويخدمك حتى لو كان قديم شوي
وخله يعرض التويوتا حقته على 400 و 500 الف مافي مشكلة
هي المشكلة تحصل اذا حصل الزبون بس

بالمناسبة انا معي لكزس 2009 وقبل فترة نويت اجدد
بالأقساط
لكن عقب ماشفت الأسعار قلت انحش حتى لو معك يارس و وفر فلوسك

الاسلوب واضح وباين من ناحية المستهلكين اللي يرفعون الاسعار

فمثلا تلقى سيارته تسوى 50 الف
يحطها لك على السوم
تجيك الناس تسوم 40 وتوصل 48

يجيك راعي الاعلان ينقز فجئه ويقول سيمت على الجوال ولا برا ب55 !!!

اعرف انه نصاب ويبغى يبيع بسعر غالي فباله

فانتبهوا من هذي الامور

الاسعار خياليه واكثر الاسباب موقع حراج لان الشريطية اللي بالمعارض موجودين هنا وخاصة معارض خميس مشيط الاسعار من اول غاليه والحين بعد موقع حراج صارت شي ما ينوصف 
 والحين اشوف قبل فترة حتی صالة البيان صارت تعرض هنا بالموقع وحتی نشاطهم اختلف صاروا يجيبون سيارات هوانداي خليجية 

والله يا شباب .. كل ردودكم منطقية وفي الصميم .. للأسف هذا واقع .. ومشكورين على الردود والمرور

الموقع مهابيل السومات بالاعلان وصلت مثلا 40 وهذا حقها . تتصل عليه يقولك وصل سومها 80 هههههههههههه
الي يبي يشتري يروح المعارض ولاتشتري من الشريطيه نصابين وحراميه

والله الموقع هني غالي كثيير جرب ادخل سعودي سيل وشوف الاسعار فرررق 
اليوم شفت ماركيز 2001 ماشي حوالي 400 السوم واصل 24 ومو ناوي يبيه 
قلت خلني اشوف سعودي سيل ولله شفت ماركيزات وفورد في معارض ممشاهم حلو على 12 و 15 

مهب بس الموقع المستعمل عموما كله ارتفع سعره بشكل

كبير لدرجة أن بعض السيارات تلقاها ماشية 30 الف 

وفرقها عن الوكالة الكرت 30 ألف ريال لا واذا ناقشت راعيها 

وقلت له وش خليت للجديد قالك تبي ولا رح اشتر جديد وفعلاً هذا الي 

صاير مبيعات الجديد هالسنتين الأخيرة زادت بشكل ما قد صار ابد

الاسعار خلال العشرين سنه ارتفعت الى ما يقارب 765% بالميه !!!!!!!!

ودخلنا الشهري زاد بنسبة 66% خلال هالعشرين سنه

شوفوا الفرق بين الدخل الشهري واسعار جميع الاشياء كيف ارتفع

يمكن 7 ادبال رواتبنا

والحين اتوقع 10 ادبال

الجمس التاهو كان عليه عرض ومن الوكاله ب 129 الف 2014 و 2015 ب170 الف زياده 40 الف عشان التصميم مختلف

مدري هل ركبوا له 3 صدامات وكبوتين و مكينه وقيرين و4 دفرنسات

والله كلها مثل 2014 بس غيروا الشكل فقط

خلوا المكاين بدل ما تسوي الهيكل كذا عدلوه الى الهيكل الجديد فقط

ما خسروا شيء

يمكن نقول زياده 5 الاف عشان بعض التطوريات الخفيفه

واقسم بالله لو تبيعها ب 100 الف انها كسبانه

تجاره مجنونه وللاسف لقيت مجانين يشترون حتى ولو يعلوا السعر

مشكورين شباب على التفاعل والردود .. وجميع ردودكم درر وجواهر .. وأستغرب ممن وضع dislikeلي أو لبعض ردود الأعضاء .. وأتوقع أن منهم من ينطبق عليه الكلام .. وبالتالي ما عجبه النقاش ووضع dislike 

صدقوني لو حطيتوا مليون dislike هذا الواقع المرير الذي نعيشه .. رضيتم أم أبيتم .. وبالآخر مثل ما قالوا الأعضاء الكرام .. المستفيد الأول والآخر هوامير الوكالات .. والسيارات الجديدة .. وسيأتي يوم ستنخفض فيه أسعار المستعمل نتيجة العرض الكثير والطلب القليل بسبب الاسعار العالية 

هذا والله أعلم ..

