أضف سؤال أو موضوع جديد          

احتيال الوكاله في تكلفة اصلاح السياره من 14077 الف الى 1327

up 33 down 14
شويخ من أرض مكناس 2824
قبل 6 سنه و 8 شهر



السلام عليكم ورحمة الله وبركاته :
موضوع صار معي وعرفت فيه شغلات كثيره حبيت انقلها لكم

((( تفتكرون موضوع الكادينزا اللي كلفت 90 الف  وكانت صدمه في الامام والتورس اللي كلفت 85 الف عشان صدمه فالخلف ؟ ))) الحين بنعرف ليه هالتكلفه

حك صدامي راعي تكسي والغلط عليه ميه فالميه المهم
زبدة الموضوع بين الوكاله والتامين 
خلصت اوراق المرور والتقييم 3 ورش مع ان اللي اعرفه  السياره وكاله تامين شامل تتقيم وكاله مو 3 ورش فقلت خلنا نمشي وراهم نشوف وش اخرتها

رجعت لشركة التامين اول شي قالوه ( عندنا ورش متخصصه اسرع وبنفس كفائة الوكاله )
قلت ابي الوكاله
قلي ترا الصدمه بسيطه وبتاخذ فتره فالوكاله
قلت لايكثر الكلام اللي قلته مابي اعيده السياره تتصلح وكاله تراني مب ناقصك وخلها تجلس شهر انت وشعلاقتك فيني

حاولو يتهربون من الوكاله بس ليه ؟ بتعرفون السبب شوي
اخذت الاوراق ودخلتها الوكاله
قالو تقييم تاخذ 3 ايام نعطيك برنت بتكلفة الاصلاح 
جيتهم بعد 4 ايام قالوا بعد ؟    >>> هنا قفلت ام الاخلاق معاي صارت هوشه لحد ماجى مديرهم
وقلتله تراكم وعدتوني 3 ايام والان عطيتكم 4 ايام وماخلصتوها
المشكله ماهي فالوقت المشكله في اخلاف الوعد لو قلتوا اسبوع وعندنا زحمه كان عادي

المهم تاشديت مع مديرهم فقلي عطني ساعه ويكون التقدير خالص وفعلا رحت واتصل علي بعد 43 دقيقه
جيت استلمه لقيت التكلفه 14077  !!!!! قلي روح وده التامين عشان يعطونك موافقه اصلاح

قلت وش هذا يامجرم تراها صدام وكشاف وش اللي 14077 ؟
قال اللي بيدفع التامين مو انت 
قلت ايه بس هذي سيارتي انتو وش بتسوون فيها
قريت التقرير لقيتهم بيغيرون الكبوت والشمعه والجنط والكفر ورش الكبوت والرمان وقربة المساحات ؟
شغلات مالها علاقه فالصدمه 
قلت الغوا القطع فيه اشياء حرام تتغير 
قلي هذي اذا تبي تصلحها عندنا ها تقديرها مابدك روح ورش برا 
قلت والله لخليك تنزل وتلغي فالقطع وانت ماتشوف الدرب 

رحت للتامين جلست مع الموظف اشرحله اللي صار
فقلي شوف احنا عارفين الوكالات وش تسوي عشان كذا نتهرب منهم لكن انا كمندوب اروح اشيك وانقص في القطع اللي ماتحتاج اصلاح
وباقي القطع اللي فيها حكوك مقدر الغيها لان العميل بيرفض

لكن انت امرك غريب قطع كثيره تبي تلغيها اول مره يجيني واحد ويطلب طلبك
قلت ايه مو حرص على شركتكم بس حرص على سيارتي ولا انا ماضربت لكم حساب

اخليهم يرشون الكبوت عشان وقت البيع يقولون الكبوت مرشوش وتطيح قيمتها ؟
اخليهم يغيرون الرمان واجي بعدين القى شغلهم تعبان ولا ناسين مسمار ماركبوه ولا يلعبون فوزنية السياره ؟

المهم جلست احدد القطع اللي مابيها تتغير  انبسط الموظف وقال مالك الا من يخلص موضوعك الحين مو تنتظر 15 يوم
من 14077 التكلفه الاجماليه الى 3927 التكلفة الاجماله
1327 قيمة القطع بعد الخصم 50 بالمئه لشركة التامين بعد ماكانت 8954 الف
2000 شغل اليد
600 رش بويه

طبعا وريته الصور وطبعها عنده وقلي خلاص هم قالوا لك انتظر 15 يوم عشان المندوب يجي يشوفها
انت قولهم المندوب جى شافها مثل الجني وخلص وهذي الموافقه بدون لا اشوف السياره ولا يقدرون يتكلمون

اخذت الموافقه ورجعت وانا في نفسي ابي اقابل مديرهم السربوت يوم يقلي اللي بيدفع شركة التامين هههههههههه

موظف شركة التامين يقولي ترا القطع اللي حالتها كويسه ماناخذها احنا نخليها عندهم لان ماعندنا مستودع ولا احنا فاضين لها
فعشان كذا الوكاله مستغلة شركات التامين
فالنهاية
تفتكرون موضوع الكادينزا اللي كلفت 90 الف صدمه في الامام والتورس اللي كلفت 85 الف عشان صدمه فالخلف ؟
الحين عرفنا وش سبب ارتفاع اصلاح السيارات وهروب شركات التامين من الوكالات











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عادي جدا بالتسبة للاربعين حرامي  الوكالة 
انا سيارتيجتها دقة خفيفية من الزاوية الأمامية اليمنی وانكسر  جزء من الشمعه والشمعه تشتغل والصدام تعفط بس تخيلوا كم كلفت 
السيارة اكورد 2007 وديتها لهشوم قالوا لي 22 الف والله العظيم وبعد الخصم 21 الف !!!!!!
انهبلت واشوف الورقة والقاهم بيغرون الشمعة اليسری السليمة تماما قلت ليش قالوا شاكين ان قاعدتها مكسورة هههههه
وبيفكون الراديتر والفريون والدودة ويركبونهم مع السوائل وبيغيرون الكبوت   الرفرف ووو..والله مابقی الكراسي يغيرونهم هههههه...
فدايما اقول العيب مو من السيارة العيب من الوكيل المجرم والدولة الزينة اللي لارقابة ولاحقوق مستهلك


up 3 down 0
talal abdullah 5421
قبل 6 سنه و 8 شهر



لاب توب
600 حق قيمة رش البويه 


up 2 down 0
شويخ من أرض مكناس 2824
قبل 6 سنه و 8 شهر