استفسار بسيط

أهنيك على اختيار هذا الزيت الرائع.


بالنسبة للنقطة الثانية ... هذول موضوعين للأخ شاقح

راح تفيدك ان شاء الله:

http://ford.montada.haraj.com.sa/38083

http://montada.haraj.com.sa/18245

يستاهل ابو خليل المدح وكفو ويساعد اللي يعرفه واللي ما يعرفه 

وش سيارتك ياعسيري ؟

سيارتي اكورد 2011

كويس .. لزوجة هذا الزيت هي الموصى لاغلب السيارات الجديدة .. اوصيك به وعندك خيارات اخرى 
ايسديلكو 5w30
فوكس 5w30 
شيل 5w30

بالنسبه للنقطه الثانيه .. 
وين المشكله غير بنفسك اللي بتحتاجه التالي :
مفك على حسب مقاس الصرة سواء ١٤ او ١٥ او ١٦ او ١٧ .. 
 وردة للصرة وتسمى بالانقليزي واشر اللي تكون على الصره عشان تمنع التهريب
كمية زيت بحسب الموصى في دليل المالك (كتيب السيارة)
فلتر زيت أصلي من الوكالة .. او اي موزع معتمد 
مفك فلتر زيت على حسب حجم الفلتر 
علبه بلاستيكيه لوضع الزيت القديم فيها.

تنزل تحت السياره تفك الصرة وتخليها 10 الى 15 دقيقة.
تفك السيفون بمفك السيفون.
تزيت ربل السيفون الجديد بالزيت وتربطه بيدك ((مايحتاج اي ربط بالمفك عشان ماتعدم القاعده حقة الفلتر))
تربط الصرة.
تجيب المحقن وتعبي الزيت الجديد على حسب الكمية الموصى بها.
اعيد واكرر هالنقطه لان الزياده ضرر والنقص يضر لكن موب اكثر من الزياده.

^ البعض يشوف هالخطوات يقول مشوار 
بالنسبه لي صارت متعة وودعت البناشر للابد.

موفق

h

شوف هالموضوع ممكن يفيدك

ttp://haraj.com.sa/114548621

المعذره تم التعديل ****

http://haraj.com.sa/114548621

خش هالرابط

http://www.qwikvalve.com/

ادخل نوع سيارتط ومديلها
بعدين بيظهر لك انواع كثيره من المحابس الي تركب مكان الصره
اختر النوع اللي يناسبك وشوفلك احد يشتريه وركبه فسيارتك
واشتر مفتاح زيت الفلتر تلقاه في محلات العدد حقت السيارات

ويصير تغير الزيت فاي مكان
انا ركبته على الفورد ومامنه اي خوف

سعره في البناشر 35 

روح وكالة الجميح خذ اسي ديلكو بـ 24 ريال نفس a1

كرتون زيت بترومين ب حوالي ٢٦٠  وفيه ١٢ علبه  يعني تطلع العلبه ب ٢١ الى ٢٢ ريال 

وزيت صناعي ويمشيك ٨٠٠٠ كم  ولا يفقد لزوجته 

اما حقين البناشر فعليهم من الله ما يستحقون  يبيعون العلبه ٥٠ يعني ربحهم  فوق ١١٠٪  
ويحلف ان مكسبه ريالين 

ابو راكان وين 35 
سعره في بترومين 55 

انا استخدمه لزوجته رئعه و تحس المكينه احسن كانها جديده
ما توقعت انه ممتاز كذا 

كنت استخدم كاسترول ماجنتيك 
لكن بترومين تفوق في الزيت على الكاسترول 

و الأفضل منها موبيل الذهبي 

من افضل الزيوت عن تجربه يمشي ١٠ الاف ولا زال لزج 

سعره بالجمله ٢٦٥ ريال ١٢ علبه اي ٢٢ ريال 

البناشر حراميه بالقصيم يباع عن محل الاندلس 

مدري اذا له فروع برى القصيم او لا 

لكن سعره جمله ٢٦٥ كرتون وعن تجربه زيت ناجح جدا وموفر للوقود

مالكم لوا 

يا اخوان والله دوبي مغير الزيت لسياره ماشيه 30 الف 
عبيته اول في بترومين a1 سعر العلبه بـ ( 45 ) وعند البنشري ب 35
المهم انه هذا الزيت مشيت عليه 9850 نقص معي علبه وربع تقريبا 
زيت اسي ديلكو مشيت عليه 9800 قبل كذا ولا نقص ولا شعره 

زيت a1 لقيته محروق وصاير زي المويه 

بصراحه بعد التجربه ما بعد اسي ديلكو واقل سعر بعد 

البنشري يقول a1 مشى على جمس 12الف ولا نقص والله بغيت اقول كذاااااااااااب وبوجهه قلت له هذا الزيت بعد التجربه مايسوى

ابو راكان تبوك
بترومين a1 استخدمه لسيارتي من لما كان ممشاها 50 الف
والحين ممشاها 120 الف واغيره كل 10 الف كم تقريبا ينقص نص علبة كل 10 الف كم وبعد فحص اللزوجة اجد انه نفس 
لزوجته وهو جديد ماختلف شيء

سعره في بترومين 45 ريال مو 55 ريال مثل ماذكر بعض الاخوان

السلام عليكم 
خواني زيت بترومين A1 ممكن تربح فيه غرام ذهب عيار 24 وانا قد صارت معاي وربحت غرامين موب دعاية بس والله بذكر لكم السبب عشان البناشر ليه تنصحك فيه عشان الغرامات وانت موب داري 
واتمنى مايغركم الذهب 
بالنسبة لي انا بشتري دائما كرتون 12 علبه من عند بن محفوظ ان ماخاب ظني ب 270 ريال الكرتون 
بعد 3 كراتين ربحت الغرامين بكل عبوه على القصدير تلقا مكتوب 1جرام جولد
بس لاحظت صرفية البنزين زادت حول 20% عن انواع اخرى لكن صوت التكايات اختفى ماشاء الله ولذلك تابعت استخدامه 
الزيت ينقص علبه كل 6500 كيلو تقريبا او اكثر 

اتمنى كون افدت الجميع 

سلطان 4040 الفاتوره معي حط شرطك وانا انزلها هنا

انا استخدم بترومين 10w30 على كرسيدا فالثمانينات

وامشي به حول8 الى 9 في شهرين واغير مع السيفون

ولا نقص ولا شي على اي زيت يناسب سيارتك استمر عليه

جرب موتر كرافت وبترومين 10w30  وابتعد عن كاسترول

زيت ممتاز بصراحه والتغير على حسب نوع السياره مثلا سياره تاخذ 5 علب التغير يكون كل 10 الاف 
وسيارات تشيل 8 علب التغير يكون كل 16 الف وكل واحد ادرى بسيارته كم علبه تشيل ...... بالتوفيق