لو الكل يمشي على مبدأ اعطي كل ذي حقاً حقه كان مالقينا الاشياء هاذي موجودة وكان انقرضت بمعنى

دخلت على اعلان سيارة وشفتا مواصفاتها وممشاها وحالة المكينة والقير والبدي وشفت راعيها كم حادها عليه ، اذا شفت السعر مبالغ فيه حتى لو الموتر نظيف لا تنشب له اطلع واسحب عليه ولو كل واحد سواها وشاف اعلانه ماعليه زبون مرده بيعدل الاعلان ويقول تم تنزيل الحد صح ولا لا ؟؟؟ وكم واحد شفناه مبالغ في سعر موتره واخرتها طفش ونزل السعر ، لكن المشكلة هنا وخصوصا في الاعضاء يجيك مهب شاري ولا شي ما اتكلم عن الكل لكن الاغلبية للاسف يجيك يشب في الرجال ومداقش هو وياه وتراها ماتجيب وتراها مدري وشوا ترى موديلها كذا وهذاك يقول ماتعرف اسعارها اسكت ولا تبخسون الناس اشياءئهم وتقوم الحرب بينهم


ياخي وش دخلك فيه اسفهه


وبعدين مع احترامي انتوا كل شي تحطونه على المعلن او البايع ولاتنظرون لسلبيات الاعضاء او المدعين بالشراء يعني مع احترامي يجيك واحد عارض موتره الفلاني وحاده بسعره مثلا 70 وفعلن هاذي اسعارها في السوق يسوى من 65 الى 70


يجيك واحد بكل برود يقول لك ب 57 وصامل وترى موترك موديل كذا وفيه كذا على كيفك هو تحكم انت سم باللي عندك اما انك تجزم ان موتره مايجيب الا كذا لامهب على كيفك



وثانيا مع احترامي بعضهم فاهم الموضوع غلط انا شاري موتر من الشركة الفلانية مايطيح سعره بحده على كيفي اللي يبيه ولا بكيفه


بمعنى اصح بذكر لكم سالفة واحد عارض افلون 2013 الشكل الجديد فل بشاشة حلو سعرها في الوكالة الآن ب 137500 ريال جاهزه منقولة بأسمك او في موزعين معتمدين عند عبداللطيف عشان اكون واضح موديل 2014 وخوينا توه مطلعها 2014 بس بدون شاشة خذاها ب127 ممتاز

جاء ذا معه 2013 فل بشاشة ماشيه 7 الالف اظاهر قال حدي فيه 139500 اللي يبيها ولا لايكلمني ولا يبخص الناس اشياءئهم دخلت عليه انا قلت والله ياخوي مهب من باب لقافة بس بوضح لك الصورة الموتر سعره بكذا وكذا وانا امس في الوكالة قال طيب انا مركب عازل وتظليل ب 4000 قلت هاذي مالها علاقة في السيارة انك ترفعها عن سعر الجديد الموتر لو يمشي كيلو واحد طاح منه 2000 ريال قال انا وانا وسأل الوكالة وقالوا سعرها 141 قلت مستحيل وراح وسأل اظاهر


ثمن كتب تعليق اللي عنده سومة فوق 135 الف يكلمني ولا لايكلمني وشرط لو جاء احد سامها ب 135 ان يبيع وهو مغمض لأنه مايحلم فيه ف مثل هاذا اسفهه وبيخيس هو وموتره ومرده بيمشي اكثر وبيطيح في حلقه فهمت

جزاك الله خير أخونا إبراهيم على هذه الملاحظات القيمة .. فعلا كلامك 100%وتعليق رائع من شخص أروع